السبت، 31 أكتوبر، 2009

الـــــبـــــروفيل المـــــسروق واللعبة الخبيثة ,,,,,,,


السلام عليكم ورحمة الله وبركاتة ،،،،


الموضوع خطير جداااااااا جداااااااااا ياجماعة بجد ,,,,


الموضوع بدأ انى لقيت حد معلق عندى فى مدونتى ... وانا بفرح بتعليق وتواصل كل واحد لانة كلة خير وفى صالح الموضوع ونصرة للدين ... بس الى حصل كانت لعبة خبيثة وتعليقات ملحدة ولازم اكشفها ليكوا ولكل المتابعين وكل المدونيين الى بيحافظوا على الدين وعلى الرسول صلى الله علية وسلم ...

تفاصيل اللعبة الخبيثة : -


اولا الناس دى بتستغل البروفيل بتاع المدونين الى بيحافظوا على الدين وبينشروا كل ماهو مفيد وفى مصلحة الاسلام والمسلمين والى بيعملوا حملات جميلة لاطفالنا وللمستشفيات وحملات التبرع لكل محتاج ولكل ماهو خير ونصرة للدين ... واللعبة بتبدأ انهم بينشئوا مدونة بيحطوا عليها صور اباحية وصور لاترضى الله ولا الرسول صلى الله علية وسلم وبعد كدة بياخدوا الصورة بتاعة المدون ويعملوا ملف تعريفى او (بروفيل ) طبق الاصل لبروفيل المدون بحيث لما يدخل يعلق فى اى مدونة يكون هو الشخص دة ... ولما تدخل على ملفة او بروفيلة وتدخل بعد كدة على مدونتة تلاقى مدونة تانية خالص بصورة قبيحة ومخالفة ... وبالتالى لو شخص مايعرفش الانسان دة هيرد الاساء ة بالاساءة وهيدخل ويشتم على مدونة الشخص الاصلية لو علق عندة مرة تانية ويكون الشخص الحقيقى .... يبقى عملوا حاجتين الاولى انهم شوهوا مدونة الانسان الكويس دة الى حريص على دينة ورضاة الله ورسولة والحاجة التانية انهم خلوا المسلمين يشتموا فى بعض والمدونين ميكنش عندهم ثقة فى بعض ........ يااااااااااة فعلا لعبة خبيثة وافكار شيطانية بس الحمد الله المسلمين مترابطين وفهمين كل الالعاب دى والافكار الشيطانية .... وانا قولت لازم اكتب الموضوع دة وبسرعة ولازم ننشرة ياجماعة قبل ماكل مسلم يشتم فى اخوة المسلم .......


*** اما عن الى عملوا العملة دى فالحمد الله اسلامنا ودينا العظيم حثنا على عدم رد الاساءة بالاساءة لان الرسول العظيم الكريم الحليم علمنا كدة وفى حديثة قال : - قال رسول الله صلى الله علية وسلم " ليس المؤمن بالطعان ولا باللعان ولا بالفاحش ولابالبذئ " ...


صدقت يارسول الله فيما قولت وفداك ابى وامى ونفسى قبلكما ياحبيبى يارسول الله ...... وكل الى هنقولة للناس دى
" حسبى الله ونعم الوكيل "
"وفوضنا امركما الى الله " .
تحديث فى 1 / 11 / 09 :- طريقة جديدة ياجماعة خلوا بالكوا شفتها وتتبعتها وقولت لازم اقولكوا علشان تعرفوها وتاخدوا بالكوا .... من ان واحد من الاشخاص الى انتحل شخصيتة الشخص دة الى اتكلمنا علية والله يهدية اللهم امين والمسلمين ... بدأ يدخل المدونات وينبة الناس ان واحد منتحل شخصيتة وصورتة والبروفيل بتاعة وحط لينك مدونتة الاصلية .... فتخيلوا عمل اية بقى المنتحل المتتبع للمدونين دة راح واخد كل كلامة ودخل بالبروفيل المزور وبدأ يحط الكلام دة على المدونات بحيث الناس تدخل على البروفيل ويأكد الكلام السئ والظن السوء على المدون المحترم دة .... فياريت ياجماعة نخلى بالنا من كل الاساليب دى وربنا يحميكوا من كل سوء اللهم امين .... وان شاء الله اى جديد ربنا ينور بصيرتنا ونكشفة بأذن الله لنصرة الاسلام والمسلمين اللهم امين .

هناك 25 تعليقًا:

Nashwa يقول...

السلام عليكم ورحمة الله وبركاته
احزنني كثيرا التعليقات السيئة التى تمت كتابتها فى المدونة ولكن لان ديننا لم يأمرنا برد الاساءة بالاساءة فخير الرد على هذه التعليقات ما فعلته يا سيدي بتوضيح ماوراء ذلك فى موضوعك
وجزالك الله خيراونصرنا على اعدائه
وحسبي الله ونعم الوكيل

nana يقول...

