الاثنين، 31 أغسطس، 2009

احــــــــلام صـــــــاااااائم ....ادعوا معاية يارب تتحقق ,,,,,,,,,,,

السلام عليكم ورحمة الله وبركاتة ,,,
اخباركوا ياجماعة فى الصيام ان شاء الله ربنا يارب يثبتكوا على طاعتة وحسن عبادتة ان شاء الله .... وصوما مقبولا ان شاء الله ... وموضوع اليوم عبارة عن احلامى وفكرت فيها بصراحة وانا صايم وقولت لية لا والله ممكن تتحقق احنا كمسلمين عندنا عزيمة وربنا بيقوينا دايما فى الحق وبيقوينا فى نصرة اسلامنا والمحافظة على مبادئنا الجميلة الاسلامية وهسألكم سؤال بعد مانقرأ الاحلام دى مع بعض ياترى نقدر نحققها تعالوا نشوف كدة الاحلام وبعد كدة كل واحد مع نفسة كدة يجاوب على السؤال ولو ترجم الى فى نفسة فى تعليق يبقى خير وبركة وتعالوا دلوقتى نحلم مع بعض :----
بحــــلم ان صلاة الجماعة و المساجد المليانة الى بصراحة حاجة تفرح والله تكون فى باقى شهور السنة زى رمضان ... لان فضل صلاة الجماعة عظيم والله ياجماعة تعالوا نعرفة كدة مع بعض :--(فإن الرجل الذي يصلي في بيته من غير عذر قد فاته أجر عظيم، بل وارتكب إثما مبينا، لأن صلاة الجماعة في أرجح أقوال أهل العلم واجبة فيأثم تاركها، والله جل وعلا يقول في كتابه: (وإذا كنت فيهم فأقمت لهم الصلاة فلتقم طائفة منهم معك) [النساء: 102]. فأمر الله تعالى بالجماعة حال الخوف (الحرب) ففي غيره أولى، وعن أبي هريرة رضي الله عنه أن رسول الله صلى الله عليه وسلم قال: "والذي نفسي بيده لقد هممت أن آمر بحطب فيحطب ثم آمر بالصلاة فيؤذن لها ثم آمر رجلا فيؤم الناس ثم أخالف إلى رجال فأحرق عليهم بيوتهم". متفق عليه. وما دام الرجل يسمع النداء فعليه أن يجيب، حيث لم يرخص النبي صلى الله عليه وسلم للرجل الأعمى أن يصلي في بيته حيث قال: "هل تسمع النداء بالصلاة؟ قال: نعم. قال: فأجب" [رواه مسلم]. والذي يصلي في بيته من غير عذر على خطر عظيم لأنه بذلك ترك هدي النبي صلى الله عليه وسلم. قال الله تعالى: (فليحذر الذين يخالفون عن أمره أن تصيبهم فتنة أو يصيبهم عذاب أليم) [النور: 63]، وفي صحيح مسلم أن ابن مسعود رضي الله عنه قال: "من سره أن يلقى الله تعالى غدا مسلما فليحافظ على هؤلاء الصلوات حيث ينادى بهن (أي في المسجد جماعة) فإن الله شرع لنبيكم سنن الهدى، وإنهن من سنن الهدى ولو صليتم في بيوتكم كما يصلي هذا المتخلف في بيته لتركتم سنة نبيكم، ولو تركتم سنة نبيكم لضللتم، ولقد رأيتنا وما يتخلف عنها إلا منافق معلوم النفاق، ولقد كان يؤتى بالرجل يهادى بين الرجلين حتى يقام في الصف")
بحــــلم ان اخلاقنا فى رمضان وشعار المسلم فى الرد على الاسائة (اللهم انى صائم)يكون فى باقى الشهور ويكون شعارنا فى باقى الشهور (انا مسلم متسامح)....(عن أبا هريرة رضي الله عنه يقول قال رسول الله صلى الله عليه وسلم قال الله كل عمل ابن آدم له إلا الصيام فإنه لي وأنا أجزي به والصيام جنة وإذا كان يوم صوم أحدكم فلا يرفث ولا يصخب فإن سابه أحد أو قاتله فليقل إني امرؤ صائم والذي نفس محمد بيده لخلوف فم الصائم أطيب عند الله من ريح المسك للصائم فرحتان يفرحهما إذا أفطر فرح وإذا لقي ربه فرح بصومه) .
