السبت، 12 فبراير، 2011

(عــــــــظيمة يامــــــــصر...) ,,,,

السلام عليكم ورحمة الله وبركاتة ,,,,
اخباركم اية ,,,,
- اولا وابدأ اى كلمة نقرأ" الفاتحة " على ارواح شهدائنا واهدائها لهم .... وتعظيم سلام ليهم زى ماعمل قائد جيشنا الجميل العظيم الى هو منا واحنا منة.... واقول لشهدائنا الى هما " الورد الى اتفتح فى جناين مصر" والى اتقطف قبل الاوان ولكن الورد الى بيتقطف بيموت لكن الورد دة عمرة ماهيموت وهنفتكرهم دايما بالخير والحب والانحناء والاجلال وكمان مش هيموتوا لانهم شهداء كما قال تعالى "ولا تحسبن الذين قتلوا في سبيل الله أمواتا بل أحياء عند ربهم يرزقون فرحين بما آتاهم الله من فضله ويستبشرون بالذين لم يلحقوا بهم من خلفهم ألا خوف عليهم ولا هم يحزنون يستبشرون بنعمة من الله وفضل وأن الله لا يضيع أجر المؤمنين " .... فاالتحية الكبيرة لشباب مصر ورجالة مصر ونساء مصر واطفال مصر وكل المصريين وان شاء الله بداية جديدة مش نهاية لاننا ربنا كرمنا وحاربنا الفساد والمفسدين ومش عاوزين شماتة ولا نشتم فى حد لان حسابهم عند ربنا وكمان لان اخلاقنا ودينا بيدعونا لكدة ... ولكن الى عمل غلط لازم يتحاسب والقصاص القصاص سواء فى الدنيا والحساب عند ربنا فى الاخرة ان شاء الله ...كما قال رسولنا العظيم:-"إنما أهلك الذين من قبلكم أنهم كانوا إذا سرق فيهم الشريف تركوه ، وإذا سرق فيهم الضعيف أقاموا عليه الحد ، وايم الله : لو أن فاطمة بنت محمد سرقت لقطعت يدها " صدقت يارسولنا العظيم فيما قولت وانا كنت محضر حاجات كتير اتكلم فيها بس فعلا الفرحة خلتنى مش قادر اعبر ولا لاقى كلام ابلغ من الصورة الى شيفنها الى بتعبر عنا وعن المستقبل الى جاى ان شاء الله بالخير وانا سعيد لانى شاب فى الجيل دة الى اثبت ان شباب مصر لسة بخير وكفاية ان شباب مصر الطاهر الى خرج ودافع عن حقة فى استرداد كرامة مصر ومحاربة الفاسدين اثبت للعالم كلة انة اطهروانقىشباب والى كان بيتقال علية قبل كدة من انة بلا طموح ولا هدف وشباب متحرش والاثبات ان كان فى الثورة الملايين فى القاهرة واضعاعفهم فى المحافظات ولا توجد حالة تحرش واحدة لان الشباب بقى عندة هدف وطموح وحارس امين على الممتلكات العامة قبل الخاصة وانا افخر وبكرر انى فخوربأنى شاب من شباب الجيل دة وان شاء الله هنعمر مصر من تانى وربنا معانا لان النوايا خير ....
واخر كلامى "بقول لاتدمعى ياام الشهيد لان شباب مصر كلهم اولادك "

هناك 9 تعليقات:

كلمات من نور يقول...

تحية إلى ارواح الشهداء التي تحلق في سمائنا فرحة فخورة بنا

تحية إلى كل أهالي الشهداء الذين ارتفع صوتهم مزغردين بالأمس فرحين بنصر مصر ولو بالتضحية بهم

تحية إلى مصررررررررررررر

الحياة الطيبة يقول...

وعليكم السلام ورحمة الله وبركاته ألف مبروك لمصر عهدها الجديد ,حفظها الله من كل سوء ,تحياتي .

Nashwa يقول...

مبروووووووك
لمصر ولشباب مصر كلهم ولينا وفرحة مصر مهداه لارواح شهدائها اللى كانوا سبب فيها وربنا يجعل اللي جاي احسن ومصر تفضل بخير دايما ان شاء الله

nana يقول...

السلام عليكم ورحمه الله وبركاته
اخى فى الله طبعا تحيه جليه لارواح الشهداء ولكل حرب خسائر وربنا يرحمهم ويجعل مصر امنه
احترمت كلامك اننا مش لازم نشمت فى حدوربنا بيحاسب احناعلى فكرة كتير منا اشترك فى الظلم اللى حصل مين منا مش دفع فى مصلحه عشان يمشى وسكت على مدير ظالم او مسئول اعلى منه بس فى النهايه بقول ربنا يحفظ مصر ام الدنيا ويحميها يااااااارب من كل سوء ومن كل من ارد بها السوء وجزاك الله خير وياااااارب يفحر المسلمين والمصرين فى كل مكان

carmen يقول...

الحمدلله ربنا يكملها علي خير وربنا يبارك فيهم

المجاهد الصغير يقول...

السلام عليكم
مساء الحريه والكرامه
مبروووووووووووووووك لمصر
وحبايب مصر
الفتره الى جيه لزم لما يرجعو فلوس البلد للبلد نعمل بيها مصانع ونشغل الشباب ونصنع سلع مصريه لتنهض البلد ومانكتبش عليها صنع فى مصر نكتب عليها بنحبك يا مصر

غير معرف يقول...

ك جديد ، وأنا دائما البحث على الانترنت عن المواد التي يمكن أن تساعدني. شكرا لكم نجاح باهر! شكرا لك! أردت دائما أن أكتب شيئا في موقعي من هذا القبيل. يمكن لي أن أعتبر جزءا من مشاركتك لبلدي بلوق؟

مرايتى يقول...

مبرووووووووووووووووك علينا بلدنا من تانى

وربنا يتغمد شهدائنا بواسع رحمته

إن شاء الله بكره مصر حتتغير بإدينا إحنا إلى غيرنا واحنا إلى حنعمر ونكمل المسيره إن شاء الله

مبرووووووووك علينا بلدنا
وشكرا يا شباب أم الدنيا

طهر فؤادك يقول...

السلام عليكم ورحمة الله وبركاتة

ربنا يكرمكم جميعا والمسلمين وربنا يتقبل منا ومنكم صالح الاعمال ...

عظيمة يامصر فعلا بشعبها ومبادئها وبتكاتفها وكل حاجة فيهاااا بتعبر ان الشعب دة من اعظم الشعوب ومن خير اجناد الارض ... فعظيمة ياامصر عظيمة يامصر ...

اما عن التعلق الى يخص (غير معرف ) فاحب اقول لكل احبائى واخواتى فى الله اى مادة انتم تحبوا تخدوها من المدونة هى تحت امركم لان المدونة مش تخصنى لوحدى لكن تخص كل المتابعين والمحبين ...

وتحياتى

وبارك الله فيكم واستودعكم الله الذى لاتضيع ودائعة ..