الأربعاء، 23 سبتمبر، 2009

شــــاركونى فى حمــلتى " مدونتك هتنقذ طفلك " ,,,,,الله يكرمكوا .

السلام عليكم ورحمة الله وبركاتة ,,,,,
كل سنة وانتم طيبين .... شفتوا الايام الجميلة خلصت بسرعة .... رمضان خلص بأيامة الجميلة الدافئة المليئة بالبركة والحب والمودة والرحمة .... والعيد خلص بفرحتة وببهجتة ... ومع كل دة هنفضل ان شاء الله نستناهم تانى وربنا ان شاء الله يديكوا الصحة والعافية اللهم امين ... وان شاء يتقبل طاعتكم وعبادتك اللهم امين ... وياريت ان شاء الله الخير ميتقطعش ويكون مستمر ومتدفق بأذن الله تعالى ويكون تصدقكم وخيركم انهار جارية ان شاء الله تساعدوا بيها كل محتاج بأن الله .... وياريت تساعدونى وتشاركونى فى الخير الى هعرضوا عليكوا دة ... والموضوع دة بأذن الله يكون خير علينا كلنا ويكون ايد بتتمد تمسح دمعة طفل ..... وانا عارف ان مواضيعكوا فى مدونتكوا ماشاء الله ايجابية ومفيدة ومثمرة وبتغير شباب وناس كتير .... بس ان شاء الله فى الموضوع الى هعرضوا عليكوا ويارب يلاقى استحسان ان شاء الله هى حملة ( مدونتك هتنقذ طفلك ) وان شاء الله بالحملة دى هنكون اكثر ايجابية وتفاعل بأذن الله .... بس بشرط نوحد النية كلنا بأن تكون لوجة الله تعالى .... وبعد توحيد النية انا واثق ان ربنا هيكرمنا فى الحملة دى وتنجح بأذن الله وبفضل جهودكوا وتفاعلكوا بأذن الله .... وفكرة الحملة بسيطة جدا بس فى نفس الوقت فيها ان شاء الله خير كبير ومساعدة لناس محتاجة بالفعل لمجهودنا وهشرح الفكرة دلوقت :-

فكرة حــــــملة" مـــــدونتك هتـــنقذ طفـــــللك "

- اولا اسم الحملة نابع من ان الاطفال الى ان شاء الله هنساعدهم (اطفال مستفى 57357 )زى اطفالنا فواجب علينا نعمل كدة او هنقدم حاجة بسيطة لمساعدتهم وان شاء الله تكون ليها اثر كبير بأذن الله وخير علينا كلنا بأذن الله ومش تفتكروا ان مسعدتكوا دى بسطة لا بالعكس ومش كلامى دة كلام رسولنا العظيم ومعلم البشرية جمعاء :-قال أتى النبي صلى الله عليه وسلم رجل يستحمله فلم يجد عنده ما يتحمله فدله على آخر فحمله فأتى النبي صلى الله عليه وسلم فأخبره فقال إن الدال على الخير كفاعله وفي الباب عن أبي مسعود البدري وبريدة قال أبو عيسى هذا حديث غريب من هذا الوجه من حديث أنس عن النبي صلى الله عليه وسلم ...قوله : ( يستحمله ) أي يطلب منه المركب ( فحمله ) أي أعطاه المركب ( فقال ) أي رسول الله -صلى الله عليه وسلم- ( إن الدال على الخير كفاعله ) لإعانته عليه ، فإن حصل ذلك الخير فله مثل ثوابه ، وإلا فله ثواب دلالته قاله المناوي .
- هنســـــــــــاعدهم ازاى :---
- ان شاء الله الفكرة ببساطة اننا عاوزين كل المدونات الى هتشترك معانا فى الحملة دى هتحط شعار المستشفى واللينك الخاص بالمستشفى على المدونة الخاصة بكل واحد هيشترك بأذن الله معانا وكمان فوق الشعار هتكون كلمة( اتبرع وانت فى بيتك ولو بجنية او دولار من هنا ) والناس الى مبتدئين فى المدونات هشرح لهم بطريقة مختصرة ازاى هيحطوا الصورة واللينك وهى( انكوا تفتحوا صفحة التخطيط فى مدونتكم وبعدين اضافة اداة وبعدين نختار من اضافة اداة اختيار اضافة صورة وبعد كدة لما تفتح نحط فى خانة اسم النموذج الكلام الى اتفقنا علية وهو" اتبرع وانت فى بيتك" وفى خانة وصل هنحط اللينك بتاع موقع مستشفى 57357 والى هو http://www.57357.com/Default.aspx?PageContentID=8&tabid=155
وبعد كدة هنضيف الصورة بتاعة المستشفى وهى موجودة اعلى الموضوع بتاعى فوق وبس وجزاكم الله خيرا ) علشان فية ناس كتيرة متعرفش عن طرق التيرع الى هى كتيرة ومش معروفة وممكن تحقق عائد كبير جداا جداا ومش متركز عليها فى اعلانات التلفزيون والراديو ووسائل الاعلام وهدفنا فى الحملة دى اننا نوضح طرق التبرع المتعددة الى بدورها هتجيب عائد اكبر واكتر لو كل واحد استخدم ولو طريقة واحدة وهو فى بيتة وهقولوكوا نبذة عن طرق التبرع دلوقت :- ....

