السبت، 3 أكتوبر 2009

شكر واجب لمن شاركونا فى انجاح حملتنا "مدونتك هتنقذ طفلك" ,,,,

السلام عليكم ورحمة الله وبركاتة ,,,
ابدأ كلامى الطيب للطيبين الى ربنا يباركلهم يارب فى صحتهم وعافيتهم وخيرهم اللهم امين والمسلمين ... وأبدأ واقول هذا الحديث الجميل :-عن أبي هريرة رضي الله عنه مرفوعا { لا يشكر الله من لا يشكر الناس } إسناد صحيح رواه أحمد وأبو داود والترمذي قال في النهاية : معناه أن الله تعالى لا يقبل شكر العبد على إحسانه إليه إذا كان العبد لا يشكر إحسان الناس ويكفر أمرهم ; لاتصال أحد الأمرين بالآخر ، وقيل معناه : أن من كان عادته وطبعه كفران نعمة الناس وترك شكره لهم كان من عادته كفر نعمة الله عز وجل وترك الشكر له ، وقيل معناه أن من لا يشكر الناس كان كمن لا يشكر الله عز وجل وأن شكره كما تقول لا يحبني من لا يحبك أي : أن محبتك مقرونة بمحبتي فمن أحبني يحبك ، ومن لا يحبك فكأنه لم يحبني . أن الله سبحانه لا يقبل شكر العبد على إحسانه إليه إذا كان العبد لا يشكر إحسان الناس ويكفر معروفهم. اهـوهذا الحديث فيه ذم لمن لم يشكر الناس على إحسانهم، وفيه أيضا الحث على شكر الناس على إحسانهم.وشكر الناس على إحسانهم يكون بالثناء عليهم، وبالكلمة الطيبة وبالدعاء لهم ....
***** بعد الحديث الجميل دة وفهم معانية العظيمة الجليلة ... احب اشكر كل من ساهم معنا فى انجاح حملتنا " مدونتك هتنقذ طفلك " ومش تتصورا مدى فرحتى لنجاح الحملة وتفاعلكم مع الحملة وفكرتها البسيطة وفى نفس الوقت ان شاء الله تدر خير وفير وعظيم على اطفالنا فى مسشتفى "57357 " وان شاء الله اللوجو ولينك التبرع مستمر على مدوناتكوا وصدقة جارية بأذن الله واحب ابشركم ان عدد المدونات ماشاء الله فى ازدياد بفضل نشركم الجماعى للحملة وتفاصيلها ... وان شاء الله الحملة مستمرة وكل واحد تأخر لظروف خارجة عن ارادتة بنقولة ان الخير مستمر ان شاء الله وممكن تلحق وتنشر علشان الحملة مستمرة بأذن الله تعالى ومش هتتوقف طول مافية ناس زيكوا خيرين وربنا يتقبل منكم ومنا والمسلمين صالح الاعمال اللهم امين امين امين .
- واحب ابشركم ايضا ان عدد المشاركين فى حملتنا على الفيس بوك فى تزايد ايضا بفضل الله ونشركم وموجود لينك الدخول على الحملة فى مدونتى على اليمين او لمن يحب ان يشاركنا الحملة وياريت كل واحد عندة صديق وممشتركش فى الحملة يقولة يشترك فى الجروب وان شاء الله يكون فى ميزان حسناتة .
- وربنا يكرمكوا يارب وكل طفل فى المستشفى وصلة خيركوا ومساهمتكم فى وصول المتبرع الية وهو فى بيتة بيدعلكوا وعلى فكرة مش تفتكروا وجود اللوجو واللينك حاجة قليلة... لاطبعا بالعكس... بحب اطمنكوا انة صدقة جارية اولا ان شاء الله وتانى حاجة ان لو وصلنا ان شاء الله لكل مدونات مصر بس وعددها فوق المليون مدونة ولو اتبرع كل واحد بالوسيلة بتاعة التليفون بس وكل واحد ولو دقيقة يبقى لمينا بعون الله وفضلة حوالى اتنين مليون جنية واتر طبعا ودى وسيلة واحدة بس وتخيلوا بقى باقى الوسائل وان شاء الله ربنا كريم ومعين وربنا يتقبل منكم ومنا والمسلمين صالح الاعمال اللهم امين ....
- واحب ابشركم ايضا فى اخر كلامى ان الى انتوا عملتوة من علامات تقبل شهر رمضان العظيم الجميل ان شاء الله لان من علامات قبول عملك في رمضان استمرارك على الطاعة بعده.. والحسنة تتبعها الحسنة والسيئة تجر السيئة وربنا يبعدنا عن السيئات جميعا والمسلمين اللهم امين .
وربنا يتقبل منا ومنك والمسلمين صالح الاعمال ويثبتنا على طاعتة وحسن عبادتة اللهم امين .
(ياريت اعرف ردود فعل الناس فى مدوناتكوا عامل ازاى ومتفاعل مع الحملة ولا لا ... وربنا يجزيكوا خير اللهم امين والمسلمين ؟)

