الاثنين، 22 مارس، 2010

تنبية هاام : احذروا من هذة الماركة .. الماركة تعنى " كافر" ,,,

السلام عليكم ورحمة الله وبركاتة ,,,,
-ابدأ كلامى اولا بالدعاء ليكم وربنا يارب يتقبل اللهم امين ... ربنا يارب يكرمكم بالخير ويبعد عنكم كل سوء ويتقبل منكم ومنا والمسلمين صالح الاعمال اللهم امين ...."واسال الله لكم رزق مريم وقصر اسيا وتقوي عائشة وقلب خديجه ورفقه فاطمة" اللهم امين والمسلمين اجمعين .
- وتانى حاجة بقول لمدونتى مرت سنة على انشائك بفضل الله وكرمة وانا سعيد بالمدونة دى علشان هى فتحة خير علية الحمد الله رب العالمين وبتمنى من الله انها تكون اضافت ليكم ولو معلومة صغيرة لاحبائى فى الله واصدقائى المتابعين ليها ... وكفاية انها خلتنى اتواصل بمسلمين متفتحين زيكوا وبارك الله فيكم وربنا يتقبل منا ومنكم والمسلمين صالح الاعمال .
- والنقطة الاخيرة قبل ماندخل فى الموضوع الخطير بتاع النهاردة بقول ليكم جميعا ربنا يباركلكم يارب فى صحتكم وعافيتكم وخيركم اللهم امين والمسلمين ... واحب اشكركم اسوة بالحبيب المصطفى ومعلم البشرية جمعاء سيدنا محمد صلى الله علية وسلم فى هذا الحديث الجميل :-عن أبي هريرة رضي الله عنه مرفوعا { لا يشكر الله من لا يشكرالناس } إسناد صحيح رواه أحمد وأبو داود والترمذي .... ودة علشان تفاعلكم مع حملتنا الجميلة " لا لتهويد المقدسات الاسلامية " وان شاء الله تعالى مستمرين فيها علشان عمرنا ماهننسى مقدساتنا الاسلامية وبأذن الله ربنا هينصرنا على اعداء الدين مهما بعد الزمان اوقصر فأن شاء الله النصر للاسلام والمسلمين بأذن الله تعالى اما اجلا او عاجلا ..

- مـــــــــــــــ وضوع اليوم :- " تنبية هاام : احذروا من هذة الماركة .. الماركة فيها سما كافر" ,,,
- الموضوع جدااا خطير ياجماعة وهو عن ماركة منتشرة بالاسواق العربية والاسلامية وتخيلوا لما يكون على تيشيرتك او كابك او مجك اوعربيتك او اى حاجة بتستعملها كلمة " infidel" وتعرفوا معنى الكلمة دى اية ياجماعة لو حد عندة قاموس او يروح يترجمها على صفحة جوجل هتلاقى معناها " كافر او ملحد او كفرى " ياجماعة حاجة فعلا فظيعة والماركة منتشرة بس دة برضوا مش موضوعنا اننا نتكلم عن ماركة بعينها او حاجة محددة ولكن موضوعنا اننا نتحرى الدقة شوية ياجماعة فى اختيار الحاجة الى تناسبنا فى ملبسنا ومأكلنا ومشربنا وفى كل حاجة فى حياتنا ... وفاكرين لما اتكلمنا عن الحجاب فى موضوع سابق وكان عنوانة "صححى حجابك تسعدى بحياتك " ودة كان للنساء المسلمات وقصدنا بالموضوع دة برضوا الملبس وتصحيح الحجاب ... برضوا فى الموضوع دة عاوزين نقصد شريحة الرجال او شباب المسلمين ... يعنى مش معقول مااااشى فى الشارع ولابس كلمة "كافر " او اى عبارة مسيئة او راسمة خادشة للحياء وانت بتدخل مسجد او بتمشى فى الشارع او فى اى حتة ... فياريت نراعى ياجماعة النقطة دى ربنا يكرمكوا ويكرمنا جميعا سويا اللهم امين .. يعنى مثلا ياشباب كنت فى مسجد من يومين وكان فية واحد قدامى بيصلى لابس تيشيرت علية راسمة خادشة جدااا للحياء وتخيل انت مكانة وربنا بيشوفك فى الوضع دة وانت فى بيت الله وهسأل سؤال يعنى لو انت رحت فى مقابلة شخصية مثلا لشركة كبيرة " طبعا لله المثل الاعلى " ياترى هتروح لابس التيشيرت دة ولا هتكون لابس بدلة وكرفتة وفى كامل هيئتك علشان المدير يوافق على تعيينك ياريت نفكر فى النقطة دى كويس ياجماعة ونكون دايما بنراعى ربنا فى كل تصرفاتنا واقولنا وملبسنا وكل حاجة وربنا يتقبل منكم ان شاء الله ويثبتكم على طاعة الله وحسن عبادتة .
- وأسوة برسولنا العظيم صلى الله علية وسلم وهدية عند لبس الجديد "كان صلى الله عليه وسلم إذا استجد ثوبا سماه باسمه عمامة أو قميصا أو رداء ثم يقول اللهم لك الحمد أنت كسوتنيه أسألك خيره وخير ما صنع له وأعوذ بك من شره وشر ما صنع له الراوي: - المحدث: ابن القيم - المصدر: زاد المعاد - الصفحة أو الرقم: 2/345خلاصة حكم المحدث: صحيح "

