قــــــــــــــــوى قلــــــبــــك ............ و(استرجل),,,,,,,

السلام عليكم ورحمة الله وبركاتة ,,,,,,,

اخباركوا اية يااجماعة .... واخبار الصيام اية فات كام يوم من اجمل ايام السنة واروعها ... يارب يثبتكوا ان شاء الله على طاعتة وحسن عبادتة اللهم امين والمسلمين ... وموضوعنا اليوم ان شاء الله يااحبتى فى الله ... ودة من قلبى والله لانى فعلا احبكم فى الله ... طبعا من العنوان بتاع الموضوع هتقولوا انا اشتغلت فى الاعلانات ولا اية (قوى قلبك و استرجل) هقولكوا فعلا هى مصطلحات جامدة بس الاجمد منها ياشباب اننا نطبقها وطبعا مش هنشرب زى الاعلانات ... لاطبعا احنا هنعمل حاجة اعظم من كدة بكتير وهنحس براحة بعدها وطمئنينة وبركة مش هتتخيلوها ان بأذن الله تعالى وهنقول كانت غايبة عننا فين من زمان ... تعرفوا اية يااجماعة هنقوى قلبنا بـــــ(صلاة الفجر) ودة مش كلامى طبعاا تعرفوا ان فعلا صلاة الفجر بتقوى القلب ولا تقولى هشرب مشروب اية ولا تقولى هعمل اية ... والله فعلا يااجماعة بتقوى القلب ودة خبر قرأتة من يومين وشوفوا الخبر دة معااية .(أكدت دراسة حديثة أجراها علماء مصريون بالمركز القومي للبحوث ان اداء صلاة الفجر في وقتها يؤدي إلى تنشيط عمل الخلايا بجسم الإنسان وتمنع انقسامها بصورة شاذة والذي يترتب عليه الإصابة بالأورام السرطانية. أشار الدكتور سعيد شلبي استاذ الباطنة والكبد بالمركز إلى أن الابحاث اكدت أيضا ان صلاة الفجر في وقتها تساعد في الحماية من التعرض للأزمات القلبية وتنظم عمل الهرمونات بالجسم والدورة الدموية نظراً لأن اعضاء الجسم تكون في قمة نشاطها عند توقيت صلاة الفجر. ويزداد افراز الهرمونات خاصة الادرينالين الذي ينشط جميع اعضاء الجسم ويحميها من الأورام في الخامسة صباحا ويعمل على تنشيط جميع اعضاء الجسم. أضاف شلبي أن هواء الفجر النقي يحمل كمية كبيرة من الأكسجين يؤدي إلى تنشيط القلب ويقلل من انقباض الأوعية الدموية المسبب لارتفاع الضغط وينظم عمل الهرمومات مما يساعد في زيادة نسبة السكر اللازم لتنشيط أداء المخ والخلايا العصبية وما يتبع ذلك من تحسن في الذاكرة. المصدر: وكالة انباء الشرق الاوسط .) ياسلام ياجماعة على عظمة صلاة الفجر ومش كدة وبس دة انا هقولكوا الاعظم من كلام العلم . وهو الاهم طبعا كلام سيدنا النبى العظيم ومعلم البشرية جمعاء قال عليه الصلاة والسلام : ( بشر المشائين في الظلم إلى المساجد ، بالنور التام يوم القيامة ) رواه الترمذي . وكمان ياجماعة تعرفوا ان(يقظة من قيام + إجابة للأذان + صلاة مع أهل الإيمان = ثواب قيام ليلة). قال صلى الله عليه وسلم ((من صلى العشاء في جماعة فكأنما قام نصف الليل ومن صلى الصبح في جماعة فكأنما قام الليل كله )). اخرجه مسلم ...وكمان رزق وبركة لمن صلى الفجر جماعة : هذا الوقت وقت البركة في الرزق فإن النبي صلى الله عليه وسلم ((اللهم بارك لأمتي في بكورها )) ... ياسلام ياجماعة يعنى تقوى قلب ونور تام كمان يوم القيامة ومع صلاة العشاء قيام ليل ورزق وبركة عاوزين اكتر من كدة عظمة ياشباب . ومش كدة وبس تعرفوا كمان انها بتبين المنافق من المسلم الى بيصلى لوجة الله ولطاعة الله مش لغرض تانى وكلام سيدنا النبى صلى الله علية وسلم بيقول .فعن أبي هريرة رضي الله عنه قال قال رسول الله صلى الله عليه وسلم: " ليس صلاة أثقل على المنافقين من صلاة الفجر والعشاء ولو يعلمون ما فيهما لأتوهما ولو حبوا " وكمان صلاة الفجر بتحقق نصر تعرفوا على مين هقولقوا حالا :صلاة الفجر في المسجد فإنه بذلك يكون قد حقق نصرا عظيما على نفسه ويكون قد آثر أمر الله على هوى نفسه التي تدعوه إلى النوم وترك الصلاة, كما أنه ينتصر كذلك على الشيطان وفي ذلك مكسب كبير للفرد حيث يستطيع بعد ذلك وبسهولة خلال يومه أن ينتصر على نفسه وشيطانه وهواه عندما يأمرونه بمخالفة أوامر الله سبحانه وتعالى وارتكاب ما نهى الله عنه ...وبهذا روى مسلم ان النبي صلى الله قال(( يعقد الشيطان على قافية رأس أحدكم إذا هو نام ثلاث عقد يضرب على كل عقدة عليك ليل طويل فإن استيقظ فذكر الله انحلت عقدة فإن توضأ انحلت عقدة فإن صلى انحلت عقده كلها فأصبح نشيطا طيب النفس وإلا أصبح خبيث النفس كسلان )) ...