السلام عليكم ورحمه الله وبركاته
جزاك الله خير على التنويه والتحذير بالنسبه لاصحاب المدونات وحتى بالنسبه للى بيدخلو يعلقوا علاشن اللى حصل كان هيشوه صورة فكرة موضوع المدونات خالص كمان كله كان هيفهم غلط لانى دخلت وشوفت التعليقات كانت فى منتهى الاساءة لكن بصراحه مش شفت ايه اللى داخل المدونات علاشن وحده اختى فى الله نصحتنى بده ربنا يارب يكرمها ويجزيها خير وانا كمان بقول لاى وحده من البنات ولا حتى من المعلقين لو التعليق فى اساءة بلاش ندخل اى مدونه مش كويسه لانى بيبقى واضح ايه اللى فيها من التعليق وربنا يارب يهدي جميع عباده المسلمين ويشرح صدرهم للاسلام ويرد كيد غير المسلمين امين يارب العالمين

اللؤلؤة يقول...

السلام عليكم
أخى الفاضل
جزاك الله خيراً على هذا التنويه
المهم جداً حتى نحذر منهم ولا نقع
فى المحظوركأن نتبادل الشتائم مع
بعضنا البعض أو معهم
والله المنتقم الجبار
خالص تقديرى

الأحــــــ إيناس ــــــزان يقول...

السلام عليكم ورحمة الله وبركاته

بجد انا مبسوطه منك قووى
لان انا كمان بعانى من المشكله دى

وششفت حاجات تخدش الحياء وصور فظيعه

ربنا ينتقم منهم اشد الانتقام
وحسبى الله ونعمه الوكيل


انا كنت ناوية اعمل بوست
بس اهو جه لحد عندى
ربنا يكرمك
وانا هاخده وهنشرة عندى على طول
جزاك الله عنا كل الخير
مودتى

7annen يقول...

حسبى الله ونعمه الوكيل فيهم

بعد اذنك انا هنشر البوست فى طيور الجنه الاسلاميه

علشان الناس لازم تاخد بالها كويس

طهر فؤادك يقول...

السلام عليكم ورحمة الله وبركاتة ,,,

جزاكم الله خير على تفاعلكم وفهمكم للعبة دى وربنا ان شاء الله ينصرنا عليهم اللهم امين ... والموضوع موضوعكوا ياجماعة محدش يستأذن فى نقل الموضوع لاننا ايد واحدة فى الخير ان شاء الله ... وانا بترجاكم تنقلوة وتعرفوا اى حد والله المستعان والمنتقم ان شاء الله .

ميمي وأحمد يقول...

اقرا الموضوع ده مهم جدا

ميمي وأحمد يقول...

اقري الموضوع ده مهم جدا

جزاك الله خير

israaaboelghit يقول...

جزاك الله اخي الفاضل فعلا موضوع مهم جدا
وخصوصا انه كثر هؤلاء الحاقدين على الاسلام
واللذين يموتون غيظا عندما يجدون مدون محترم يحترم دينه وقيمه واخلاقه وقلمه
وقد حدث هذا الموقف من حاقد على الاسلام عندما وجد المدون طه ينشر قيمة الصلاة على النبي فدله شيطانه وقلبه الاسود على تشويه صورته
حسبنـ اللـه ـــا ونعم الوكيل فيهم
وسينتشر الاسلام بالقول والعمل والتدوين لانه دين الله دين الحق

المجاهد الصغير يقول...

السلام عليكم
حسبنا الله ونعم الوكيل
بختارو المدونات المحترمه كمان
جسبنا الله ونعم الوكيل
جزاكم الله خيرا
وفقك الله

موناليزا يقول...

للدرجة دى الناس بقى عندها فراغ عقلى
حسبى الله ونعم الوكيل بجد فى كل هؤلاء
-----
ملحوظة: كلمة حثنا ديننا فيها غلطة مطبعية فقد كتبت"حسنا"
فنرجو التصحيح:)

الشجرة الأم يقول...

السلام عليكم ..

أنا أول مرة أسمع عن الخبر ده في لهذه الدرجة ناس نفوسهم مريضة وفاضين.

جزاك الله خير الجزاء ونفع بك الأمة الإسلامية العربية.

سمسمه يقول...

جزاك الله خيرا على التفعيل
اللهم من اراد بنا وبالمسلمين سوءا فاجعل كيده فى نحره

كلمات من نور يقول...