هناك 43 تعليقًا:

yasmina يقول...

السلام عليكم

احم احم بم انى مشتركة فى الحملة الجميلة دى بجد والله
احب اقول حاجة مهمة
ان بجد كل اللى بيزورنى بحس فعلا انهم متفاعلين اوى مع الحملة
وان شاء الله يشتركوا وتنجح
وانا كمان بدعوهم على الاشتراك فى الحملة حتى فى الردود بتاعتى على تعليقاتهم

وكان خبر جميل اوى ان الحملة الحمد لله نجحت كمان على الفيس بوك

يبقى انا على المدونة واختى على الفيس بوك
هههههههههه
احنا كدة احتلينا العالم كله
هههههههههه

ودى على ما اعتقد حاجة كويسة عشان النجاح دة يكبر اكتر واكتر
يارب بجد بدعى من كل قلبى


عشان ماطولشى بقى وكفاية انى اول تعليق كمان
اقول سلااااااام
ويارب دايما فى نجا متوالى كدة يارب


وشكرا طبعا على الفرصة الجميلة دى بجد
من كل قلبى

سلام

عمرو جويلى يقول...

أخى الفاضل
السلام عليكم
لا شكر على واجب
وجعله الله فى ميزان حسناتك
وكل الذين شاركوا فى الحملة
وأشكر حضرتك جداً على إهتمامك
بالحملة التى إنتشرت بفضل الله تعالى
دمت بكل الخير

همس الاحباب يقول...

جزاك الله خيرا
وجعله فى ميزان حسناتك باذن الله
وان شاء الله النتيجة هتكون مرضية
والحمبة ستنجح باذن الله
تحياتى

غير معرف يقول...

السلام عليكم
أشكر حضرتك على زيرتك
ولا شكر على واجب
خالص تقديرى

بيطرية ومش بايدى يقول...

جزاكم الله كل خييييييييير
يارب يارب من قلبى بادعيلك يكتبك مع احباء النبى ف الجنة وتكون جاره كمان
اللهم آآآآآمين
ربنا يقدرك على فعل الخير وينفع بيك امة محمد ويجعلك من عظماء العلماء

اللهم آآآآآآآآآآآآآآآآآآآآمين
واكيد لازم اعرف رد فعلهم ايه على الحملة دى وان قدرت افعل الموضوع عندى ف الكلية ان شاء الله هاعمله

والله المستعان

وجزاكم الله كل الخييييييييييييييير
كله

Nashwa يقول...

ياسيدي انت صاحب الفضل فى توجيهنا جمعيا لهذه الحملة ونحن لم نفعل الا الاستجابة الى الفكرة التى طرحتها لنا والذى يستحق الشكر صاحب هذه الفكرة التى لا نريد من ورائها الا رضا الله سبحانه وتعالى
جزاك الله خيرا وثبتنا واياك والمؤمنين جمعيا على حب الخير وارضاء الله به

صبرني يارب يقول...