تعرفوا كمان صلاة الفجر اليهود الى هما اعدائنا اللدودين عارفين فضلها وخايفين من المواظبة عليها ياشباب كمان تعرفوا لية :مسئولة إسرائيلية في أحدى الحكومات السابقة حيث قالت * نحن نعترف بأننا سنحارب المسلمين ولكن ليس هؤلاء المسلمين هم الذين سيحاربوننا ولا هؤلاء اليهود, فسألت: ومتى تكون هذه الحرب ؟ فقالت: عندما يكون عدد المسلمين في صلاة الجمعة هو عددهم في صلاة الفجر* فكأنهم يعرفون الأثر العظيم الذي سيحدث في نفوس المسلمين عندما يحرصون على صلاة الفجر كباقي الصلوات .

- ياسلام ياجماعة شفتوا صلاة الفجر عظيمة ازاى واحنا غافلين عنها واعدائنا قد اية خايفين منهاااااااااااا .

طيب بقى بعد الى عرفناة دة كلة ماتيجوا نسترجل بقى متخفوش مش هنشرب (....) لا احنا هنسترجل فى طاعة الله ومش بس الرجالة لا طبعا والنساء (طبعا الاسترجال للنساء مش التشبة بالرجال والعياذ بالله مش اقصد المعنى دة طبعا لكن مش بيقولوا فى اللغة العامية ان الست دى بمية راجل .. ونقصد بكدة بتحمل المسئولية و صلابة القرار احنا عاوزين المعنى دة بالظبط يانساء) فياريت كلنا نسرتجل ونعاهد بعض ونعاهد نفسنا قبل كل شئ اننا نصلى الفجر ان شاء الله نبدأ من بكرة بأذن الله ومحدش يقول هتعطنلى عن شغلى او لو صحيت مش هعرف انام .... بالعكس والله دى بركة الصلاة ورزق عظيم زى ماشفنا ومش هتحس باى تعب اواى الم ان شاء الله بل بالعكس نشاط وتقوية قلب زى ماتفقنا .....

وكمان معاية علاج تعالوا كدة ننفذة مع بعض وان شاء الله يكون بالخير بأذن الله لمن يجد صعوبة فى القيام للصلاة :---

1- الخوف والخشية من الله تعالى 2- البعد عن المعاصي 3- الاستغفار 4- كثرة الأعمال الصالحة طوال اليوم 5- النية الصالحة الصادقة 6- النوم على طهارة 7- قيام الليل ولو بركعتين قبل النوم 8- الذكر قبل النوم 9- الاستعانة بوسائل تعين على ذلك.

وفى اخر كلامى مش هقول غير (قــــوى قلبك ......... واســــــترجل )