الأربعاء، 31 مارس، 2010

صور لاجمل النساء يارب تنال اعجابكم ,,,,


السلام عليكم ورحمة الله وبركاتة ,,,
- اخباركم اية ,,
- ادعوا الله ان تكونوا بتمام الصحة والعافية بأذن الله تعالى لانكم فعلا احبائى واخوانى واخواتى فى الله وبحب جدااا تواصلكم وكلامكم الجميل المشجع للمدونة وربنا يكتر من امثالكم ان شاء الله ويبعد عنكم السوء ويعطيكم الله خير الدنيا والاخرة باذن الله تعالى ..
- دى بس كان مقدمة بسيطة وندخل بقى فى موضوع اليوم ان شاء الله وطبعا العنوان يشد شوية بس هو مش اكتر من وصف لنساء فعلا جميلات وينالوا اعجاب اى رجل لان جمالهم وتميزهم مش لجمالهم الظاهرى الخارجى الى ممكن يزول فى اى لحظة لكبر فى السن او لاقدر الله لحادث عارض ولكن لجمالهم الربانى الداخلى وعفتهم وطاهرتهم وتضحيتهم ودة الجمال الحقيقى الى كتير من شبابنا للاسف مش بيبحثوا عنة ولكن اهتمامهم الاساسى بجمال الشكل والاستيل واللوك ودة ياجماعة جمال زى ماقولت زايل بس تعالو ااكد كلامى بقصة جميلة وعبرة بعد القصة لزوجة مؤمنة بالله وبعد كدة نتكلم عن صور لنساء بوجة عام نحب تكون بكثرة فى مجتماعنا الاسلامى وتعالوا ندخل فى دة كلة و يارب تنال اعجابكم القصة والصور . ونبدأ اولا بالقصة ...


والقصة حقيقية بس سبحان الله جميلة فى معنى التضحية وصورة روعة لجمال سيدة وانا سمعتها فى اذاعة القرأن الكريم وسمعتها فى برنامج بيعرض قصص حقيقة وجميلة للتضحية ولمواقف تانية كتير روعة بصراحة وعجبتنى القصة دى ومناسبة للموضوع وقولت تستمتعوا معاية بيها ودى هتبقى اول صورة من صور اجمل النسااااء ...واليكم لقصة والقصة بتحكى عن سيدة توفى زوجها "رحمة الله علية " وكان ليها من الاولاد سبعة واكبرهم فى سن التجنيد وعلى فكرة السيدة دى مش مصرية وهى عجوزة ولايوجد من يعول هؤلاء الاولاد وفخرج الابن الاكبر من التعليم لكى يعول الاسرة وجاء سن التجنيد وعندهم فى البلد دى ممكن تدفع مبلغ محدد للدولة وتخرج من التجنيد(تنبية : مش رشوة لكن قانون البلد دى كدة) ولكن الاسرة دى لم تمتلك هذا المبلغ ففكرت الام العجوز فى رهن البيت وبالفعل رهنت البيت واخذت فلوس الرهن وكان المتبقى من موعد غلق باب دفع هذة الرسوم يوم واحد ولازم تسافر مسافة حوالى 250 كم علشان تدفع المبلغ دة وبالفعل اخذت سيارة خاصة من مواقف السيارات وذهبت الى العاصمة لدفع المبلغ وفى الطريق حكت قصتها الى السائق وعرف ان معاها فلوس رهن البيت ولعب الشيطان كعادتة فى النفوس الضعيفة وبالفعل فى منتصف الطريق اوقف العربية بحجة بها عطل واخرج الام العجوز واخذ منها الفلوس كلها وطعنها طعنات نافذة وسبها وراح الى العاصمة وببرود اعصاب يحسد عليها حمل ركاب فى سيارتة ورجع تانى من نفس الطريق وكان عندة فضول طبعا يعرف مصير الام العجوز اية وبالفعل اوقف العربية واستأذن من الركاب بحجة قضاء حاجة وبالفعل راح لمكان جريمتة وفعلتة القبيحة واذ بالام العجوز مازالت على قيد الحياة وتنزف الدماء وقالها لسة ايها العجوز الملعونة عايشة ومش سكت عند الكلام وبس ولكن مسك حجر كبير وعاوز يرمية على العجوز المسكينة يالله بالله من قسوة قلب هذا الرجل وعدم تفكيرة فى العجوز الضعيفة ولا فى اولادها اليتامى ونرجع للقصة وهو مستعد للضربة القاضية ومستعد بكل قوتة رمى الحجروسمعوا الركاب بالعربة صرخة عظيمة هزت المكان وراحوا يشوفوا فية اية لقلقهم على السواق وشاهدوا شئ عجيب لم يتخيلوا ان من الممكن ان يشاهدوة بحياتهم اذ بالسائق جثة هامدة ولقوا بجوارة ثعبان كبير والام العجوز تنذف الدماء وتتمتم بكلام غير مفهومة وغير معلومة واستغربوا للمنظر العجيب دة وبعدين اتصلوا بالشرطة والاسعاف واخذت الاتنين ولكن بعد ذلك السائق توفاااة الله وربنا يرحمة ويغفر لة مافعلة ... اما الام العجوز قبل ان تذهب فى الغيبوبة اوصت بالاتصال بأبنها وبالفعل اتى بسرعة البرق وقبل كدة الشرطة عرفت الموضوع كامل ورجعت الفلوس للام العجوز ولما اتى االابن وتحدث مع امة اوصتة بأن يذهب ويدفع النقود الى مركز التجنيد لان لم يتبقى الا ساعات قليلة ويغلق باب الرسوم و حتى يكمل المسيرة فى اعالة اخوتة وراوى هذة القصة لما سأل الام اية الكلام الى كنتى بتقولية ساعة لما كنتى تتمتمى بالكلمات الغير مفهومة فقالت كنت أناجى ربى وادعية واقول لة " ياجبار السموات والارض ياقادر على كل شئ هيأ لى من يدفع عن ابنى النقود لكى يرعا اخواتة اليتامى " فسبحان الله فعلا وتذكرت بعد سماع المناجاة دى ودعائها قول الله تعالى "أَمَّنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ [النمل:62].... وعجبا على تلك المرأة فى اشد المحن والكرب تدعى لكى تنقذ اولادها اولا من الفقر والهم والغم والحاجة وتنسى نفسهااااااا ... فياجمال صورة هذة المرأة فسبحان الله الجمال زى ماقولنا مش فى الهيئة والصورة والشكل بس دة جمال ربانى وروحانى وجمال مشاعر وجمال جوهر اكتر منة جمال مظهر فياجمال صورة تلك العجوز المضحية ودى صورتنا الاولى ياجماعة وان شاء الله مستمرين فى الصور ...وعرضها عليكم ..