بحـــلم ان قرائتنا للقرأن الكريم العظيم والعمل بية فى شهر رمضان تبقى معنا طول الشهور ويبقى المصحف خير واعظم رفيق فى حياتنا.... (وبشَّر صلى الله عليه وسلم قارئ القرآن بأنه مع السفرة الكرام البررة فقال: ( الماهر بالقرآن مع السفرة الكرام البررة، والذي يقرأ القرآن ويتعتع فيه وهو عليه شاق له أجران ) متفق عليه. وفي حديث آخر عنه صلى الله عليه وسلم قال: ( يُقال لقارئ القرآن: اقرأ وارقَ، فإن منزلتك عند آخر آية تقرؤها ) رواه أبو داود و الترمذي ، وقال: حديث حسن صحيح) . .
بحــــــلم ان رمضان يجى علينا من غير تخمة فى البرامج والمسلسلات الغرض الاساسى منها الهاء الناس والتفنن فى عزوفهم عن العبادة والتقرب من الله وبرضوا مش بقول مش نتفرج على التلفزيون بس الفرجة تكون فى حدود وتكون فيها حرص وتكون بعيدة عن مايغضب الله .
بحـــــلم ان الشوارع تبقى فاضية والمرور منظم زى وقت الفطار (حلم مستحيل طبعا) بس والله مفيش حاجة بعيدة على ربنا ...قادر على كل شئ ولو طبقنا التسامح والعفو الاعراض عن ا لجاهلين والله ممكن كيتر من مشاكلنا المرورية تتحل ونقول يارب .
بحـــــلم ان الناس لاتسرف ولا تتكالب على الجمعيات والاسواق والاكل ومحلات الجزارة ومحلات الطيور والمطاعم ... ودة كلة بأسراف علشان خير الامور الوسط لان رمضان شهر الخير والبركة الربانية.... فإن الله عز وجل قد نهى عباده عنه فقال: ( يَا بَنِي آدَمَ خُذُوا زِينَتَكُمْ عِنْدَ كُلِّ مَسْجِدٍ وَكُلُوا وَاشْرَبُوا وَلا تُسْرِفُوا إِنَّهُ لا يُحِبُّ الْمُسْرِفِينَ) (الأعراف:31). .
بحـــــلم ان موائد الرحمن تكون طول السنة مش فى رمضان بس و اجمل مشهد ممكن تشوفة والناس بتشد الفقراء علشان تاكل وتسد جوعها والتكافل والرحمة والمودة معانا طول السنة ياريت ياجماعة ياريت ومش فى رمضان بس ...(وقال تعالى : ( ويطعمون الطعام على حبه مسكينا ويتيما وأسيرا إنما نطعمكم لوجه الله لا نريد منكم جزاء ولا شكورا ) [ الإنسان : 8 ، 9 ]) . .
بحــــلم ان الناس الى بتخاف وبتراعى ربنا وبتبعد عن الرشوة وفتح الادراج والمحسوبية فى رمضان تعمل كدة فى باقى الشهور اكيد حياتنا هتتغير للافضل ان شاء الله.... (حدثنا أبو بكر قال حدثنا ابن أبي زائدة عن ليث عن أبي الخطاب عن أبي زرعة عن أبي إدريس عن ثوبان قال : لعن رسول الله صلى الله عليه وسلم الراشي والمرتشي والرائش يعني الذي يمشي بينهما ). .
بحلم وبحلم وبحلم والله ياجماعة الاحلام كتيرة وياريت بس كل الى بنعملة جميل وعظيم فى رمضان نطبقة فى باقى الشهور هنشوف خير ان شاء الله ونرقى بالامة الاسلامية ان شاء الله وياريت احلامكوا تبقى زى احلامى ونتتحقق ان شاء الله فى طاعة الله وحسن عبادتة ان شاء الله .
وفى اخر كلامى ياريت تجاوبوا على السؤال ياترى نقدر نحقق الاحلام دى ؟؟؟؟