-هطرح سؤال وهنجاوب علية مع بعض ان شاء الله ياترى اية مواصفات ملبس الرجل ؟؟؟؟

فاللباس الشرعي بالنسبة للرجل يشترط فيه:

1- أن يكون ساتراً ما بين السرة والركبة

2- أن لا يكون شفافاً بحيث تبدو بشرة العورة تحته بدون تأمل

3- أن لا يكون ضيقاً بحيث يصف أعضاء العورة

4- أن لا يكون فيه تشبه بالنساء.

5- أن لا يكون فيه تشبه بالكفار.

- شفتوا ياجماعة النقط المهمة دى ياريت نتبعهاااا فى اختيار الملبس ونركز عليها جدا فى اختيارتنا بعد كدة بأذن الله تعالى ... وصدعتكوا معلش بس الموضوع جداا خطير فقولت لازم التنبية وربنا يجزيكوا خير على قرائتكوا للموضوع .

اللهم قد بلغت اللهم فاشهد .....

هناك 18 تعليقًا:

nana يقول...

السلام عليكم ورحمه الله وبركاته
اولا كل يوم وانت طيب لمدونك الرائعه
واذا كنا استفدنا فاستفدنا منها الكثير فهى زهرة فواحه وسط بستان المدونات رائعه بكل ما هو جديدفيها من مواضيع وان شاء الرحمن دائما فى تقدم باذن الله وجزاك الله خير
اما عن موضوعاقتناء الشباب واو لبسهم لاى موضه فهو سائد ومنتشر وبدون وعى ويارب كل مسلم يفكر فعلا هو بيلبس ايه او ايه اللى مكتوب على التشيرت الخاص بيه او على اى شىء يقتنيه
اللهم ما ابعد عنا السوء وكل ما هو يسىء للاسلام اللهم ما امين

Nashwa يقول...

السلام عليكم ورحمة الله وبركاته
كل سنة وانت طيب والمدونة دائما فى تقدم احسن واحسن وموضوعاتك اكبر واقوى واكثر تأثيرا باذن الله فى كل ما يرضى الله ورسوله صلى الله عليه وسلم
وجزاك الله خيرا على توضيح معنى للماركة لان الكثير منا لايعلم ذلك بالتاكيد
بارك الله فيك وجعل المدونة سببا فى التغيير للافضل دائما
تحياتي

الحياة الطيبة يقول...

السلام عليكم ورحمة الله :قد بلغت وأشكرك على هذا التوضيح أنار الله قلبك وبصرك أكثر كما أنرت ووضحت شيئ لم نعرفه ,وبارك الله لك في كل لحظة من حياتك وثبتك على هذا الطريق ,ياريت كل شباب المسلمين تكون لهم تلك النفس الغيورة على الدين ,أشكرك ثانية جمعك الله بصاحب اسم مدونتك (حبيبنا محمد صلى الله عليه وسلم ).

عمرو جويلى يقول...

السلام عليكم
جزاك الله خيراً على هذا
التنبيه وهذه الدعوة
خالص تقديرى

كلمات من نور يقول...

السلام عليكم ورحمة الله وبركاته

ازيك يا أخي ؟ أسأل الله لك دوام هذا العمل الصالح في مدونتك الكريمة و يجعلها في ميزان حسناتك ...

أما عن هذا الموضوع فمع الأسف مش بس الماركة دي لا داه فيه ملابس عليها كتابات تصيبك بالإغماء أو الصدمة والله والشباب فاكر إنه روش وشيك ويجاري الموضة ...ربي يعينا ويجعلنا نحاول تصويب اخطاء لا حصر لها أصابت أمتنا الإسلامية ......آمين

جزاك الله خيرا يا أخي

الزهرة البرية يقول...

السلام عليكم ورحمة الله وبركاته

جزاك الله كل الخير وربنا يجعله فى ميزان حسناتك

الموضوع بجد شائك شبابنا بيدور على الموضة بدون تفكير ويمكن أكتر حاجة بتخليهم يقبلوا على النوع ده من الملابس شهرة الماركة شبابنا طيب جدا مش بيفكر بيقلد تقليد أعمى ربنا يهديهم يارب

دمت بكل الخير والسعادة

تحياتى لمجهوداتك

Joudy

Hossam يقول...