الصورة التانية الجميلة رد زوجة ابو الدحداح على زوجها عندما قال انة باع قصرة بنخلة فى الجنة فياجمال صورة ورد هذة المرأة (ربحت البيع ) :-
وروى أحمد وابن حبان والحاكم- وصححه الحاكم ووافقه الذهبي عن أنس بن مالك : أن رجلا قال يا رسول الله إن لفلان نخلة وأنا أقيم حائطي بها فمره أن يعطيني أقيم حائطي بها فقال له النبي صلى الله عليه وسلم أعطها إياه بنخلة في الجنة فأبى وأتاه أبو الدحداح فقال بعني نخلك بحائطي قال ففعل قال فأتى النبي صلى الله عليه وسلم فقال يا رسول الله إني قد ابتعت النخلة بحائطي فجعلها له فقال النبي صلى الله عليه وسلم كم من عذق رداح لأبي الدحداح في الجنة مرارا فأتى امرأته فقال يا أم الدحداح اخرجي من الحائط فإني بعته بنخلة في الجنة فقالت قد ربحت البيع أو كلمة نحوها.

- وفى الفقرة الى جاية دى هعرض عليكوا صور عامة للجمال ياريت تتحلى بيها كل مسلمة اللهم امين :--

-الصورة الأولـى

امرأة حافظة لكتاب الله ,, وتطبق ما فيه من أحكام

-الصورة الثانية
امرأة تتخذ من صحابيات رسول الله
صلى الله عليه وسلم قدوة لها

-الصورة الثالثة
امرأة لا تلتفت لأي دعوة من هنا أو هناك
تدعوها لخلع حجاب العفة والطهارة والحياء

-الصورة الرابعة
امرأة بارّة بوالديها.. تقوم بواجباتها في كل المجالات

-الصورة الخامسة
امرأة مطيعة لزوجها ، تطيعه في كل ما لا يغضب الله
تبارك وتعالى ، وتكون له عونا ورفيقا