1 - البنوك :- (ودى متركز عليها كتير فى وسائل الاعلام ومش هنخوض فيها ) .

2- انترنت الخير (هنركز اكتر عليها ):-يمكنك التبرع من خلال أستخدام ارقام انترنت الخير : 07775757 أو 07075757 بنفس سعر المكالمة العادية كما انه يمكنك حساب صافي قيمة ما تبرعت به بأستخدام عداد الخير ...

3- التليفون (هنركز اكتر عليها ):- يمكنك الاتصال برقم 1468 أو 2357 من اي تليفون محمول او برقم 09009555 أو 09000957 و التبرع لصالح المستشفى اثناء استماعك للرسالة الصوتية . سعر الدقيقة جنيهان

4- بطاقة الائتمان (هنركز اكتر عليها ):- خدمة جديدة تقوم بها مستشفى 57357 لتسهيل التبرع بالتعاون مع بنك مصر و شركه Verisign العالمية لتأمين المواقع على الانترنت. يمكنك التبرع بأي عملة صدرت بها بطاقتك الائتمانية في أي بلد في العالم بما يعادلها من الدولار و ستقوم مؤسسه فيزا و ماستر كارد بتحويلها إلى دولار .فقط اضغط على اختيار دولار ,فنحن بحاجة إلى العمله الصعبة لتمويل عملية استيراد الأجهزة و المعدات الطبية .

5 - البريد المصرى (هنركز اكتر عليها ):- يمكن التبرع فى اى فرع من فروع مكاتب البريد المصرى لحساب رقم 26386

**** حملتنا على ال facebook ( ودى اهداء من مدونة قطرات ندى . جزاها الله خيرا ) :-
- احب قبل وماكتب لينك الجروب علشان ان شاء الله تشتركوا معانا فية احب اشكر المدونة وربنا يجزيها خير ودة مثال حى للعمل الجماعى و ياريت كمان ياجماعة الى يحب يشارك بعمل شعار للحملة وعندة معرفة بالفوتوشوب ويصمم شعار خاص للحملة يبقى جزاة الله خيرا وربنا يجعل عملة فى ميزان حسناتة ان شاء الله .واليكم لينك الجروب على الفيس بوك :-
**** وبعد ياجماعة ماستعرضنا كل حاجة عن الحملة عاوزين بقى ان شاء الله نبدأ بقى بأذن الله وتكون على خطوتين ان شاء الله :-
1- ان كل صاحب مدونة او اى حد يقدر يساعد او اى حد يعرف صاحب مدونة يقولة على الموضوع والى معندوش مدونة ومشترك فى موقع يقدر يحط الموضوع ويبقى عمل خير ربنا يجزية علية بأذنة تعالى وبعد كدة نرجع للمدونين نحط زى ماتفقنا الصورة الى موجودة بالاعلى واللينك زى ماشرحنا عن سابق ... وتخيلوا ان شاء الله لو كل مدونة زارها فى اليوم 100 شخص او 200 شخص وضغط على اللينك وعرف طرق التبرع واتبرع تخيلوا الخير الى هيعم شكلة اية يأذن الله تعالى وان شاء الله ربنا هيوفقنا علشان نيتنا خير ان شاء الله وصدقة جارية كمان فى مدونتكوا ان شاء الله.. بقول رسول الله صلى الله عليه و سلم : « إذا ماتَ ابْنُ آدَم انْقَطَع عَملُهُ إلاَّ مِنْ ثَلاثٍ : صَدقَةٍ جارية ، أوْ عِلمٍ يُنْتَفَعُ بِهِ ، أوْ وَلدٍ صالحٍ يدْعُو لَهُ » - رواهُ مسلمٌ .

2 - نحدد يوم نحط الموضوع دة كلة بكامل تفاصيلة على المدونات الى هتشترك معانا فى الحملة ويكون يوم موحد ان شاء الله لكل المدونات وهنعرف اليوم دة من خلال تعليقاتكوا على الموضوع علشان يقرا اكبر عدد وتعم الفايدة والخير علينا كلنا بأذن الله وربنا يكرمكوا يارب ويوفقكوا ويثبتكوا على العمل الصالح وعلى شكرة وحسن وعبادتة اللهم امين ... ومستنى ردود فعلكوا ومشتركين ان شاء الله فى الحملة بأذن الله تعالى وانا واثق ان اهل الخير كتير والمدونات برضوا عددها كبير وان شاء الله الخير قادم بأذن الله ..
والسلام عليكم ورحمة الله وبركاتة ... وكل سنة وانتم طيبن .
تحديث فى 07 / 10 :- تنويه هام : بدأنا بفضل الله من يوم 29 / 9 / 2009 .و واحب ابشركم اننا بقينا عدد كبير ماشاء الله مشترك معانا فى الحملة ونسعى للمزيد ان شاء الله بفضل الله وبفضل نشركم الجماعى وبأذن الله النشر مستمر بس كانت البداية فى التاريخ الى قلنا علية وهو 29 / 9 ... وهمتكوا معانا عاوزين ان شاء الله نوصل لكل المدونات والمواقع بأذن الله(ساعدونا فى النشر ليعم الخير بأذن الله ) .

