الخميس، 3 ديسمبر 2009

اجمل واعظم رحلة فى حياتى ارد بها على اعداء الدين ,,,,


السلام عليكم ورحمة الله وبركاتة ,,,

اخباركم اية ياأحبتى واخوانى واخواتى فى الله ...

اولا قبل مابدأ كلامى بقولكوا اولا " كل سنة وانتم طيبين وبخير وسعادة وايمان وتقوى دايما يارب العالمين " وحشتونى جداا جداا جداا واسف على كل من عيد علية بكلمة جميلة او تعليق رقيق وجميل ومش رديت علية لانى كنت مسافر فى رحلة جميلة وعظيمة واحلى واجمل رحلة فى حياتى ومش هتيجى قبلها ولا بعدها فى حلاوتها وروحانيتها وعظمتها اكيد ان شاء الله ... وربنا يتقبل منا ومنكم والمسلمين صالح الاعمال وطبعا عرفتوا الرحلة دى طبعا من الكلام ومن الصورة الى شفتوها والفيديو ... اما جمال الرحلة دى وعظمتها وذادت اكتر عظمة وحلاوة لانى كنت شاهد عيان السنة دة على الحدث الرائع البديع دة الى بيحصل كل سنة وكمان علشان ارد على اعداء الدين ومن شككوا فى ان الحجاج هيكونوا عددهم قليل وكمان شفت قبل الحج على اليوتيوب فيديوهات تحمل اسامى بالمعنى دة مثلا زى " انفلونزا الخنازير غلبت المسلمين " " الانفلونزا غلبت الاسلام والمسلمين " وجاى النهاردة بعد الرحلة العظيمة دى ارد عليهم واقول الحمد الله المسلمين اقوياء وايمانهم بالله قوى مع الاخذ بالاسباب طبعا وافتكرت الاية الكريمة :-( وإذ يمكر بك الذين كفروا ليثبتوك أو يقتلوك أو يخرجوك ويمكرون ويمكر الله والله خير الماكرين [ الأنفال : 30 ]. وربنا رد كيدهم فى نحرهم والحمد الله وموسم الحج السنة دى من ازحم المواسم وانا شاهد عيان على كدة لان ماشاء الله المناسك كلها الازدحام فيها ماشاء الله رهيب وشديد بداية من الكعبة الشريفة ومرور بعرفات ومسجد نمرة ثم المزدلفة " وعلى فكرة احنا مشينا من عرفات الى المزدلفة وماشاء الله الازدحام رهيب ومهيب ومش تعرف تشوف اول الشارع من اخرة من الحجيج واللون الابيض الجميل الرائع الى بيغطى جنبات المكان وربنا يوعدكوا ان شاء الله ويوعدنا معاكوا للمرة التانية بأذن الله وبعد كدة رحنا الى مزدلفة ومش هقولكوا منطقة مزدلفة لا مكان فيها لقدم من الاذحام حتى الجبل ملئ بالناس من قاعدتة الى اعلى "سبحان الله واللهم اعز الاسلام والمسلمين والله حاجة تفرح مااشاء الله " ... وبعد كدة فى منى ورمى الجمرات ... يعنى مش هقولقوا مع الازدحام دة فرحة الناس عاملة ازاى ومفيش حد مضايق بالعكس فية فرح وسكينة وحب ماشاء الله جميل وخوف على النساء والاطفال وكبار السن وحالة جميلة من العطف والمودة والرحمة مش عارف اوصفها ازاى من جمال اللحظات دى وعلشان تعيشوا معاية اللحظات دى جبتلكوا شوية صور وفيديو حية لموسم حج 2009 و يارب تعجبكوا ان شاء الله وكل سنة وانتم طيبين وياريت اعداء الدين والمشككين يخلهوهم فى حالهم وربنا يهديهم للاسلام اللهم امين الدين العظيم الجميل الرائع الى مش هيلاقوا دين غيرة فى عظمتة وقدسيتة ومكانتة وعطفة على من ينتمون الية واليكم الصور والفيديو علشان تفتخروا بدينكوا وبعظمتة والمسلمين والاسلام وكل ماهو يحثنا على التمسك بديننا الكريم وبرسولنا العظيم سيدنا محمد صلى الله علية وسلم : --


هناك 23 تعليقًا:

غير معرف يقول...

اللهم لك الحمد على رجوكم بسلامة الله
تقبل الله منكم وجعله فى ميزان حسناتكم طمنى محمد على وصولكم
ورجوعكم ربنا يرزقنا واياكم من تكرار هذه الرحلة المباركة واللى الواحد
مهما وصف فيها وشعور المتعة بها لايستطيع جزاك الله خير لتوضيح الصورة لتكون ابلغ رد على اعداء الاسلام

غير معرف يقول...