الله يكرمك يا طهر فؤادك

ويجعله فى ميزان حسناتك ان شاء ا لله

وبالنسبه لتفاعل الناس

الحقيقه اغلب الناس قالوا هانشارك وكله تمام

ياريت تبقى تيجى تقرا الردود عندي وتشوف الناس قالوا ايه

لان كان فى مقترحات من ناس وانا رديت عليها

ياريت تبقى تشوف تعليق سومه وتعليق استاذ فشكول وردي عليهم

وتقولي رايك

شكرا لك ولربنا اذ اعنا على الخير

ومازلتُ أتعلم يقول...

لا شكر على واجب حضرتك
ده الشكر ليك
وهستمر فى نشر الحملة فى بوستى الجاى
إن شاء الرحمن

شوكولاتة يقول...

دي أول مرة أحس إني وصلت رسالة ن خلال مدونتي حسيت فعلا بأهميتها لنشر الخير
جزاك الله كل خير وجعل ثواب هذه الحملة وكل من شارك فيها وثواب كل من اهتدى على هداها في ميزان حسناتك

اتشرفت بمعرفة حضرتك

موناليزا يقول...

مين ممكن يشوف خير ومايشاركش فيه!!
دى فطرة بداخل كل انسان بغض النظر عن ديانته
ربنا يتقبل منا ومنكم صالح الاعمال
ويجعل هذا العمل خالصاً لوجه

amr imam يقول...

انا تحت امرك وان اة الله اعمل الى ربنا يقدرنى علية
مع فائق احترامى

طهر فؤادك يقول...

السلام عليكم ورحمة الله وبركاتة ,,
جزاكم الله خيرا والمسلمين ياجماعة وياأحبتى فى الله فعلا ... لانى احبكم فى الله وربنا يعلم ... وياجماعة لازم اشكركم لان حديث معلم البشرية وحبيبنا والى فداة نفسنا وابائنا وامهاتنا بيقول علية افضل الصلاة وأذكى التسليم "عن أبي هريرة رضي الله عنه مرفوعا { لا يشكر الله من لا يشكر الناس } إسناد صحيح " ... فلازم اشكركم وكمان اوصلكم حب الناس ليكوا ولمساعدتكم الجميلةوربنا يكرمكوا يارب دايما بالخير وان شاء الله معانا فى حملات تانية بأذن الله وربنا ييسر لينا الامور ودايما متعاونين فى الخير بأذن الله .
- اما عن الرد على صبرنى يارب فى موضوع تعليقاتها فأنا بتابع على قد ماقدر التعليقات وتابعت فعلا ردك على نوسة وبقولك وبطمنك اننا ان شاء الله فى صدد انشاء دليل ودى فكرة مدونة "هكذا علمنى سيدنا محمد صلى الله علية وسلم" لاخى (ابوحازم ) جزاة الله خير وان شاء الله هنعمم فكرة التبرع على كل المستشفيات بالدليل دة بأذن الله بس بنجمع التليفونات والعناوين والطرق السهلة للتبرع ورجاء على كل الى بيتابعنا انة يساعدنا فى كدة عن طريق جمع الى قلنا علية من (تليفونات او طرق تبرع سهلة )علشان نوصلها للناس ان شاء الله .. وياريت نطمن كل الناس ان فكرة الحملة "مدونتك هتنقذ طفلك" دى بذرة وان شاء الله تطرح ثمار كتيرة لحملات تانية بأذن الله وربنا يكرمنا جميعا ويثبتنا والمسلمين على طاعتة وحسن عبادتة اللهم امين امين امين بارب العالمين .

هكذا علمنى سيدنا محمد( صلى الله عليه وسلم) يقول...

السلام عليكم ورحمة الله وبركاته
حياكم الله وبياكم أخوانى واخواتى وجعل الجنة مثواى ومثواكم .
وجزاكم مثله اخى الكريم ووفقك الله لصالح الاعمال وأدعوا الله أن يختم بالباقيات الصالحات أعمالك .