هناك 73 تعليقًا:

فشكووول يقول...

يا ترى دا اول تعليق ولا ايه ... اشوف كدا

فشكووول يقول...

فعلا طلع ما فيش رقابه على التعليقات وان فشكول اول تعليق والتانى كمان

فشكووول يقول...

ندخل بقى فى الموضوع
اولا كل سنه وانت طيب بمناسبة العيد
ثانيا : انا اخذت فعلا اللينك بتاع المستشفى - اما اللينك بتاع التبرع مش عارف حيمشى معايا ازاى وحاحاول فيه

مع الاحاطه والتنبيه على كل المدونين ان الدال على الخير كفاعه .. وربنا يشفى كل ابنائنا داخل المستشفى ويحمى من هم خارج المستشفى من هذا المرض اللعين

ولا حول ولا قوة الا بالله

طهر فؤادك يقول...

السلام عليكم ورحمة الله وبركاتة ,,,

جزاك الله خيرااياعم فشكول ياغالى

وربنا يكتر من امثالك اللهم امين والمسلمين ... وربنا يكرمك على المشاركة فى الحملة ودة دافع كبير ان شاء الله لينا كلنا ... وربنا يكرمك ونجمع اكبر عدد من المدونات بأذن الله تعالى علشان يعم الخير ... وربنا يكرمكواويقدركوا جميعا على فعل الخير اللهم امين .

فشكووول يقول...

يا دوب دا اللى قدرت اعمله وبالعافيه عشان انا تور الله فى برسيمه فى الكبميوتر واى حاجه ممكن اعملها تانى حتبوظ الدنيا

اذا كنت على النت قول لى ايه رأيك

طهر فؤادك يقول...

السلام عليكم ورحمة الله وبركاتة ,,

ربنا يكرمك يارب ياعم فشكول على المشاركة ... وكدة كويس جدا بس فاضل اللينك الى يخلى المتبرع يوصل للصفحة بتاعة المستشفى لما يضغط على الصورة ... بس شكرا على اهتمامك وربنا يكرمك يارب والمسلمين .. وكفاية انك اهتميت وربنا يجزيك خير والمسلمين ان شاء الله

فشكووول يقول...

يا عم الله يخليك.

انت قلت على حاجات كتيره قوى انا اصلا مش عارف هى ايه.

انا حاستنى البت سومه المجنونه بنت اختى اللى هى صاحبة مدونة مجنونه فى بلد عاقل عشان تعمل لى الحاجات دى.

تحياتى

بحب الحكومة يقول...

انا معاك بس للأسف مش عارف اعمل اللى انت بتقوله

طهر فؤادك يقول...

السلام عليكم ورحمة الله وبركاتة

خير ان شاء الله (بحب الحكومة ) كفاية معانا بقلبك ان شاء الله وربنا يجزيك خير على المشاركة وياريت تمرر الموضوع علشان يعم الخير ان شاء الله

هديـــل الـروح يقول...

جزاكم الله كل خير ،معاكم بإذن الله فى الحمله وممكن تبلغنى بأى فكره جديده.

طهر فؤادك يقول...

السلام عليكم ورحمة الله وبركاتة ,,,

ان شاء الله يااجماعة واخوانى فى الله ... هنحدد يوم للنشر الجماعى للموضوع دة فى مدوناتكوا بأذن الله بس بعد مانجمع اكبر عدد للمشاركين فى الحملة وياريت تتابعوا التعليقات لتحديد اليوم وان شاء الله قريب بأذن الله تعالى ..

وربنا يكرمكوا يارب جميعا على المشاركة والتشجيع ..

طهر فؤادك يقول...

السلام عليكم ورحمة الله وبركاتة ,,,
جزاكى الله خيرا هديل الروح وربنا ان شاء الله يثبتكوا على طاعتة وحسن عبادتة اللهم امين ويكتر من امثالكوا الطيبة الخيرة ان شاء الله.

Nashwa يقول...

السلام عليكم ورحمة الله وبركاته اولا جزاك الله كل خير على اتاحة الفرصة لنا للمشاركة فى هذا العمل الكبير والذى لا نقصد به الا لوجه الله تعالى، ثانيا باذن الله ساكون من اول المشاركين معك فى هذه الحملة ورجاء السرعة فى تحديد الموعد لنبدء هذه الحملة معا جميعا وفقنا الله لكل ما يحبه ويرضاه

نوره الأحمري يقول...