سبحان الله

اللعبة دي كانت بتتلعب في مجموعات الياهوو البريدية وحتى و المشرفين بيتحكموا في الرسائل كنا بنجد الأعضاء يشكون من رسائل خارجة عن كل حدود الأخلاق تصل إلى الأعضاء ومن أعضاء مميزين

حتى أنا لم أكن أسلم من هذا فأجد المئات يرسلون لي على الخاص : يا أم البنين ( وهذا اسم شهرتي في المجموعات البريدية ) يصلنا منك رسائل ووووو

ولكن سبحان الله ربي لا يرضى للباطل بقاء

ولله الأمر من قبل ومن بعد وربي يقدرنا على الخير دوما

همسة ايمان يقول...

ياااه بجد حاجة صعبه اوى

انا اول مرة اعرفها من حضرتك

لاحول ولاقوة الا بالله جزاك الله خيرا

للتنبيه..وان شاء الله نحاول ننشر الموضوع

وربنا يهدى الجميع يارب

طهر فؤادك يقول...

السلام عليكم ورحمة الله وبركاتة ,,,

جزاكم الله خيرا والمسلمين ... الحمد الله ان فية وعى وايجابية على الموضوع دة ودة المتوقع من مسلمين ايجابين ماشاء الله عليهم بيحافظوا على دينهم وعلى رسولهم صلى الله علية وسلم ... لانة فعلا لعبة صممت ونفذت ضد الاسلام والمسلمين بس الحمد الله ربنا كشفهم على طول وفى وقت قياسى بفضل الله .... فخلوا بالكوا الله يكرمكوا من الاساليب دى وربنا يحميكوا يارب من كل شر اللهم امين والمسلمين ...

حنان ورده يقول...

والله انا لقيت اليوم الصباح في مدونتي تعليقين ورا بعض والاسم والصوره وحده بس التعليقين واحد بيحذر من واحد
ووووووووكلام ماينقال
لكن حسبنا الله ونعم الوكيل
صاحب تلك المدونه الشنيعه والتعليقات السيئه اسأل الله العلي العظيم ان يشل يديه فمن المستحيييييييييييل ان يكون مسلم ابدا ابدا

ضحكات الحياة يقول...

السلام عليكم

هنقول ايه عليهم غير انا احنا ندعي عليهم
حسبي الله و نعم الوكيل

الواحد مكنش متخيل ان ممكن في ناس تعمل كده علشان تسيئ للاسلام و توقع المسلمين مع بعض في الغلط

بس الحمد لله ان هدانا و الهمنا الصواب و العقل

فانه فعلا شيئ محزن ان الواحد يلاقي حاجة زي كده

فداك أبي و أمي و نفسي يا رسول الله

و جزاك الله خيرا علي التحذير و ان شاء الله كله خير لينا الوقف ده هيعلمنا ازاي نقف مع بعض و نكون وحده واحده في اتجاه هؤلاء الملاعين

طالبه الفردوس يقول...

السلام عليكم ورحمه الله وبركاته

جزاكم الله كل خير على نشر هذا الموضوع

وهذه الحيل الوهنه انما تدل على قله حيله اعداء الاسلام وحقدهم وغيرتهم من المسلمين
لا اعلم لماذا يهتموا كل هذا الاهتمام بالاسلام ان لم يرغبوا فيه
سبحان ربى

ولكن هذه الاحداث لا تزيدنا الا قوه وهى كالتوابل على الطعام تشعرنا بلذه ديننا وحبنا للاسلام وحميتنا للدفاع عنه

ساقوم بنشر الموضوع ان شاء الله وجزاكم الله خيرا

فشكووول يقول...

السلام عليكم

حصل عندى الكلام ده ولقيت مدونه محترمه نازله شتيمه فى الرسول وفى فشكول وفى المسلمين كلهم بالفاظ تخدش الحياء .. واستغربت من اسم المدونه الطاهر والافعال الغير طاهره .. قمت رحت عنده لقيت حاجه اعوذ بالله من الشيطان الرجيم .. من ستر ربنا انى كنت حاطط اسم المدونه دى عندى فى الليدر قمت رحت لها من الريدر ولقيت المدونه الاصليه المحترمه .. وبعدين قمت شطبت التعليق الشيطانى اللى عندى وطبعا ما رحتش ولا رديت على المدونه قليلة الادب عشان هو فاضى للشتيمه وقلة الادب وكفى الله المؤمنين القتال

تحياتى

تأثير الفراشة يقول...

لا حول و لا قوة إلا بالله

الموضوع فعلا خطير و الحمد لله إنه تم اكتشافه

ربنا يحفظنا جميعا و ينصر الإسلام و المسلمين فى كل مكان يارب العالمين

جزاك الله خيرا على التنويه

محمد الشايب يقول...

حقا هذا امر قد فاح نتنه وانا لله وانا اليه راجعون
تقبل مروري

~PakKaramu~ يقول...

Pak Karamu visiting your blog

singamaraja يقول...

Singamaraja visiting your blog

ghorBty يقول...

لا حول ولا قوة الا بالله

عقول بشر امـ عقول شياطين

علي العموم

( من عمل صالحاً فلنفسه ومن اساء فعليها )