بس انت قلت تعالوا خدوا هديتكم ، فانا جيت وكنت فاكر الصراحة انى هلاقى دعوة منك على عزومة فى مطعم راقى على الخليج فى الويك إند اللى جاى .
وبترك ليك حرية إختيار المطعم
وطبعا انا مش محتاج أقولك ان الجو اتظبط هنا اليومين دول ويبيله عزومة على الخليج .
فى إنتظار الرد هههههههههههههه

طهر فؤادك يقول...

السلام عليكم ورحمة الله وبركاتة ,,,

يعنى اية ويك اند ياابوحازم ؟ هههههه.

هكذا علمنى سيدنا محمد( صلى الله عليه وسلم) يقول...

يعنى يوم الغسيل

المجاهد الصغير يقول...

السلام عليكم
جعله الله فى ميزان حسناتك
و يتقبل الله منا ومنكم
وفقك الله

محمود رياش يقول...

حملة رائعة وانا معاكو دايما
شكرا ليكو
والى الامام دائما


http://mahmoudryash.blogspot.com/
مدونة غمض عينيك .. عن النجاح فى الحياة وتطوير الشخصية

أميرة يقول...

انتو بتعزموا بعض من ورايا ... لا يجوووز
وحلال فيكم اللي بيعملوه فيكم ولادكم :)

مااااااااشي ماشي


محمد هيفهم محمد اللي محمد فاهمه واللي محمد مش فاهمه .. فهمت قصدي؟؟

♥نبع الغرام♥♪≈ يقول...

السلام عليكم ورحمة الله وبركاته
اخى الفاضل

ربنا يجزيك عنا كل الخير ويبارك فيك يارب

انا عملت البوست عندى
وقفلت تعليقاته وجالى تعليقات فى البوست اللى قبله
ههههههههههه

وكمان خليت اختى ريمان صاحبة مدونة ملائكية

عملت نفس البوست

ودا لينك مدونتها
http://malaekya.blogspot.com/

انا وعدت ونفذت
وأسفه على التأخير ويارب التصميم يعجبك
مودى

well يقول...

اتنمى اننا نفكر فى خطوة تانية وتكون عاملية مثل زيارة او عمل تطوعى
واحب اشكرك على جهودك فى الحملة ولكل من ساهم فى انجاح الحملة (واللهم اشفى كل مريض )

طهر فؤادك يقول...

السلام عليكم ورحمة الله وبركاتة ,,,

جزاكم الله خيرا والمسلمين ... وماشاء الله على تفاعلكم وحبكم لفعل الخير .. وكل يوم والله بلاقى جهد ماشاء الله جميل من نشر على مستوى المدونات وكمان من تصميم شعارات زى مدونة (ايناس ) جزاها الله خيرا والمسلمين .. وربنا يتقبل منكم ومنا والمسلمين صالح الاعمال وان شاء الله يكون العمل خالص لوجة الله تعالى .. وانى احبكم فى الله ... والى الامام دايما بفضل الله .

♥نبع الغرام♥♪≈ يقول...

السلام عليكم
اخى الفاضل معلهش انا الحمد لله عملت الصورة ووضعت عليها الشعار

اما بالنسبه انى افتح التعليقات
فأنا زى ما حضرتك قلت دا عمل خالص لوجه الله ومش منتظرة حد يشكرنى على فعل الخير
ويارب الناس كلها تقدر تساعد
وبجد
انا سعيده قوووووووووى بمعرفتى بحضرتك
وهيكون بينا تواصل
وانا تحت امرك فى عمل الخير
مع تحياتى
ايناس

♥نبع الغرام♥♪≈ يقول...

متشكرة قووى على اهتمامك

وجزاك الله كل الخير

ولو محتاج اى شىء
منى لا تبخل انك تطلبه منى
ربنا يقدرنا جميعآ

مودتى

borhom يقول...

السلام عليكم اخى الكريم
جزاك الله خيرا على مجهودك واسأل الله لك ولنا التوفيق ان شاء الله
مع انى لسة جديد فى التدوين ولسة المدونة يتاعتى جديدة ومافيش زورا كتير بس انا نقلت الموضوع لانى هدفى من المدونة انى اعمل خير وان شاء الله يكون فى هذا الموضوع خير
وتقبل تحياتى

ريمان يقول...