جزاك الله خيرا
وضعت الصوره في مدونتي مع انها مدونه جديده

صبرني يارب يقول...

يا استاذنا ده انا هابقى اول المشاركين ان شاء الله

حالا هاعمل البانر عندي ولنكاته

الى حضرتك ما تعرفوش انى عارفه كويس المستشفى دي بتعمل ايه وماشيه ازاي

لان ربنا قدر وابن اخويا بيتعالج هناك

يعني من انا من اكتر الناس الى حاسه قيمة المستشفى دي وما تتخيلش فرحت اد ايه لما عرفت ان فى مستشفى جديده بتتبنى

مش عشان المستشفى هاتتبنى
لان المباني كتير والاسامي كتير والتمثليات كتير

الا ان المستشفى دي الاداره بتاعتها اداره محترمه وقويه وفعلا عملت مستشفى محترمه مش موجوده فى مصر كلها

هاعمل البانر النهارده
وان شاء الله هاعمل موضوع عن الحمله بس يومين كده عشان لسه منزله موضوع جديد

وانا كنت اتكلمت عن المستشفى اصلا فى بوست قبل كده

ربنا يجازيك خير وربنا يجعل فينا الخير دايما

ومتشكره اوي

حنـــــــ وردهـ ـــــــــــــــــان يقول...

كل عام وانت بكل خير
وجزاك الله خيرا اذ اشركتنا في هذا العمل الذي نبتغي به وجه الله تعالى ومساعدة الاطفال المرضى
افاد الله بك وبجهودك

ghorBty يقول...

السلامـ عليكمـ

ربنا يبارك لك يارب

فكره حلوه اكيد .. ربنا يشفي ويعافي كل مريض ..

تم اضافه الصوره واللينك في مدونتي .. ومعاكم في الحمله ان شاء الله ..

Sharm يقول...

متضامن معك طبعا

اللؤلؤة يقول...

الـسـلام عـلـيـكـم
بـارك الله فـيـك فى ميزان حـسـنـاتك
ولقد أضفت اللينك والصورة فى مدونتى
وكل عام وأنت بخير
تقبل مرورى

بيطرية ومش بايدى يقول...

اه هو عمو فشكووول انضم لحزب الاحتلالات ربنا يسترها
طويب انا هاحجز 20 على بال ما اقرا وارجع تانى
امشى ياد انت وهو انا جيت هنا قبلك

الفراشه الحائره يقول...

فكره اكثر من رائه بلغنى بمعاد نشر اموضوع

7annen يقول...

السلام عليكم

ربنا يوفقك يارب فى حملتك

ويجعلك من الصالحين

بلغنى باى فكره جديده

ربنا يكرمك يارب

حنين

موناليزا يقول...

فكرة موفقة
ومعاكم بإذن الله وسيتم التنويه فى مدونتى حالاً عن هذه الحملة

سمسمه يقول...

جزاك الله خيرا
دى اول زياره لى وجت صدفه وان شاء الله مش الاخيره
ان شاء الله معاكم بس انا جديده ححاول اعمل الى حضرتك قلت عليه وربنا ييسر

ومازلتُ أتعلم يقول...

السلام عليكم
جزاكم الله كل خير
هاقوم باللى حضرتك طلبته حاضر

مهندسة لعزة الامه يقول...

السلام عليكم ؛ديه اول مره ادخل المدونه ؛احنا عدد من طالبات قسم ميكانيكا جامعة اسيوط عاملين مدونه (الحور فى ميكانيكا النور )(meca-fem.blogspot.com)
احنا فعلا ناشرين شعار المستشفى وعاملين لنك على موقع المستشفى بصراحه هى فكرة جاتنى من تعليق احد الزوار وتركه لارقام التبرع فانتهزتها فرصة وعملت الشعار وخليناه دائم فى المدونه ؛علشان كده بنقلك احنا معاك فى الحمله ديه وجزاك الله خيرا

مواطن شووجااع يقول...

جزاكم الله خيراً
ربنا يشفي كل مريض ويديم علينا نعمة الصحة والعافية

المجاهد الصغير يقول...

السلام عليكم
عذارا على تاخير الرد قراءت الموضوع من قبل ولا اقدر اعلق
جزاك الله خيرا
نحن معكم ان شاء الله
وفقك الله لما يحبه ويرضاه

Pink Dreams يقول...

جزاك الله كل خير

انا حطيت الصوره عندى فى المدونه

ولو فيه اة جديد يا ريت حضرتك تبلغنى

ربنا يوفقك

تحياتى

غير معرف يقول...

انا مع حضرتك طبعا
قلبا وقالبا
جيجي والعالم

طهر فؤادك يقول...