تستحق ان ارفع القبعة عل المضووع الرائع بجد
مضووع جميل جدا
خصوصا عرفنى مواضيع عمرى مسمعت عنها
always for forward
c ya
bye bye

ريمان يقول...

السلام عليكم

بجد ربنا يجازيك الف خير على التنبيه ده


بجد انا مش عارفه ايه لزومه انهم يعملوا الماركات بالمعانى دى

نفسى اعرف هيستفيدوا ايه

حسبى الله ونعم الوكيل فيهم

مره تانيه بشكرك اخى

وعقبال يا رب ما تفضل معانا فى التدوين طول العمر ان شاء الله

طهر فؤادك يقول...

السلام عليكم ورحمة الله وبركاتة ..

ربنا يكرمكوا جميعا يارب والمسلمين ويتقبل منكم ومنا والمسلمين صالح الاعمال اللهم امين .. "اللهم أنت أعلم مني بنفسي وأنا أعلم بنفسي منهم، اللهم اجعلني خيرا مما يظنون واغفر لي ما لا يعلمون ولا تؤاخذني بما يقولون". اللهم امين والمسلمين ...

ودايما ان شاء الله مستمرين معا بأذن الله فى اخوة ومحبة وفى صالح الاسلام والمسلمين اللهم امين ..

زهرة(جنى)الاسلام يقول...

السلام عليكم
هذا اول مرور لى ولاكن مدونة رائعة
جزاك الله خيرا على هذا البوست الرائع

هبة النيـــــل يقول...

اللهم لا حول ولا قوة إلا بالله

جزاكم الله الخير كله

ونفع بكم

حقا لم أكن أعلم

هبة النيـــــل يقول...

وكل سنة والمدونة بألف خير :)

هكذا علمنى سيدنا محمد( صلى الله عليه وسلم) يقول...

السلام عليكم ورحمة الله وبركاته
حياك الله وبياك أخى الكريم
جزاك الله خيرا على المدونة وإن شاء الله دائما وأبدا فى طاعة الله عز وجل .
- جميلة اوى التذكرة دى لإنك لمست واقع كلنا بنعيشه وبنشوفه فى ملابس الرجال فى هذه الايام ، وياريت ناخد بالنا من موضوع رجال دى اوى ، لإن بصراحة الواحد بأه بيشوف لبس غريب أوى فى تقليد اعمى للغرب وخلاص.

- ودا بياخدنى لنقطة مهمة اوى فى أسباب هذه الظاهرة وهى التقليد الأعمى ودا أكيد جاى من غياب القدوة أو أقدر أقول تغييبها عن النشء ، الإعلام بأه دوره غريييييييب أوى فى الموضوع دا ، انا مش بتكلم عن كل الإعلام ، انا بتكلم عن القنوات اللى أأقدر أقول لا تمت للدين بأى صلة واللى عمالة تنشر سمومها فى شباب وبنات المسلمين ومتعمدة تعملهم حالة سبات عميق .
ربنا يرحمنا جميعا برحمته وجزاك الله خيرا على هذه التذكرة
دمت فى أمان الله

طهر فؤادك يقول...

السلام عليكم ورحمة الله وبركاتة

ربنا يكرمكم يارب يااجماعة وينفع بية وبيكم وبالمسلمين اجمعين اللهم امين ..

- وربنا يجزيكوا كل الخير على تفاعلكم وحماسكم ومشاركتكم فى الموضوع بحماس الغيور على دينة وعلى شباب امتة ... وجميل احساسكم دة وربنا يتقبل منكم ويكون فى ميزان حسناتكم بأذن الله تعالى وان شاء الله فى تقدم مستمر فى رفعة الاسلام والمسلمين اللهم امين .

أم مالك يقول...

الابن الفاضل محمد
جزاك الله كل خير لسؤالك الدائم
ربنا يبارك فيك ياابنى وفى مدونتك
ويجعل ماتقوم به فى ميزان حسناتك
تحياتى

مرايتى يقول...

السلام عليكم ورحمة الله وبركاته

جزاك الله خيرا ونفع بك وجعله فى ميزان حسناتك

إمرأه من ثلج يقول...

سلام عليكم
تحياتى من أعماق قلبى للمدونة المتميزة والهادفة دى

وفعلافى كتير من لبسنا بيكون علية كلمات تبقى على نفس النمط الى حضرتك قولتة او غيرها
علشان كدة لو حصل ةاشترينا هدوم عليها كلام انجليزى نحاول نعرف معناة الاول قبل لما نشترية

مع تحياتى

سعيد بكر يقول...

مبارك مرور عام على انطلاق مدونتك. ارجو لك و لها مزيداً من التقدم و النفع إن شاء الله.