السلام عليكم



لا شكر على واجب

ده واجب علينا والله

تحياتى لحضرتك

رحلتنا في الحياة يقول...

جزاكم الله خيرا يارب وربنا يكرمك ويقدركم دايما على عمل الخير

♥نبع الغرام♥♪≈ يقول...

السلام عليكم

اختى ايوشه نقلت منى الموضوع ونشرته بمدونتها

جزاها الله كل الخير وربنا يتقبل منا صالح الاعمال

تحياتى

المجاهد الصغير يقول...

القرضاوي يدعو لجعل الجمعة القادم "يوم غضب" لنصرة الأقصى
ياريت نكون يد واحده ونشارك
التفصيل "موقع امل الامه"

طهر فؤادك يقول...

السلام عليكم ورحمة الله وبركاتة ,,,
ربنا يكرمكوا يارب جميعا والمسلمين اللهم امين ... وتعجز الكلمات على التعبير ومقدرش اقول غير ربنا يكتر من امثالكم ان شاء الله ويبعد عنكم كل سوء اللهم امين والمسلمين ...وياريت كل واحد مشاركش فى الحملة ياريت بس يوجة الناس للمشاركة يبقى جزاة الله كل خير ان شاء الله ...
- اما موضوع المشاركة فى يوم الغضب لنصرة المسجد الاقصى احنا ان شاء الله معاكم بقلبنا وعقلنا واى شئ تطلبوة منا ان شاء الله وجزاكم الله خيرا والمسلمين واحب اشكر "المجاهد الصغير" للتنبية لهذا اليوم جزاها الله خيرا .

rovy يقول...

السلام عليكم اخى الفاضل
وضعت الصوره و اللينك مصاحب لها و اشكرك على دعوتى للمشاركه معكم فى هذا الثواب الكبير .. تقبل الرحمن منا و منكم و جعل اعمالنا خالصة لوجه الله الكريم ..
جزاك الرحمن كل الخير و جعل هذا العمل فى ميزان حسناتك و كل من شارك معكم به ..
تقبل تقديرى و امتنانى
خالص تحياتى

------ يقول...

جزاك الله خيرا

وجعله فى ميزان حسناتك باذن الله

وان شاء الله النتيجة هتكون مرضية

والحمبة ستنجح باذن الله

♥نبع الغرام♥♪≈ يقول...

السلام عليكم

ازيك ياباشا اخبارك ايه يارب تكون بخير اللهم امين يارب العالمين
انا طبعآ يشرفنى وتحت امرك طالما بالخير
واتفضل خدهم ورغم انهم مش قد المقام يعنى والمفروض حضرتك مش تسئذن المدونه بما فيها تحت امر حضرتك
وربنا يجزينا كل الخير
ومعلهش انا حاجبة التعليقات ومش هنشرها اليومين دول لانى اخدة اجازة نونو كده لانى تعبانه شويه
وان شالله اما اكون كويسه هرجع تانى ان شاء الله تعالى
وانا ممكن اعمل لحضرتك شوية تصميمات انهارده على ذوكتب عليهم طهر فؤادك بدل اسمى
ان شاء الله هبتدى فيهم من دلوقتى
بس ممكن تسيب ليا الميل بتاع حضرتك عندى
عشان اول ما اخلصهم ابعتهم لحضرتك
وانا تحت امرك فى اى وقت ودا اللى خلانى ادخل ليك انت مخصوص رغم انى والله ما كنتش ناويه ادخل عند حد اليومين دول
مع العذر
وان شاء الله نشارك معاكم بالحمله
"يوم غضب" لنصرة الأقصى
وهكون اول حد معاكم انا وبعض صديقتى المقربين
منتظرة حضرتك
السلام عليكم ورحمة الله وبركاته
ايناس

rovy يقول...

اشكرك مره اخرى اخى الكريم ..
ان شاء الله سيكون البوست القادم عندى عن الحمله ..
جزاك الرحمن كل الخير و وفقك دائما لما فيه الخير و هدانا جميعا لما فيه الخير دائما ..