السلام عليكم ورحمة الله وبركاتة ,,,
بارك الله فيكم جميعاااحاجة والله تفرح وانتوا ان شاء الخير فيكم بحماسكم وخيركم دة ربنا يكرمكوا يارب .. وان شاء الله تبقى صدقة جاية فى مدونتكوا بأذن الله لان دة الباقى على فكرة ومش كلامى دة كلام سيدنا النبى علية الصلاة والسلام :-بقول رسول الله صلى الله عليه و سلم : « إذا ماتَ ابْنُ آدَم انْقَطَع عَملُهُ إلاَّ مِنْ ثَلاثٍ : صَدقَةٍ جارية ، أوْ عِلمٍ يُنْتَفَعُ بِهِ ، أوْ وَلدٍ صالحٍ يدْعُو لَهُ » - رواهُ مسلمٌ
وربنا يكرمكوا يارب والمسلمين جميعا اللهم امين ..
- والله عاوز اشكركم اخ اخ واخت اخت على تفاعلكم وتشجيعكم وربنا يجزيكوا خير جميعا يارب والجزاء من عند ربنابقى ان شاء الله لانها حاجة لوجة الله تعالى ..
- ودى مش بقت حملتى بس دى حملتنا جميعا ان شاء الله وعاوزين نحافظ عليها ونكبرها علشان توصل لاكبر عدد من الناس شاء الله .
- النقطة المهمة بقى ااننا ان شاء الله هنبدأ فى النشر الجماعى يوم 29/9 /2009 ان شاء الله ... ومهمة كل واحد بأذن الله انة ينقل الموضوع على مدونتة ويغير فية زى ماهو يحب او ينقلة زى ماهو انا طبعا مسامح لان عملنا دة لوجة الله تعالى بس اهم حاجة يحتفظ بالعناصر الاساسية للموضوع وهو نشر اللجو واللينك وكمان طرق التبرع علشان دى العناصر الرئيسية فى الحملة والمشترك معاناو مش لحق فى التاريخ دة طبعا الحملة مستمرةان شاء الله و بأذنة الله بس بداية النشر فى التاريخ دة وربنا يكرمنا ان شاء الله بالاستمرار ونجاح الحملة اكتر واكتر ان شاء الله .

**** وفية نقطة اخيرة ان شاء الله عاوز اطلبها من اى واحد مشترك معانا فى الحملة بأذن الله ... ياريت اى حد عندة خبرة فى الفيس بوك انة يقدر يعمل برضوا جروب للحملة ودة طبعا هيساعد على نشرها بأذن الله بطريقة اسرع وربنا ان شاء الله يكرمنا ويقدم الى فية الخير بأذن الله بفضل الله وبفضل التعاوزن الجماعى بينا ان شاء الله والى يقدر يقدم فكرة او يساعد بحاجة انا معاكوا فى اى حاجة ان شاء الله ومستنى اقتراحتكوا او افكاركم ان شاء الله ..

وتحياتى للجميع .. وربنا يتقبل منا ومنكم والمسلمين صالح الاعمال اللهم امين .

حياتى نغم يقول...

السلام عليكم ورحمة الله وبركاته

جزاكم الله خيراً فكرة طيبة تقبل الله
أتيت عن طريق تنويه بمدونة " اللؤلؤة "

كانت هناك حملة بعنوان من أحياها أطلقتها مدونة " على راحتى " من فترة
وتم تصميم مجموعه من اللوجوهات وسيتم نشرهم قريباً بإذن الله بمدونتى وسأعلمكم وهى تحت تصرفكم أحدهم أنشره بمدونتى .

وفقكم الله .

*البت المشمشية *حلوة بس شقية * يقول...

على فكرة شعار المستشفى عندى من زمان فى المدونة بس تحت شوية
بس دلوقتى حالا هرفعو واحط لينك المستشفى

مهندسة لعزة الامه يقول...

احمد لله بعون الله قدرت اعمل جروب خاص بالحملة على الفيس بووك اسمه (حملة مدونتك حتنقذ طفلك ) بس حاسه انه العنوان مش معبر بدرجة كافيه عن الحملة

حياتى نغم يقول...

السلام عليكم ورحمة الله وبركاته

تم نشر تدوينه بمجموعه من اللوجوهات التى ممكن أن تعين كل مشتركى الحمله بنشر ما يناسب ذوقهم بمدونتهم .

جزاكم الله خيراً .

عاشق الجنة من الإخوان صلى على النبى يقول...

جهد مشكور
جزاكم الله خيراً
صلي النبي

جنــــــــــة الله يقول...

السلام عليكم ورحمة الله وبركاته
مع حضرتك باذن الله
وحالا حضيف الصورة عندى
ربنا يجعله في ميزان حسناتك
ويتقبل منا ومنكم
امين

جنــــــــــة الله يقول...

تم اضافة الجروب حضرتك
وبعد اذنك حنقل البوست بتاع حضرتك هناك
وادي اللينك ..
http://www.facebook.com/topic.php?topic=9927&uid=139959994897

طهر فؤادك يقول...

السلام عليكم ورحمة الله وبركاتة ,,,

ربنا يكرمكوا يارب يارب يارب جميعا.