-الصورة السادسة
امرأة تمنع عـــــــــــن نفسها لذة النوم ،
لتقف بين يدي الله تعالى تصلي له
وتسأله الأجر والثواب

-الصورة السابعة
امرأة تصوم النافلة ،
ابتغاء رضوان الله تبارك وتعالى ومحبته وبركته

-الصورة الثامنـة
امرأة تصون لسانها ولا تخوض في أعراض الناس

-الصورة التاسعة
امرأة لا تنظر إلى ما حرم اللهُ تبارك وتعالى

-الصورة العاشرة
امرأة تقدم الزوج والولد والمال والروح فــــــــــى سبيل الله عز وجل ونصرة الإسلام
(الصور العامة الاخيرة دى مأخوذة للامانة من موضوع فى موقع رسول الله جزاة الله خير كاتبها والمسلمين)
هؤلاء هن ملكات جمـــــــــــال الدنيا بامتياز .....أسأل الله أن يبارك فـــــى نساء المسلمين
وأن يحفظهن ذخراً لهذا الدين العظيم ......
تحديث فى 4 / 4 / 2010 :- ( سجل وشارك معانا فى جروب حملة لا للتهويد على الفيس بوك ) :-
- تم بحمد الله عمل جروب لحملة لا للتهويد الى كنا مشتركين مع بعض فى نشر فكرتها وياريت الى مش اشترك معانا وعاوز يشارك بصور او موضوع يدخل ويشترك معانا فى الجروب دة "- http://www.facebook.com/photo_search.php?oid=114945058518485&view=user#!/group.php?gid=114945058518485

الاثنين، 22 مارس، 2010

تنبية هاام : احذروا من هذة الماركة .. الماركة تعنى " كافر" ,,,

السلام عليكم ورحمة الله وبركاتة ,,,,
-ابدأ كلامى اولا بالدعاء ليكم وربنا يارب يتقبل اللهم امين ... ربنا يارب يكرمكم بالخير ويبعد عنكم كل سوء ويتقبل منكم ومنا والمسلمين صالح الاعمال اللهم امين ...."واسال الله لكم رزق مريم وقصر اسيا وتقوي عائشة وقلب خديجه ورفقه فاطمة" اللهم امين والمسلمين اجمعين .
- وتانى حاجة بقول لمدونتى مرت سنة على انشائك بفضل الله وكرمة وانا سعيد بالمدونة دى علشان هى فتحة خير علية الحمد الله رب العالمين وبتمنى من الله انها تكون اضافت ليكم ولو معلومة صغيرة لاحبائى فى الله واصدقائى المتابعين ليها ... وكفاية انها خلتنى اتواصل بمسلمين متفتحين زيكوا وبارك الله فيكم وربنا يتقبل منا ومنكم والمسلمين صالح الاعمال .
- والنقطة الاخيرة قبل ماندخل فى الموضوع الخطير بتاع النهاردة بقول ليكم جميعا ربنا يباركلكم يارب فى صحتكم وعافيتكم وخيركم اللهم امين والمسلمين ... واحب اشكركم اسوة بالحبيب المصطفى ومعلم البشرية جمعاء سيدنا محمد صلى الله علية وسلم فى هذا الحديث الجميل :-عن أبي هريرة رضي الله عنه مرفوعا { لا يشكر الله من لا يشكرالناس } إسناد صحيح رواه أحمد وأبو داود والترمذي .... ودة علشان تفاعلكم مع حملتنا الجميلة " لا لتهويد المقدسات الاسلامية " وان شاء الله تعالى مستمرين فيها علشان عمرنا ماهننسى مقدساتنا الاسلامية وبأذن الله ربنا هينصرنا على اعداء الدين مهما بعد الزمان اوقصر فأن شاء الله النصر للاسلام والمسلمين بأذن الله تعالى اما اجلا او عاجلا ..

