الخميس، 10 سبتمبر 2009

كـــــــمام اية بس ..........مش عيب عليك ,,,,,,,,,

السلام عليكم ورحمة الله وبركاتة ,,,
اخباركوا اية ياشباب ...خلاص قربنا من انتهاء الشهر العظيم الجميل والايام الرائعة الدافئة والليالى العامرة بذكر الله ...وان شاء الله تكون ايامنا وليالينا وساعتنا عامرة بذكر الله تعالى دايما ان شاء الله .وموضوع اليوم ياشباب فعلا مهم جدا... وخطير فى نفس الوقت ....وياريت مع بعض كدة نتعاون على نشرة بين اهلنا واصدقائنا وجيرانا واحبائنا... وبدأت الحكاية لما كنت فى زيارة لاخوية فى الله صديق لية وكان جزاة الله خيرا والمسلمين عزمنى على الفطار وبعد كدة قالى ههديك هدية جميلة ...قولتلة خير قالى هنروح مسجد تحفة وروعة وكمان الشيج ماشاء الله على صوتة روعة وصوت جميل ملائكى وفعلا رحنا هناك للمسجد... وفعلا وصفة طلع فى محلة واحسن كمان ماشاء الله على المسجد وعلى الشيخ وبعدين ياشباب ...بعد ماصلينا صلاة العشاء وننتظر صلاة التروايح ...لقينا شخص جنبنا على بعد شخصين تقريبا لابس كمامة ومعاة مصليتة الخاصة بية وهو الوحيد الى فى المسجد عامل كدة ... مش هقولكوا لقيت نظرات الناس لية فعلا متفحصة وفى عيونهم اسئلة كتيرة زى(هو لية عامل كدة /خايف على نفسة قوى لية كدة / ياعم سيبها على الله / قول يباسط ) ...قولت سبحان الله مع ان الراجل دة فعلا عامل الصح وبيطبق مبدأ الاخذ بالاسباب ومش ماشى على البركة زى كتير من المسلمين واولهم انا وفعلا حسيت ان موضوع الكمام دة والمصلاة الخاصة شئ مهم ...وحبيت انبهة اخوانى واخواتى فى الله على اهمية الموضوع دة علشان فعلا موضوع الانفلونزا انتشر بصورة مخيفة ...لقلة الوعى وكمان لعدم الاهتمام بيها وبموضوعنا الى بنتكلم فية ....ولوكلمت واحد وسألتة لية مش لابس الكمام يقوللك ياعم خليها على الله ... عيب عليك كمام اية بس ...النا س تقول علية اية وانا لابس البتاع دة .... والله ياشباب حاجة فعلا تحزن يعنى يبقى الغرب عاملين احتياطيات وتوعية وابتكروا فى اشكال الكمام زى مانتوا شايفين فى الصور واحنا لسة منطقنا كدة وبرضوا مش هنقول نقلد الغرب فى كل حاجة لكن ناخد منهم الى ينفعنا بس ومايرضى الله ورسولة طبعا ... ولو بصينا لمعلمنا وسيد البشرية جمعاء واخذة بالاسباب هنقول احنا فعلا غلطانين ولازم نراجع نفسنا كويس وتعالوا نشوف معلمنا الاول وحبيبنا ورسولنا سيدنا محمد صلى الله علية وسلم بيقول اية :--
الأخذ بالأسباب هو هدى سيد المتوكلين على الله – صلوات الله و سلامه عليه - في يوم الهجرة و غيره ، إذ عدم الأخذ بالأسباب قدح في التشريع، و الاعتقاد في الأسباب قدح في التوحيد ، و قد فسر العلماء التوكل فقالوا : ليكن عملك هنا و نظرك في السماء ، و في الحديث عن أنس بن مالك – رضى الله عنه – قال : قال رجل : يا رسول الله أعقلها و أتوكل ، أو أطلقها و أتوكل ؟ قال : "اعقلها و توكل " رواه الترمذي و حسنه الألباني ، وأما عدم السعي فليس من التوكل في شيء، و إنما هو اتكال أو تواكل حذرنا منه رسول الله صلى الله عليه و سلم ، و التوكل على الله يحرص عليه الكبار و الصغار و الرجال و النساء ، يحكى أن رجلاً دخل مسجد النبي صلى الله عليه و سلم بالمدينة فرأى غلاماً يطيل الصلاة ، فلما فرغ قال له : ابن من أنت؟ فقال الغلام : أنا يتيم الأبوين ، قال له الرجل : أما تتخذني أباً لك ، قال الغلام : و هل إن جعت تطعمني ؟ قال له : نعم ، قال : و هل إن عريت تكسوني؟ قال له : نعم ، قال : و هل إن مرضت تشفيني؟ قال: هذا ليس إلي ، قال : و هل إن مت تحييني ، قال : هذا ليس إلى أحد من الخلق ، قال : فخلني للذي خلقني فهو يهدين و الذي هو يطعمني و يسقين، و إذا مرضت فهو يشفين ،و الذي أطمع أن يغفر لي خطيئتي يوم الدين ، قال الرجل : آمنت بالله، من توكل على الله كفاه .
و في قصة الرجل الذي كان يعبد صنماً في البحر ، و التي نقلها ابن الجوزي عن عبد الواحد بن زيد دلالة على أن التوكل نعمة من الله يمتن بها على من يشاء من خلقه حتى و إن كان حديث العهد بالتدين ، فهذا الرجل لما جمعوا له مالاً و دفعوه إليه ، قال : سبحان الله دللتموني على طريق لم تسلكوه ، إني كنت أعبد صنماً في البحر فلم يضيعني فكيف بعد ما عرفته ، و كأنه لما أسلم وجهه لله طرح المخلوقين من حساباته ، فغنيهم فقير ، و كلهم ضعيف و كيف يتوكل ميت على ميت : (فتوكل على الحي الذي لا يموت و سبح بحمده).
قد تنخرق الأسباب للمتوكلين على الله ، فالنار صارت برداً و سلاماً على إبراهيم ، و البحر الذي هو مكمن الخوف صار سبب نجاة موسى و من آمن معه ، ولكن لا يصح ترك الأخذ بالأسباب بزعم التوكل كما لا ينبغي التعويل على الحول و الطول أو الركون إلى الأسباب ، فخالق الأسباب قادر على تعطليها، و شبيه بما حدث من نبى الله موسى ما كان من رسول الله صلى الله عليه و سلم يوم الهجرة ، عندما قال أبو بكر – رضي الله عنه - : لو نظر أحد المشركين تحت قدميه لرآنا ، فقال له النبي صلى الله عليه و سلم :" ما بالك باثنين الله ثالثهما ، لا تحزن إن الله معنا "، و هذا الذي عناه سبحانه بقوله: ( إِلاَّ تَنصُرُوهُ فَقَدْ نَصَرَهُ اللّهُ إِذْ أَخْرَجَهُ الَّذِينَ كَفَرُواْ ثَانِيَ اثْنَيْنِ إِذْ هُمَا فِي الْغَارِ إِذْ يَقُولُ لِصَاحِبِهِ لاَ تَحْزَنْ إِنَّ اللّهَ مَعَنَا فَأَنزَلَ اللّهُ سَكِينَتَهُ عَلَيْهِ وَأَيَّدَهُ بِجُنُودٍ لَّمْ تَرَوْهَا وَجَعَلَ كَلِمَةَ الَّذِينَ كَفَرُواْ السُّفْلَى وَكَلِمَةُ اللّهِ هِيَ الْعُلْيَا ) " سورة التوبة : 40 ".-
وفى اخر كلامى ياشباب مش معنى التوكل على الله هو التكاسل وعدم الاخذ بالاسباب ...لا والله ياشباب الموضوع مش كدةخالص ..فياريت نهتم شوية بموضوع الوقاية دة وانا فعلا علشان بحبكوا فى الله بتكلم فى الموضوع الخطير دة وربنا يعافينا ويعافيكم ان شاء الله والمسلمين اجمعين ...وربنا يكرمنا بالصحة ان شاء الله والبعد عن الامراض وربنا يتقبل منا ومنكم والمسلمين صالح الاعمال ان شاء الله ...