ومش قادر اوصفلكوا مدى فرحتى بيكوا وبتفاعلكوا وبخيركوا الفياض الى يدل ان (الدنيا لسة بخير ) ومن نجاح لنجاح ان شاء الله لنجاح حملتكوا (مدونتك هتنقذ طفلك) لان بقت مسؤلية كل مشترك فى الحملة لان كل واحد معانا دى بقت حملتة ومساعدة طفل او عمل خير دى حاجة جميلة وعظيمة وربنا يثبتكوا ان شاء الله على عمل الخير والعزة للاسلام والمسلمين لانكم فعلا مثل مشرف للمسلمين الايجابين .

- احب اشكر كل من عمل جروب على الفيس بوك وياريت يكتب اللينك علشان التواصل وجزاكم الله خيرا جميعا والمسلمين وفى تقدم مستمر ان شاء الله .

وفقكم الله .

شمس النهار يقول...

كل سنه وانتم طيبين

مجهود جميل

وان شاء الله معاكم
والحقيقه الحمد الله انا من المتطوعين في جمعية معهد الاورام

وبالتالي المستشفي

وان شاء الله احط البانر عندي والبوست

هكذا علمنى سيدنا محمد( صلى الله عليه وسلم) يقول...

السلام عليكم ورحمة الله وبركاته
حياكم الله وبياكم أخوانى وأخواتى .
أخى الكريم طهر فؤادك جزاك الله خيرا وأعانك على فعل الخير وربنا يزيدك من علمه وكرمه وفضله .
ما شاء الله فكرة رائعة وتم التنفيذ فورا والإضافة فى مدونتى .
- على فكرة العلاج مكلف جدا ومحتاج لتبرع دائم مننا ودا شفته فى إعلان للشيخ محمد حسان وهو بيزور المستشفى ووجد إن فى أحد المرضى تكلف علاجه لوحده أكثر من 300 ألف جنيه مصرى .
- انا بعد إذنك أخى الكريم بقترح عليكم تعميم الحملة ، فى مستشفيات كتير فى مصر بردوا محتاجة توعية وحملات للتبرع ولتعريف الناس بيها ، فبقرتح أخوانى وأخواتى أى حد فيكم معاه وسائل للتواصل مع المستشفيات دى يجبها وينشرها .
وفقنى الله وإياكم لما يحب ويرضى
السلام عليكم ورحمة الله وبركاته

طهر فؤادك يقول...

السلام عليكم ورحمة الله وبركاتة ,,

جزاكم الله خيرا والمسلمين .. واعانكم على فعل الخير ان شاء الله والافكر الطيبة ومساعدة المحتاجين اللهم امين ..

- وياريت فعلا نعمم الفكرة ياابو حازم على المستشفيات كلها وياريت نتواصل مع حد يكون لية معرفة بالمستشفات دى ومن هنا بنفتح الباب لاى حد عارف ارقام تليفونات او طرق للتبرع يكتبها واحنا ان شاء الله نعمم الفكرة والفضل لله وافكاركم الايجابية ماشاء الله ولاقوة الا بالله .

أليس في بلاد العجائب يقول...

:) بسم الله ما شاء الله
لا قوة الا بالله

ربنا يجعله في ميزان حسناتك ان شاء الله

بس زي ما قالك ابو حازم
في اماكن كتير بتقوم بنفس الدور

في معهد الاورام
وفي جمعية اصدقاء مرضي الاورام اللي داخل القصر العيني
وفي جمعيات كتيرة ليها علاقة بمرضي الاورام

اللي يدور يلاقي كتير محتاج واي حاجة بتسد احتياج او بند مفتوح !!


ربنا يتقبل ويجعلها بنية مخلصة لوجه الله

طهر فؤادك يقول...

السلام عليكم ورحمة الله وبركاتة ,,,

متخفوش ياجماعة ان شاء الله خير ودى بأذن الله مش اخر حملة وربنا يكرمنا ان شاء الله فى الحملة دى وبعدين هندخل فى حملة تانية بأذن الله ودة كلة تشجيعكم وتعاونكم معاية ان شاء الله لانى احبكم فى الله .... وهنستغل الحب دة ونطمع اكتر واكتر بس فى الخير طبعا بقى ان شاء الله مش طمع من نوع تانى وادعولنا بس وتكمل على خير وربنا يثبتنا جميعا اللهم امين والمسلمين ..

العصفورة يقول...

السلام عليكم
كل عام وحضرتك بخير
وجزاك الله خيراً على هذه الحملة العظيمة
خالص تقديرى

مهندسة لعزة الامه يقول...

احب اشكر الاخت جنه الله على مجموعة الفيس بووك

بالنسبة للاسم مكانش قصدى اسم الحمله كلها بس كنت اقصد اسمها على الفيس بووك وخلاص اختنا (جنه الله )حلت المشكلة واختارت اسم مجموعة معبر عن الموضوع

وعلشان الموضوع يبقى مفيد اكتر ومؤثر يبقى نعمل مجموعة واحدة على الفيس بووك وندعوا ليها كلنا اصدقائنا فى الفيس بووك ؛فخلاص نستمر بعون الله بمجموعة (جنه الله )
والله المستعان

جنــــــــــة الله يقول...