- مـــــــــــــــ وضوع اليوم :- " تنبية هاام : احذروا من هذة الماركة .. الماركة فيها سما كافر" ,,,
- الموضوع جدااا خطير ياجماعة وهو عن ماركة منتشرة بالاسواق العربية والاسلامية وتخيلوا لما يكون على تيشيرتك او كابك او مجك اوعربيتك او اى حاجة بتستعملها كلمة " infidel" وتعرفوا معنى الكلمة دى اية ياجماعة لو حد عندة قاموس او يروح يترجمها على صفحة جوجل هتلاقى معناها " كافر او ملحد او كفرى " ياجماعة حاجة فعلا فظيعة والماركة منتشرة بس دة برضوا مش موضوعنا اننا نتكلم عن ماركة بعينها او حاجة محددة ولكن موضوعنا اننا نتحرى الدقة شوية ياجماعة فى اختيار الحاجة الى تناسبنا فى ملبسنا ومأكلنا ومشربنا وفى كل حاجة فى حياتنا ... وفاكرين لما اتكلمنا عن الحجاب فى موضوع سابق وكان عنوانة "صححى حجابك تسعدى بحياتك " ودة كان للنساء المسلمات وقصدنا بالموضوع دة برضوا الملبس وتصحيح الحجاب ... برضوا فى الموضوع دة عاوزين نقصد شريحة الرجال او شباب المسلمين ... يعنى مش معقول مااااشى فى الشارع ولابس كلمة "كافر " او اى عبارة مسيئة او راسمة خادشة للحياء وانت بتدخل مسجد او بتمشى فى الشارع او فى اى حتة ... فياريت نراعى ياجماعة النقطة دى ربنا يكرمكوا ويكرمنا جميعا سويا اللهم امين .. يعنى مثلا ياشباب كنت فى مسجد من يومين وكان فية واحد قدامى بيصلى لابس تيشيرت علية راسمة خادشة جدااا للحياء وتخيل انت مكانة وربنا بيشوفك فى الوضع دة وانت فى بيت الله وهسأل سؤال يعنى لو انت رحت فى مقابلة شخصية مثلا لشركة كبيرة " طبعا لله المثل الاعلى " ياترى هتروح لابس التيشيرت دة ولا هتكون لابس بدلة وكرفتة وفى كامل هيئتك علشان المدير يوافق على تعيينك ياريت نفكر فى النقطة دى كويس ياجماعة ونكون دايما بنراعى ربنا فى كل تصرفاتنا واقولنا وملبسنا وكل حاجة وربنا يتقبل منكم ان شاء الله ويثبتكم على طاعة الله وحسن عبادتة .
- وأسوة برسولنا العظيم صلى الله علية وسلم وهدية عند لبس الجديد "كان صلى الله عليه وسلم إذا استجد ثوبا سماه باسمه عمامة أو قميصا أو رداء ثم يقول اللهم لك الحمد أنت كسوتنيه أسألك خيره وخير ما صنع له وأعوذ بك من شره وشر ما صنع له الراوي: - المحدث: ابن القيم - المصدر: زاد المعاد - الصفحة أو الرقم: 2/345خلاصة حكم المحدث: صحيح "

-هطرح سؤال وهنجاوب علية مع بعض ان شاء الله ياترى اية مواصفات ملبس الرجل ؟؟؟؟

فاللباس الشرعي بالنسبة للرجل يشترط فيه:

1- أن يكون ساتراً ما بين السرة والركبة

2- أن لا يكون شفافاً بحيث تبدو بشرة العورة تحته بدون تأمل

3- أن لا يكون ضيقاً بحيث يصف أعضاء العورة

4- أن لا يكون فيه تشبه بالنساء.

5- أن لا يكون فيه تشبه بالكفار.

- شفتوا ياجماعة النقط المهمة دى ياريت نتبعهاااا فى اختيار الملبس ونركز عليها جدا فى اختيارتنا بعد كدة بأذن الله تعالى ... وصدعتكوا معلش بس الموضوع جداا خطير فقولت لازم التنبية وربنا يجزيكوا خير على قرائتكوا للموضوع .

اللهم قد بلغت اللهم فاشهد .....

الأربعاء، 3 مارس، 2010

يامدونين العالم أتحدوااااا "حملة لا للتهويد "


السلام عليكم ورحمكة الله وبركاتة ,,,,

دعوة عامة للمدونات الناطقة بالعربية واللغات المتعددة ........
اولا وقبل الدخول فى اى تفاصيل كلمة شكر وحب ومودة واعتزاز لكل من اختار المدونة لتسطر وتكتب كلمات البداية للحملة ان شاء الله العربية اولا والعالمية بأذن الله للمدونين .... لانكم بكلماتكم وتشجيعكم بدأنا من هنا وسوف ننطلق بأذن الله الى افاق بعيدة ودة طموح مشروع ودة باين ان شاء الله من كم المؤيدين وكم التشجيع قبل كتابة كلمة واحدة فى اى مدونة .....ودة كلمة شكر واجبة فى البداية . أبي هريرة -رضي الله تعالى عنه- قال: قال رسول الله -صلى الله عليه وسلم-:(لا يشكر اللهَ من لا يشكر الناس). [أخرجه أحمد وأبو داود والترمذي بإسناد صحيح] .....