هناك 11 تعليقًا:

nana يقول...

السلام عليكم ورحمه الله وبركاته
طبعا الاجابه على السؤال من السهل جدا اننا نقول ممكن بس امتى وازاى فى زمن زى اللى احنا فى ممكن احيانا الحياة تضر الانسان لحجات خارجه عن اردته بس والله مش وحدك كلنا بنحلم نفس الحلم بس لو قلنا انها امنيه فهى مش بعيده على خالق الكون ربنا يكرمك ويجزيك خير ويحقق اللى حلمت بيه وكلنا نفس الحلم اننا شهور السنه كلها تبقى نفس المعامله فى رمضان

طهر فؤادك يقول...

وعليكم السلام ورحمة الله وبركااتة
جزاكى الله خيراا والمسلمين على متابعتك المستمرة وسرعة تعليقك بالمدونة وربنا يثبتك ويثبتنا ان شاء الله والمسلمين على طاعتة وحسن عبادتة .... وان شاء الله احلام المسلمين كلها تتحق وان شاء الله نصرة المسلمين مش بعيدة لو اتحدوا وابتعدوا على المشاحنات والكراهية وربنا كريم ان شاء الله وقادر على كل شئ .

اللؤلؤة يقول...

السلام عليكم
أولاً : كل عام وحضرتك والأمة الإسلامية بكل خير
وأتمنى أن يعود هذا الشهر على المسشلمين آجمعين باليمن والخير والبركات
ورمضان كريم
ثانياً : أما عن الموضوع
فالجهد مشكووووووور
وجميل جداً إنك تستعين بالأحاديث الشريفة
وصوما مقبولا ان شاء الله
آمييييييييييييييين
أمييييييييييييييين
آمييييييييييييييين
خالص تقديرى

طهر فؤادك يقول...

السلام عليكم ورحمة الله وبركاتة
جزاك الله خيرا والمسلمين استاذنا / لؤلؤة
وربنا يكرمك يارب وكل سنة وحضرتك والامة الاسلامية العظيمة كلها بخير ان شاء الله وفى طاعة وشكر لله .
وربنا يكرمك يارب على ثنائك على الموضوع وان شاء الله يكون تعليقك فى ميزان حسناتك ان شاء الله .

فشكووول يقول...

السلام عليكم ورحمة الله وبركاته

تحياتى وكل عام وانت بخير ورمضان كريم

اهلا بيك فى فشكون ونورت وشرفتنى بالزياره

بالنسبه للبوست ... انت بنفسك اللى قلت باحلــــم ... والحلم يبقى دائما حلم ... وصعب تحقيقه .. وربنا يهدى المسلمين لما فيه خير البلاد والعباد وخير الاسلام

تحياتى

طهر فؤادك يقول...

السلام عليكم ورحمة الله وبركاتة
ربنا يكرمك يارب والمسلمين اجمعين عم / فشكول .... وتشرفنى فى اى وقا حضرتك وتنور المدونة وجزاك الله خير والمسلمين .... وان شاء الله بعزيمة المسلمين ونور الاسلام العظيم ممكن الحلم يبقى حقيقة والله المستعان ان شاء الله .

Sharm يقول...

بالصدق في اسلامنا

عاشقة الأحزان يقول...

السلام عليكم
ربنا يتقبل

امين يارب العالمين

مودتى

طهر فؤادك يقول...

وعليكم السلام ورحمة الله وبركاتة

جزاكم الله خيرا على مروركوا الكريم
Sharm & عاشقة الاحزان وربنا يثبتنا جميعا على طاعتة وحسن عبادتة اللهم امين ويتقبل منا صيامنا وقيامنا وصالح اعمالنا اللهم امين والمسلمين

غير معرف يقول...

اولا جزيت خيرا على موضوع ومدونتك
ثانيا احب اقول ان الاحلام دى اكيد مفيش مسلم لا يتمنى تحققها ابدا ولكن ماذا بعد التمنى؟؟؟؟؟!! ليس هناك من يعمل عليها الا من رحم ربى والله لو اصبحت المجتمعات والشعوب كذلك لرجعنا الى زمن العزة والصحابة من جديد ولكن هيهات ذلك وكل شخص يعتمد على غيره ويتواكل والله لا يغير ما بقوم حتى يغيروا ما بانفسهم وانا اعتقد ان الحل ان يبدا كل منا بنفسه ويحاول ان يساعد الاخرين على ذلك
والذى نفسى بيده من لا اله غيره انى لاتمنى الا اموت قبل ان ارى الزمن الذى يحدث به هذا

طهر فؤادك يقول...

السلام عليكم ورحمة الله وبركاتة ,,,,
وبارك الله فيكى
وجزاكى اياة واحسن منة ان شاء الله والمسلمين اجمعين ..
وشاكر زيارتك وجزاكى الله نها خير ان شاء الله .