هناك 16 تعليقًا:

فشكووول يقول...

السلام عليكم

رمضان كريم

الموضوع جد وخطير واكثر من خطير
انفلونزا الخنازير او ما يطلقونه عليه والاسم الحقيقى للفيروس H1 N1 فيروس ضعيف وقابل للعلاج ونتائج العلاج مؤكده اذا اكتشف المرض فى اوله.

المشكله فى هذا المرض انه سريع الانتشار وسريع العدوى واذا انتشر بين الناس فمن سيلحق من ومن سيعالج من وهل تتسع المستشفيات للمرضى وهل تستطيع الدوله اى دوله توفير علاج التام فلو لكل الناس .

هذه هى المشكله ونحن نتواكل بالرغم من ان الله يطلب منا الاتكال عليه وليس التواكل... والمدارس على وشك فتح ابوابها والمشكله خطيره خطيره خطيره

بارك الله فيك على هذه التدوينه فهى تأتى فى الوقت المناسب

تحياتى

غير معرف يقول...

وعليكم السلام ورحمة الله

والله ياى ال ربنا رايدله بشئ هايصيبه حتى ولو كان فى بروج مشيده

خليها على الله

الهواء الملوث فى كل مكان يعنى الكمامه ال هاتمنع قضاء الله
اخوك نور الدين
http://noureldens.maktoobblog.com

غير معرف يقول...

اقصد والله ياخى

nana يقول...

السلام عليكم ورحمه الله وبركاته
جزاك الله خيرا على هذا الموضوع المهم والخطير فى نفس الوقت
حقا اعقلها وتوكل
صح زى ما اقال الاخ نور انى لن يصيبنا الا ما كتب الله لنا لكن ربنا مش قال نسيبها من غير تفكير وعقل ونقول ربنا هسيتر او اللى مكتنبوله شىء هشوفه مش نرمى نفسنا فى التهلكة ونقول ربنا هيجنبنا ربنا خلق لينا عقل علشان نفكر بيه والا كده مش هيبقى فى فرق بينا وبين الكائنات التانيه اللى ربنا مش خلقلها عقل تميز بيه الصح من الغلط وان شاء الله ربنا يكفى المسلمين كلهم شر الامرض والاوبئه اللهم ما امين وهى اننا نتوكل على اله مش نتواكل زى ما قال الاستاذ الفاضل فى كلامه فشكول وجزاك االله خير

طهر فؤادك يقول...

السلام عليكم ورحمة الله وبركاااتة,,,,
جزاكم الله خير والمسلمين على تعليقاتكم المفيدة والهادفة وربا يكرمكوا يارب والمسلمين جميعااا ... ويبعد عنكم الامراض جميعا ان شاء الله بأولا : الاخذ بالاسباب وبعد كدة التوكل على الله فهو خير معين وحفيظ ان شاء الله .ومين غيرة هنتوكل علية بس فى المحن دى كلها والله المستعان ويغفر لنا جميعا ان شاء الله ..
-وربنا يكرمك يارب ياعم فشكول وياأخ نور وياأخت نانا وجزاكم الله خيرا جميعا والمسلمين على اهتمامكم ...

Noora يقول...

فعلا والله لازم ناخذ بالاسباب
مانمشي ونقول قضاء الله لان هذا يعتبر اهمال
واتكال ونحن امرنا بالتوكل ونهينا عن الاتكال
جزاك الله خيرا

طهر فؤادك يقول...

السلام عليكم ورحمة الله وبركاتة ,,,
جزاكى الله خيرا والمسلمين حنوردهــان...
وكل سنة وانتى طيبة ... وربنا ان شاء الله يبعد عنا كل سوء اللهم امين والمسلمين جميعا ان شاء الله . وان نأخذ بالاسباب وبعدين نتوكل على الحى الذى لايغفل ولا ينام والله المستعان على البلاء دة بأذنة تعالى ورحمتة ومغفرتة .

غير معرف يقول...

السلام عليكم
أولاً :- كل عام وحضرتك بكل خير
ورمضان كريم
ثانياً :- بالفعل المرض خطير جداً
وما علينا أن نعقلها ونتوكل على الله
أتمنى التواصل
تحياتى

غير معرف يقول...

قال تعالى
{ قُل لَّن يُصِيبَنَآ إِلاَّ مَا كَتَبَ الله لَنَا هُوَ مَوْلاَنَا }
ربنا قصد انا فى اقدار بيبقا الانسان مالهوش اى دخل فيها زى الموت مثلا
مانقدرش نقول ان الموت مش مكتوب لا دة مكتوب من قبل ولادتنا


لكن ربنا
برضة سبحانة وتعالى قال فى كتابة العزيز
ولا تلقوا بأيديكم إلى التهلكة

ياريت تفهموا المعنى

لو احنا قولنا ان كل شيء مكتوب معناه اننا مش هنشتغل واللى هيياس من حياتة هينتحر ويقول ماهو كان مكتوب
واللى يقتل يقتل واللي يسرق
الانسان مسير ومخير
فلازم نعمل اللى علينا واللى عايزوة ربنا هيكون
ياريت تفهموا قصدى
ويارب مكنش غلط فى كلامى
لانى مش بحب افتى لان مش شايفة انى متعمقة فى الدين زى العلماء ولشيوخ

طهر فؤادك يقول...

وعليكم السلام ورحمة الله وبركاتة ,,,

-الله يكرمك يارب والمسلمين يا
فى دائرة الضوء... وكل سنةانت طيب ..والله اعلى واكرم.. وربنا يتقبل منا ومنكم صالح الاعمال ان شاء الله والمسلمين اجمعين اللهم امين .. وربنا يكرمك على التعليق ويجعلة ان شاء الله فى ميزان حسناتك .