خالص التقدير و الامتنان

تحياتى دوما

طهر فؤادك يقول...

السلام عليكم ورحمة الله وبركاتة ,,,,
ربنا يتقبل منكم ومنا والمسلمين صالح الاعمال اللهم امين ... وان شاء الله ربنا يكرمكوا يارب على كل الى بتقدموا ويكون فى ميزان حسناتكوا اللهم امين والمسلمين .. وانا مش هعبر عن رحتى بيكوا بالكلام المرة دى انما بالدعاء ليكوا ان شاء الله :-
---------------------------
'اللهم'
اللهم يا رحمن يا رحيم، يا سميع يا عليم يا غفور يا كريم، إني أسألك بعدد من سجد لك في حرمك المقدس من يوم خلقت الدنيا إلى يوم القيامة. أن تطيل عمر قارئ هذا الدعاء على العمل الصالح،و أن تحفظ أسرته وأحبته، و أن تبارك عمله و تسعد قلبه،و أن تفرج كربه و تيسر أمره، و أن تغفر ذنبه و تطهر نفسه،و أن تبارك سائر أيامه و توفقه لما تحبه و ترضاه عنه اللهم أمين امين امين لجميع المتابعين والمسلمين.
=================================
اما عن عاشقة الاحزان ايناس فربنا يجزيكى خير على الصور الى قدمتيها للحملة والى لسة بتصمميها للحملة ان شاء الله وربنا يتقبل منك يارب بس رجاء يبقى اسم الحملة وكلمة "اتبرع وانت فى بيتك" تبقى من فوق على الصور يبقى جزاكى الله خيرا والمسلمين ومش هنتقل عليكى اكتر من كدة وربنا يجعلة فى ميزان حسناتك اللهم امين والمسلمين .

ليس فقيرا من يحب يقول...

السلام عليكم

اللهم امين

كنت محتاجه للدعاء بتفريج الكرب

وتيسير الامور

ربنا يكرمك يارب يا اخى الفاضل

ويجازيك خيرا يارب ويجعل عملك فى

ميزان حسناتك يارب

تقبل تحياتى

فى حفظ الله

مواطن شووجااع يقول...

أنا أعتذر والله عن عدم الإستجابة الفورية

كنت مشغول جداً والله فمعذرةً

أرجو الإطلاع علي الوضوع أظنه ممكن يفيد

http://moatenshoogaa3.blogspot.com/2009/10/57357.html

حياتى نغم يقول...

السلام عليكم ورحمة الله وبركاته

جزاك الله خير الجزاء وبارك فيكم .

------ يقول...

http://www.demo3-alkamar.blogspot.com/

ربنا يتقبل

ويجزينا واياكم كل خير

اللى موش عارف يتغير يقول...

والله الخير لسه موجود
الحمد لله رب العالمين
يارب .....

akeed يقول...

جزاك الله خيرا اخى الكريم و الدال على الخير كفاعلة دون ن ينقص من اجره شيىء

أميرة يقول...

السلام عليكم ورحمة الله وبركاته

ان شاء الله تكون انت واسرتك بخير ان شاء الله .. دعواتك

بس حبيت القي السلام :)

طهر فؤادك يقول...

السلام عليكم ورحمة الله وبركاتة ,,,
ربنا يكرمكوا يارب بالخير دايما والمسلمين اللهم امين ...
- والفضل لله الى هدانى للفكرة دى والفضل ليكوا بعد ربنا على نشرها ومحدش ياجماعة يشكرنى لان كلة من فضل الله ونشركم الجماعى ... وان شاء الله دايما متعاونيين فى الخير وفى حملات اخرى بأذن الله تعالى ..

اسماء واحلام فى وجدانى يقول...

اخى الفاضل حضرتك وجهت لى الدعوة وانا اعتذر عن تاخيرى فى نشرها لظروف خارجةعنى ولكن باذن الله ستكون منشورة ان لم استطع اليوم فسيكون غدا باذن الله تعالى واعتذر لك مرة اخرى عن التاخير
وربنا يجزايك خير عن كل اللى بتعمله من اجل هذه الحملة