حمدلله على السلامه
وكل سنه وانت طيب
وتقبل الله منا ومنكم صالح الاعمال

أميرة يقول...

اسعد حاجة حصلتلي من ايام كتيرة
الفيديو اللي انت حاطه والصور

ربنا يعزك يا حاج :) ويتقبل يارب منكم ويوعدنا يااااااااااااااااااااااااااااااااااااااا رب يارب يوعدنا يارب

لو انك كروت بردة زي اخوك :) بس ممكن امشيهالك انت بس علشان خاطر الفيديو دا بجد متعرفش عمل فيا ايه

انا بغبطكم كلكم كلكم كلكم كلكم من اكبر واحد لاصغر واحد
يارب يرزقنا بالنعمة دي يارب

حمد الله علي سلامتك يا محمد و نورت بيتك .. سلملي علي الاولاد :)والسنة الجاية ان شاء الله تاخدهم معاك :)

ريمان يقول...

الف حمد الله ع السلامه


وكل سنه وانت طيب


ما شاء الله



بجد يا بختك والله


عقبالنا


ربنا يتقبل منك يا رب


بجد انا مبسوطه والله اوى ليك

وعقبالى ياااااااااااا رب

مهاجر فى وطنى يقول...

السلام عليكم
اولا حمد الله على السلامه
بجد شوقتينا للزياره
اللهم اكتبها لنا جميعا
تقبلى تحياتى
يشرفنى مرورك

(Joudy) يقول...

حمد الله على سلامتك وحج مبرور وذنب مغفور إن شاء الله تقبل الله منك وعيد سعيد عليك طبعا

ربنا يسعدك دوما ويكرم الجميع بهذه الرحلة المباركة

دمت بكل الخير والسعادة

كلمات من نور يقول...

الله أكبر كبيرا والحمدلله كثيرا وسبحان الله بكرة و أصيلا..

حج مبرور وسعي مشكور وذنب مغفور بإذن الرحمن...

يا ترى دعيت لنا هناك بإننا نكون هناك العام القادم و أن يغفر لنا ما كان منا؟

ويمكرون ويمكر الله والله خير الماكرين ...داه ردي على أعداء الدين دوما يا أخي..ربي يجعل أيامك كلها أعياد

موناليزا يقول...

حمدالله على السلامة
وعقبال كل مشتاق

مرايتى يقول...

حج مبرور وذنب مغفور ان شاء الله
ربنا يتقبل منكم يارب
ويكتبها لنا جميعا
صور وكلمات ووصف رائع لرحلة العمر فعلا
وكل سنه وحضرتك طيب

Nashwa يقول...

السلام عليكم ورحمة الله وبركاته
اولا حمدالله على السلامة
"حج مبرورو وذنب مغفور باذن الله" وكل سنة وانت طيب وبخير دايماوالمسلمين جمعيا
واظن انه من كم الحجاج هذا العام والاقبال من المسلمين على بيت الله الحرام لاداء فريضته هو اكبر رد لمن يظن ان الاسلام من الممكن ان يتاثر بمرض او ذعر ارادوا به تخويف المسلمين جزاك الله خيرا على الصور والفيديو التى تنقل المنظر الرائع للحج،اللهم ارزقنا بهاواكتبها لنا.ويارب تكون لم تنسانا من دعواتك احنا والمسلمين جمعيا .

HUSSAM يقول...

السلام عليكم
ربنا يتقبل منك و يكون خير ليكي في الدنيا و الأخرة يا رب ... أنا عارف أنك مش فاكراني بس حبيت أعلق علي الموضوع ده بالذات علشان فرحت قوي انك سعيده بيه بس مش كنت تقولي علشان اخلي السعودية تستعد لقدومك علي العموم الحمد لله علي السلامة و يا رب تكون ايامك كلها سعادة و خير


حسام

عمرو جويلى يقول...

السلام عليكم
كل عام وأنت بكل خير
وحمداً لله على سلامتك
وتقبل الله منك
اللهم آمييين
خالص تقديرى

well يقول...

ربنا يتقبل منك ....والف مبروووك

وحمد الله على السلامة
تحياتى

Noora يقول...

كل عام وانت بخير وحج مبرور ان شاء الله
وانا كمان السنه قمت باداء فريضة الحج وكانت رحله روحيه ايمانيه عجيبه
اتمنى تدون عنها كثير وتكتب مشاعرك وكل الاشياء اللي شاهدتها
وجزاك الله خيرا

طهر فؤادك يقول...