- جزاكى الله خيرابنوتة مصرية على كلامك ... وربنا يكرمك والمسلمين وفعلا كلامك مظبوط لازم ناخد بالاسباب ونسعى والله لة الامر من قبل ومن بعد ... وربنا ان شاء الله يبعد عنا شرور الامراض والانفس بأذن الله ويطهر قلوبنا وعقولنامن امراض النفس اللهم امين والمسلمين ان شاء الله .

غير معرف يقول...

السلام عليكم ورحمة الله وبركاته .
أولا : عاوز اشكرك على الموضوع الجميل الذي يناقش أهمية الأخذ بالإسباب بالدرجة الأولى يعقبها التوكل على الخالق سبحانه وتعالى وربط ذلك بقضية أو بعلة معاصرة ألا وهي موضوع فيروس (إنفلونزا الخنازير) أعاذنا الله وإياكم وجميع المسلمين من خطر هذا الوباء وحفظ على جميع المسلمين في شتى بقاع الأرض نعمة الصحة والعافية إنه ولي ذلك والقادر عليه .
أشكر جهودك الكريمة في هذا الموضوع والمواضيع السابقة تعاقبا .
جعلك الله ذخرا للإسلام ورفع راية التوحيد .
التوقيع
سبحان الله وبحمده سبحان الله العظيم

طهر فؤادك يقول...

وعليكم السلام ورحمة الله وبركاتة ,,,

جزاك الله خير اخى الكريم على الكلام الجميل دة ... وربنا يجعلة فى ميزان حسناتك ان شاء الله ... وكلنا ان شاء الله ذخر للاسلام والمسلمين بتعاونا مع بعض وفى مراعاة الله فى جميع اعمالنا ... وفقك الله والمسلمين الى طريق الحق والخير اللهم امين .

غير معرف يقول...

السلام عليكم
اولا انا عايزة اهنيك على المدونة الرائعة دى وحقيقى جزاك الله خير عنها

وانا عايزة اقول ان فعلا ده موضوع خطييييير جداااااا والناس فى غفلة عنه ومش بياخدوا بالاسباب للاسف الشديد مع ان احنا خلاص بالنسبة لنا المرض خلاص جاى لا محالة ربنا يلطف بينا فى الوقت اللى ناس كتير بتعامل بمنتهى الاهمال واللامبالة مع المرض واى حاجة بسيطة بالاهمال بتكبر وبتبقى خطيرةانا اتمنى من كل قلبى ان مدونتك يكون ليها دور فال فى الموضوع ده
انا بصراحة خايفة شوية يعنى لان المرض ايا كان حاجة سيئة ربنا يكفينا شر المرض ومعلش على الاطالة

طهر فؤادك يقول...

السلام عليكم ورحمة الله وبركاتة ,,,,
جزاكى الله خيرا والمسلمين .. وربنا يكرمك يارب (يا....) على ثنائك على المدونة وان شاء الله تشجيعك فى الخير يكون فى ميزان حسناتك ان شاء الله ولو كنت اصبت فى المواضيع فمن الله ...وربنا يشفى المسلمين والمسلمات ويبعد عنا الامراض جميعا والتقصير ايضا وعدم الاخذ بالاسباب اللهم امين .

هكذا علمنى سيدنا محمد( صلى الله عليه وسلم) يقول...

السلام عليكم ورحمة الله وبركاته
حياكم الله وبياكم أخوانى وأخواتى وجعل الجنة مثواى ومثواكم.
جزاك الله خيرا أخى الكريم على هذا العمل وربنا يجعله فى ميزان حسناتك وأدعوا الله العلى الكريم أن يرفع البلاء والأمراض عن بلاد المسلمين وأن يكفينا السوء بما شاء وكيف شاء إنه على ما يشاء قدير.
ودى دعوة لكل الأخوة الأخوات للأخذ بالأسباب بقدر المستطاع وإتباع التعليمات التى إن شاء الله رب العالمين تكون سببا فى الوقاية من هذا المرض ، ولا ننسى أبدا أن الوقاية خيرا من العلاج.
وفقكم الله جميعا لما يحب ويرضى
وكل سنة وانتو طيبين

طهر فؤادك يقول...

وعليكم السلام ورحمة الله وبركاتة ,,,

وجزاك اياة واحسن منة اخى الكريم هكذا علمنى (ايجى) ... وربنا يكرمك يارب والمسلمين ويجعل تعليقاتك ان شاء الله فى ميزان حسناتك ... وان شاء الله نأخذ بالاسباب وربنا كريم ان شاء الله وقادر يزيح عنا البلاء واكثروا ياجماعة بالاستغفار مع كل الى اتكلمنا عنة وان شاء الله خير .... وكل سنة وانت طيب ياايجى والسنة دى ان شاء الله نروح لزيارةالنبى سويا والمسلمين اجمعين اللهم امين .