-- وبعد المقدمة نتوكل على الله ..... ونقول سوياااا بسم الله وعلى بركة الله نبدأأأأ علشان كلنا ان شاء الله ايد واحدة وبأذن الله نشارك بعض ونكون ايد واحدة بأذن الله تعالى ...
- "تعريف بس مختصر بالى بيحصل دلوقتى "
"توقع خبراء في شؤون القدس والمقدسات الإسلامية في فلسطين أن يكون عام 2010 "عام الخطوات العملية الإسرائيلية لتهويد المسجد الأقصى".ويرى هؤلاء الخبراء أن ما شجع السلطات الإسرائيلية والجماعات اليهودية على اقتحام المسجد الأقصى اليوم هو "الرد الرسمي والشعبي العربي والإسلامي الباهت" على قرار تهويد الحرم الإبراهيمي ومسجد بلال.وكان رئيس الوزراء الإسرائيلي بنيامين نتنياهو أعلن الاسبوعيين الماضيين عن قرار يضم لقائمة التراث اليهودي الحرم الإبراهيمي في الخليل ومسجد بلال بن رباح الواقع في بيت لحم المعروف عند اليهود باسم "قبة راحيل".

***** فـــــــــــــــــــــــــــــــــــــــــــــــــــكرة الـــــــــــــــــــــــــحملة :--
---فكرة الحملة بدأ من التصريح دة ومن الشرح مختصر للموضوع الى اشعل النار داخل قلوبنا واصابنا جميعا بالغليان والحسرة وشفتوا فى الشرح المختصر دة بيقول "الرد الرسمي والشعبي العربي والإسلامي الباهت " ودة الى اصابنى فعلا بالحسرة اكثر واكثر لاننا شباب وفى ايدينا سلاح بيلف العالم كلة وهو سلاح التدوين وماشاء الله المدونات ماأكثرها وفيها الى ناطق باللغة العربية وكمان لغات اجنبية كتيرة وكلهم متابعين الاحداث دى كلها ولازم كلنا ياجماعة نتحرك ونكون ايد واحدة ونعرف العالم كلة ان
" Not to Judaize Islamic sanctities "لا لتهويد المقدسات الاسلامية" .... عاوزين ياجماعة المدونات العربية كلها تكتب وياريت نتحرك بسرعو ياجماعة الله يكرمكوا اتأخرنا كتير وان شاء الله ربنا هيكرمنا ونعمل حاجة بأذن الله .... ومتسمعش حد يحبطك ويقوللك "ياعم بوستك او موضوعك دة هيعمل اية يعنى " لا ارجوك متسمعش لاى حد يقلل من عزيمتك...لقولة تعالى: وَتَعَاوَنُوا عَلَى الْبِرِّ وَالتَّقْوَى [المائدة:2]. .... وكمان لازم نكون ايجابيين ومحدش يأثر علينا بأفكار سلبية لان " الساكت عن الحق شيطان اخرس " .... والى انت هتكتبة او هتوصلة لغيرك دى كلمة حق .. ودى امانة بدل فى ايدك سلاح التدوين استثمرة الله يكرمك وخاطب العالم سواء بلغتك العربية او لو مدونتك ناطقة بلغات تانية (انجليزية فرنسية ايطالية ... الخ ) عاوزين صوتنا يوصل العالم كلة مش بكلام بس وكمان بصور تهز العالم ونقول لا والف لا لاى تهويد لتراثنا الاسلامى ....