السلام عليكم ورحمة الله وبركاتة ,,

ربنا يكرمكوا يارب جميعا والسلمين وكل من شاركونى الفرحة دى وربنا يكتبهالكوا جميعا اللهم امين والمسلمين ... ويتقبل منك ومنا والمسلمين صالح الاعمال ويبعد عن الكبر والرياء اللهم امين وينقى قلوبنا الى مافية الرضا والقناعة اللهم امين ... ويتقبل منا اللهم امين والمسلمين صالح الاعمال ... ويرزقنا حجة اخرى ان شاء الله وكل مايتمنى ان شاء الله الحج بأذن الله ويمتعنا بية اللهم امين ....وكل سنة وانتم طيبن وبخير وسعادة ويبعد عنكم الهم والغم والحزن اللهم امين والمسلمين ..

♥نبع الغرام♥♪≈ يقول...

"حج مبرورو وذنب مغفور باذن الله

ربنا يتقبل منا ومنكم صالح الاعمال وعقبالنا كلنا


ومنور الدنيا برجوعك
وعقبال السنه القادمة ان شاء الله تعالى

هكذا علمنى سيدنا محمد( صلى الله عليه وسلم) يقول...

السلام عليكم ورحمة الله وبركاته
حياك الله وبياك أخى الكريم
هلا هلا يووووبه
مش المفروض يا حاج تكتب كدة فى أول البوست شكر وتقدير وشوية ورود وياسمين ليا ، تنكر إنى كنت العين الساهرة عليك هناك ( ودا طبعا لإنى مكنتش عارف أنام هههههههههه)
انا مش عاوز أقول أكتر من كدة
انتظر التفاصيل إن شاء الله فى البوست عندى
هههههههههههههههههههههه دنت إسمك هيتقال كتير أوى

وجهز نفسك من دلوقت عشان إن شاء الله نطلع عمرة فى أقرب وقت ، هو انت تعبتنى شوية بس رفقتك فى السفر كانت ما شاء الله جميلة
فى أمان الله
سلامى للولاد

المجاهد الصغير يقول...

السلام عليكم
اللهم ارزقنا زياره بيتك العظيم
حج مبرور
وفقكم الله

رحلتنا في الحياة يقول...

السلام عليكم ورحمة الله وبركاته
حمدلله على السلامة
حج مقبول وذنب مغفور باذن الله
وربنا يتقبل منا ومنكم صالح الاعمال

بيطرية ومش بايدى يقول...

وعليكم احلى السلام والحمات والبركات من رب العباد

ربنا يتقبل منك يارب صالح الاعمال ويبارك فيك ويكرمك دنيا واخرة

وحج مبرور وذنب مغفور باذن الله

والله فرحتنى اوى

وحمد الله على سلامتك

بس اهم حاجة دعتلى ولا ايه ؟؟؟

ربنا يكرمك يارب وتكررها كل سنة

اللهم آآآآآآآآآآآآآمين

دعواتك بقى

والسلام مسك الختام

غير معرف يقول...

لماذا نحتاج الآن أن نسمي أنفسنا بالسلفيين؟

نحن الآن في وقت صعب ظهر فيه البدع والأهواء بكثرة ومن الناس الذين يدعون أنهم من أهل السنة والجماعة وهم في الأصل لا يرتبطون بأهل السنة والجماعة لا من قريب ولا من بعيد لأسباب لأنهم مبتدعون ضالون يغرقون في أوحال البدع فأصبح لزاما علينا نحن أصحاب المنهج الصافي والمعتقد الصحيح أن نميز أنفسنا بلقب شريف يمحوا أهل البدع من قاموسنا المشرف وتاريخا المجيد وما هم إلا مسيئين لمنهج أهل السنة والجماعة وهذا اللقب ما يزيدنا إلا عزة وفخر لأنه ينسب إلا أصحاب القرون الثلاثة الأولة وهم السلف الصالح رضوان الله عليهم واللقب هو ((السلفية)) قال شيخ الإسلام ابن تيمية"ولا عيب على من أظهر مذهب السلف وانتسب إليه واعتزي إليه بل يجب قبول ذلك بالاتفاق فان منهج السلف لا يكون إلا حق" وقال الإمام الذهبي "لم يدخل الرجل في علم الكلام ولا الجدال ولا خاض في ذلك بل كان سلفيا"واسم السلفية إنما هو محمود لقول ابن تيمية.

الفراشه الحائره يقول...

مع ام نيره جديد على مدونة صوت
المعاق http://sotmoaq.blogspot.com/

هديـــل الـروح يقول...

ما شاء الله حج مبرور وذنب مغفور بإذن الله ،
كل عام وأنتم بخير ونعتذر عن عدم المتابعه منذ فترة لظروف الدراسه ، إن شاء الله يظل التواصل مستمرا