يا جماعة والله ما فيش اي حاجة
ودى حاجة بسيطة جدااا
كل اللى عملته فتحت جوجل وكتبت كيفية اقامة جروب ع الفيس بوك
وانتهى الامر على كدة وطلع الموضوع سهل وبسيط خاالص
ومش قادرة اقولكم قد ايه بالي مرتاااح جدااا
ربنا يزقنا واياكم جميعا راحة البال والجنة ورضا الله
امين ياارب
ربنا يجعله في ميزان حسناتكم وحسناتنا جميعا

غير معرف يقول...

وعليكم السلام ورحمة الله

ربنا يوفقك

http://noureldens.maktoobblog.com

عطش الصبار يقول...

السلام عليكم
فكره رائعه وجزاك الله خيراوان شاء الله يكون فى ميزان حسناتك
وان شاء الله يكون فى كل محافظه مركز عالمى زى اللى فى القاهره
ربنا يوفقك فى حملتك
وان شاء الله هاحط اللنك بس لما ييجى حد يكون بيفهم فى الموضوع ده
تقبل تحياتى

حياتى نغم يقول...

السلام عليكم ورحمة الله وبركاته

بإذن الله أنشر غداً والله المستعان ولكن إن لم تتح لى فرصة سيكون فى يوم آخر .

جزاك الله خيراً .

جنــــــــــة الله يقول...

تم النشر اخى الكريم
مع حذف بس المقطع دة

" ( ودى اهداء من مدونة قطرات ندى . جزاها الله خيرا ) :-- احب قبل وماكتب لينك الجروب علشان ان شاء الله تشتركوا معانا فية احب اشكر المدونة وربنا يجزيها خير ودة مثال حى للعمل الجماعى "

علشان ماحدش يفتكر انى بتباهى بنفسي ولا حاجة
وربنا يقدرنى وابقى معاكم على طول
ويقدرنا اننا ننجح الحملة دى

جنــــــــــة الله يقول...

اسفة جدا انى حطيت البوست دلوقتي
بس يظهر عندى التاريخ مش معدول في الجهاز
لانه مكتوب عندى ان النهاردة 29 مش 28
بس للأسف انا حطيت البوست خلاص
ودة طبعا قبل ميعاده
اسفة جدااااا بجد

yasmina يقول...

السلام عليكم
لا بجد انا مش قادرة اصدق دة فعلا
انا عايزة بس اقول حاجة انى من نصف شهر رمضان بالظبط اتفاجئت بالاعلان بتاعهم لئيت فى موقع دخلت واشتركت وبعتولى رسالة انهم محتاجنا فعلا بالتبرعات والدم وكل حاجة
دى كفاية زيارتنا ليهم
وكنت عايزة اروح وبابا قال ان اقرب فرصة ان شاء الله نروح
ودعيت ربنا ان الفرصة دى تكون قريبة
والحمد لله ربنا استجاب
انا اسفة على الهجوم دة بس انا بجد ماصدقتش نفسى لما لئيت الصورة وقريت شوية كلمات كدة
انا دلوقتى هروح اقرا واجيى
وبجد متشكرة على الفرصة الجميلة دى
مش هتاخر

yasmina يقول...

السلام عليكم
انا رجعت تانى بعد ماسمعت الكلام الجميل اوى دة
وفرحت جدا انى ليا فرصة انى اساعدهم
بصراحة كنت فى الاول فاكراها عبارة عن رحلة للمستشفى وهنتجمع وكدة
بس لئيت ان الموضوع ابسط بكتيييير
واكيد هتلائيه قريب باذن الله
وان شاء الله الحملة دى هتكون اكبر واكبر
مش 45 لأ 4500000000
واكتر كمان
ويارب وياريت تقبلونى اكون معاكم فى الحملة دى بجد

yasmina يقول...

واحب اشكركم اوى على الفرصة الجميلة دى
بجد مش عارفة اشكر حضرتك ازاى
سلام

بنوتة يقول...

على فكرة انا فعلا كنت مستخدمة صورة للمستشفى على مدونتى من وقت انشاءها
والحمد لله انى عرفت اوصلكمعلشان اشارك فى الحملة
انا هستخدم اللنك ولما تتفقوا على معاد لنشر الموضوع فى المدونات انا جاهزة ان شاء الله

بنوتة يقول...

اه على فكرةانا هنقل الموضوع على اى جروب مشتركة فية على الفيس بوك
دا بعد اذنك

طهر فؤادك يقول...