الخــــــــــــــــــــــــطوات العــــــــــــــــــــــــــــــملية للحملة : --
1- بوست موحد ان شاء الله بداية من يوم السبت(6/3 / 2010 ) بأذن الله تعالى عن الموضوع دة " حملة لا للتهويد " ولو حد عاوز ينقل البوست دة يبقى شرف لية وهو ممكن يغير الصور ويحط اى حاجة هو عاوزها او اى تعديل يشوفة فى صالح الموضوع والحملة يبقى ربنا يجزية خير اللهم امين والمسلمين .
2 - لو حد يتبرع بساعة من وقتة ويعمل جروب على الفيس بوك ويشرف علية واحنا كلنا ان شاء الله هنساعدة ونشترك ونبعت كل الصور الى معانا ويكون ملف متكامل عن الحملة وعن غزة كمان بأذن الله تعالى .

3 - نداء لكل مدونة ناطقة بلغات اجنبية تساعدنا فى نشر الموضوع والحملة وترجمتة يبقى دة ان شاء الله سبيل لمخاطبة العلم كلة بأذن الله تعالى .

4 - اى افكار تانية ان شاء الله هنعمل بيها تحديث وان شاء الله تكون فى صالح الحملة بأذن الله وتوسعة نطاقها والله الموفق ..
وتحياتى للجميع وان شاء الله فى انتظار تفاعلكوا ان شاء الله والبداية بأذن الله زى ماأتفقنا يوم السبت ان شاء الله 6 / 3 ....
وربنا يجزيكوا خير اللهم امين والمسلمين وربنا يتقبل منكم ومنا والمسلمين صالح الاعمال ..
=================================================================

تحديث 6 / 3 :- افكار جديدة لتدعيم الحملة وموضوع النشر :---
اولا ربنا يكرمكوا يارب والمسلمين على تفاعلكم وحرصكم على مناصرة الحملة وهى حملتكم ونحن جميعا متعاونين فيها ... فربنا يجزيكوا خير يارب والمسلمين ويتقبل منكم ومنا والمسلمين صالح الاعمال ... و حبيت اوضح نقطة كمان غايبة عن البعض وكلمنى فيها البعض وهى اننا نعمل اية وفين الموضوع :- فالجواب زى مافى الخطوات العملية بالظبط للحملة المكتوبة بالاعلى ... يعنى المفروض ننشر موضوع الحملة وكمان نشارك بعض فى عمل جروب مثلا على الفيس بوك وكمان لو حد عندة مدونة ناطقة بالاجنبية يترجم الحملة وكمان فية افكار تانية فى التحديث دة وهقولها ان شاء الله بعد ماوضحت النقطة دة واليكم التحديث :---
ارسل اليكم هذا الماكت للمخطط الصهيونى لاقامة هيكل سليمان محل المسجد الأقصى واتسأل لماذا لم تخرج الجماهير عندما ضمت اسرائيل الحرم الإبراهيمى ومسجد بلال كما خرجت فى مرات عديدة احتفالا بفوز المنتخب فى مباراة لكرة القدم ولماذا تهاجم الشرطة مظاهرات تندد بما يحدث للأقصى وتترك مظاهرات كرة القدم هل المنتخب اعز علينا من الأقصى اقسم برب الأقصى إننا لمسألون عما يحدث هناك ليس عندى ادنى شك من انك تشاركنى هذه المشاعر ولكن لا استطيع ان اكتم تلك المشاعر من الأن فصاعدا اكررها الاف المرات يجب ان نساعدهم ونتففن فى تطوير افكارنا لمناصرة فلسطين وعدم المساس بمقدساتنا الاسلامية اليكم بعض الافكار :-

1 - استحضار النية الصادقة دائما لنصرة فلسطين ‎ الدعاء يومياً لإخوانك فى فلسطين بالنصرة
2 -
المقاطعة الصارمة لمنتجات اليهود وأعوانهم نشر أخبار الاقصى ‎
3 - توزيع مقالة أو مطوية تحث على التبرع والتعاطف معهم
4 - عمل حصالة فى البيت بأسم (حصالة فلسطين) ولتتذكر قول الرسول صلى الله عليه وسلم ما نقص مال من صدقة
5 - ارسل رسائل من الموبايل للتذكير بالموضوع
6 - تربية الابناء على اهمية القضية وكونها قضية إسلامية من الدرجة الأولى
7 -
المشاركة فى الفعاليات التى تتم لنصرة القضية
اللهم قد بلغنا ...اللهم فأشهد
حسبنــــــــــــــا الله ونعم الوكــــــــــــــــــــــيل فى الصامتين‎‎ على ضياع مقدسات المسلمين‎