السبت، 12 فبراير، 2011

(عــــــــظيمة يامــــــــصر...) ,,,,

السلام عليكم ورحمة الله وبركاتة ,,,,
اخباركم اية ,,,,
- اولا وابدأ اى كلمة نقرأ" الفاتحة " على ارواح شهدائنا واهدائها لهم .... وتعظيم سلام ليهم زى ماعمل قائد جيشنا الجميل العظيم الى هو منا واحنا منة.... واقول لشهدائنا الى هما " الورد الى اتفتح فى جناين مصر" والى اتقطف قبل الاوان ولكن الورد الى بيتقطف بيموت لكن الورد دة عمرة ماهيموت وهنفتكرهم دايما بالخير والحب والانحناء والاجلال وكمان مش هيموتوا لانهم شهداء كما قال تعالى "ولا تحسبن الذين قتلوا في سبيل الله أمواتا بل أحياء عند ربهم يرزقون فرحين بما آتاهم الله من فضله ويستبشرون بالذين لم يلحقوا بهم من خلفهم ألا خوف عليهم ولا هم يحزنون يستبشرون بنعمة من الله وفضل وأن الله لا يضيع أجر المؤمنين " .... فاالتحية الكبيرة لشباب مصر ورجالة مصر ونساء مصر واطفال مصر وكل المصريين وان شاء الله بداية جديدة مش نهاية لاننا ربنا كرمنا وحاربنا الفساد والمفسدين ومش عاوزين شماتة ولا نشتم فى حد لان حسابهم عند ربنا وكمان لان اخلاقنا ودينا بيدعونا لكدة ... ولكن الى عمل غلط لازم يتحاسب والقصاص القصاص سواء فى الدنيا والحساب عند ربنا فى الاخرة ان شاء الله ...كما قال رسولنا العظيم:-"إنما أهلك الذين من قبلكم أنهم كانوا إذا سرق فيهم الشريف تركوه ، وإذا سرق فيهم الضعيف أقاموا عليه الحد ، وايم الله : لو أن فاطمة بنت محمد سرقت لقطعت يدها " صدقت يارسولنا العظيم فيما قولت وانا كنت محضر حاجات كتير اتكلم فيها بس فعلا الفرحة خلتنى مش قادر اعبر ولا لاقى كلام ابلغ من الصورة الى شيفنها الى بتعبر عنا وعن المستقبل الى جاى ان شاء الله بالخير وانا سعيد لانى شاب فى الجيل دة الى اثبت ان شباب مصر لسة بخير وكفاية ان شباب مصر الطاهر الى خرج ودافع عن حقة فى استرداد كرامة مصر ومحاربة الفاسدين اثبت للعالم كلة انة اطهروانقىشباب والى كان بيتقال علية قبل كدة من انة بلا طموح ولا هدف وشباب متحرش والاثبات ان كان فى الثورة الملايين فى القاهرة واضعاعفهم فى المحافظات ولا توجد حالة تحرش واحدة لان الشباب بقى عندة هدف وطموح وحارس امين على الممتلكات العامة قبل الخاصة وانا افخر وبكرر انى فخوربأنى شاب من شباب الجيل دة وان شاء الله هنعمر مصر من تانى وربنا معانا لان النوايا خير ....
واخر كلامى "بقول لاتدمعى ياام الشهيد لان شباب مصر كلهم اولادك "

السبت، 5 فبراير، 2011

دعاء مبكى لمصر وشعبنا العظيم من المسجد النبوى الشريف ,,,


السلام عليكم ورحمة الله وبركاتة ,,,
اخباركم اية ,,,
وربنا يكرمكوا جميعا يارب والمسلمين .... واوصيكم ونفسى بالدعاء لمصر وشعبها وربنا ان شاء الله يفرجها بأذن الله من عندة ويبعد عنا الهم والغم والكرب والفتنة والحقد والفقر والمهانة والذل والعار والفساد والمفسدين اللهم امين والمسلمين ... وان شاء الله انا متفائل خير بالقادم بأذن الله بس قولوا يارب يارب يارب ....
واترككم للدعاء الجميل العظيم المبكى من المسجد النبوى الشريف (وبشرة خير) ان شاء الله واستأذنكم لانى حاليا غير قادر على الكتابة وان شاء الله نلتقى بعد الفرج القريب ان شاء الله ....

استودعكم الله الذى لاتضيع ودائعة ,,,