السلام عليكم ورحمة الله وبركاتة ,,,

ربنا يكرمكوا جميعا يارب على حماسكم وتفاعلكم وحبكم لعمل الخير ونشر اى حاجة تساعدوا بيها محتاج ... والكلمات مش قادرة تعبر على مدى سعادتى لحبكم للحملة واحساسكم ان كل طفل موجود فى المستشفى دى او غيرها او اى مريض محتاج للمساعدة دى مسؤليتكم وربنا يجزيكم خير على الاحساس دة ويجعلة ان شاء الله فى ميزان حسناتكم اللهم امين والمسلمين ..

- وياجماعة محدش يستأذن فى نقل الموضوع او اى حاجة عن الحملة لانها بقت حملتكم خلاص واحنا كلنا ايد واحدة ان شاء الله لنشرها ومسؤلين عنها ان شاء الله وعلى اذدهارها وعالميتها بأذن الله .

وفقكم الله الى مايحبة ويرضاة وعلى طاعتة وحسن عباتة اللهم امين والمسلمين

سمسم/سما يقول...

السلام عليكم
جزاكم الله كل خير
وان شاء الله
ربنا يتقبل منا
ويرزقنا الاخلاص
وكل سنة وانت طيب

هكذا علمنى سيدنا محمد( صلى الله عليه وسلم) يقول...

السلام عليكم ورحمة الله وبركاته
حياك الله وبياك أخى الكريم وجعل الجنة مثواى ومثواك
انا نزلت موضوع بنفس العنوان بس ملتزمتش بموضوع الكوبى والبيست ، أصل مش بحب ألتزم بحاجة ( هههههههههه ) ،
عموما انا كتبت الإقتراحات اللى قولتلك عليها وأهمها موضوع الدليل ، مستنى رأيك لو الإقتراحات دى كويسة ولا أشيلها خالص .
وفقك الله لما يحب ويرضى أخى الكريم

Mr.Hazem يقول...

مرحباً
كم هو رائع ان يترك الانسان بصمة له في هذه الحياة
كم هو أروع ان كانت هذه البصمة حكمة او معلومة او توعية يستفيد منها من يمر عليها

اعجبتني مدونتك المميزة
واعجبتني حروفك الذهبية
ويسعدني زيارتي لكِ , وباذن الله تتكرر
ويشرفني دعوتك لزيارة مدونتي
ارق تحية

بنوتة مصرية يقول...

ربنا يوفقك للخير
ويشفى كل مريض

لو عرفوه هيحبوه يقول...

السلام عليكم

جزاكم الله كل خير ونفع الله بكم

ندعوكم لمشاركتنا فى حمله لو عرفوه هيحبوه لنصره النبى صلى الله عليه وسلم

عاشقة الأحزان يقول...

السلام عليكم

حبيبتى بجد وحشتينى قوى وياريت متزعليش منى بجد ما كنتش موجوده اليومين اللى فاتو

كنت مسافره
ربنا يجزيكم كل الخير يارب

ومتشكرة ليكى

ضحكات الحياة يقول...

السلام عليكم

ما شاء الله الفكره حلوة جداااااااااا

و ان شاء الله أقدر ساعد بأى حاجه

طهر فؤادك يقول...

السلام عليكم ورحمة الله وبركاتة ,,,

ماشاء الله عليكوا وعلى كرمكوا وخيركوا وربنا ان شاء الله يجعل كل كلمة بتكتبوها فى الخير وكل احساس بتحسوة تجاة المرضى فى ميزان حسناتكوا ان شاء الله والمسلمين . وقال رسولنا العظيم معلم البشرية جمعاء صلوا علية ياجماعة ..وقوله : ( من عاد مريضا أو زار أخا له في الله ، ناداه مناد : أن طبت وطاب ممشاك ، وتبوأت من الجنة منزلاً ) رواه الترمذي .
-- وفى أخر كلامى بقول :- ربنا ان شاء الله يتقبل منكم صالح الاعمال اللهم امين والمسلمين

غير معرف يقول...

وعليكم السلام ورحمة الله اعزرنى اخى لتاخر الرد نظرا لانشغالى هذه الفتره

ومازلتُ أتعلم يقول...

تم بحمد الله..
واعذرنى لتأخيرى

قوس قزح يقول...

جزاك الله كل خير
انا ضيفت اللينك عندى
و ان شاء الله قريب اعمل يوم لزيارة المستشفى من المدونين

Sonnet يقول...

السلام عليكم
ربنا يوفقكم

تأثير الفراشة يقول...

السلام عليكم و رحمة الله و بركاته

أشكرك على زيارتك لمدونتى و بإذن الله يدوم التواصل

أحييى حضرتك على هذه الفكرة
ربنا يجعله فى ميزان حسناتك

و بإذن الله أشارك فى مدونتى

جزاك الله خيرا

احمد يقول...

بارك الله فيك وجزاك الله خيرا

غير معرف يقول...

[url=http://trig.com/naaderihu1976/biography]levitra sales promotion[/url]
[url=http://trig.com/imposunfect1980/biography]lovegra vietnam[/url]
[url=http://trig.com/anarzwerec1989/biography]cialis regalis[/url]
[url=http://trig.com/sonersimuz1973/biography]hairloss propecia research[/url]