الاثنين، 16 نوفمبر 2009

النتـيجة المتوقعة (مـــصر والـــجزائر )فى السودان (حصرى ) ,,,,,



السلام عليكم ورحمة الله وبركاتة ,,,,,
اخباركم اية يااحبتى فى الله ,,,, الكلمة دى بحبها جدا "احبتى فى الله " علشان طبعا من اعظم انواع المحبة لان ربنا من السبع الى هيظلهم الرحمن يوم لاظل الى ظلة سبحانة وتعالى ... فتعالوا نحب بعض فى الله ياجماعة مش الشعب المصرى بس لا طبعا ... كل الناس كل الشعوب العربية والاسلامية .... الى احزنى الفترة الى فاتت ان فعلا الكلمة دى انعدمت بين الشعوب وتخيلوا ماتش كورة يكرهنا فى بعض ويبهدل ناس امنين ملهمش ذنب غير انهم مصريين .... احزنى وانا بشاهد برنامج" توك شو " الناس بتثتغيث من الجزائر بيقولوا كلمة واحدة بس الحقونا هيموتونا .... لية ياجماعة احنا فى حرب ولا اية فين الاسلام فين المحبة فى الله فين الاخوة فين فين فين فين وهقول الكلمة دى للصبح .... الناس بتقول بيرموا علينا حجارة وزجاجات ملتوف محرقة وحاجات فعلا غريبة .... لية دة كلة ياجماعة لية .... تعرفوا حرمة قتل النفس يامسلمين ياموحدين بالله ....


فإن قتل النفس بغير وجه حق، من أعظم الذنوب وأكبر الكبائر، وقد نهى الله تعالى عنه في كتابه فقال:وَلا تَقْتُلُوا النَّفْسَ الَّتِي حَرَّمَ اللَّهُ إِلَّا بِالْحَقِّ [الإسراء:33].وثبت في الصحيحين عن أبي هريرة رضي الله عنه،
عن النبي صلى الله عليه وسلم أنه قال: اجتنبوا السبع الموبقات...- وعدَّ منها-... قتل النفس التي حرم الله إلا بالحق. فمن قتل مسلماً متعمداً قَتْلَه، فإنه ينتظره من الوعيد ما ذكره الرب عز وجل في قوله:وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً [النساء: 93].


*** انتوا فين ياجزائريين من الكلام دة ومش هقول ياجزائريين لا هقول يامسلمين لان الاسلام والدين مش ببيفرق بين جنسية وجنسية "وفي السنن عن النبي صلى الله عليه وسلم أنه قال : لا فضل لعربي على عجمي ، ولا لعجمي على عربي ، ولا لأبيض على أسود ، ولا لأسود على أبيض - : إلا بالتقوى ، الناس من آدم ، وآدم من تراب ...... يعنى يامسلمين مفيش فرق بينا الا بالتقوى فحرام الى بيحصل دة .... حرام بنت تتيتم او زوجة تبقى ارملة علشان تعصب وحاجة مش يرضاها الدين ولا العرف واى حد فى الدنيا يرضى بكدة ...


*** اما بقى نقطة الجرايد والاعلام بوجة عام الى بيستفذ الناس ويلهب المشاعر ويلهب الشعوب فبقول لكل واحد منهم راعى ربنا فى قلمك وفى شاشتك لان كل حاجة بتكتبها او بتقولها فى برنامجك ربنا رقيب عتيد عليها وكل كلمة مش مسئولة ممكن تبهدل الدنيا زى الى حاصل دلوقتى وهقول حاجة بسيطة ونتعلم منها ان شاء الله كلنا ياجماعة :- قوله تعالى : { يأيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين } . فيها خمس مسائل : المسألة الأولى في سبب نزولها : روي { أن النبي صلى الله عليه وسلم بعث الوليد بن عقبة مصدقا إلى بني المصطلق ، فلما أبصروه أقبلوا نحوه فهابهم ورجع إلى النبي صلى الله عليه وسلم فأخبره أنهم ارتدوا عن الإسلام . فبعث خالد بن الوليد ، وأمره أن يتثبت ولا يعجل ، فانطلق خالد حتى أتاهم ليلا ،
فبعث عيونه ، فلما جاءوا أخبروا خالدا أنهم متمسكون بالإسلام ، وسمعوا آذانهم وصلاتهم ، فلما أتاهم خالد ، ورأى صحة ما ذكروه عاد إلى النبي صلى الله عليه وسلم فأخبره ، ونزلت هذه الآية } . ففي رواية أن النبي صلى الله عليه وسلم كان يقول { : العجلة من الشيطان والتأني من الله } .


*** عرفتوا بقى ياجماعة النتيجة المتوقعة اننا فى الاخر مسلمين وموحدين بالله فياريت دى تبقى النتيجة والعلم الى لازم يترفع فى الاخر هو لاالة الا الله سيدنا محمد رسول الله ونرجع تانى لدينا ولتعاليمة ومش ماتش الى يخلينا نخرج على تعاليم الدين العظيم وتعاليم معلم البشرية جمعاء سيدنا محمد صلى الله علية وسلم .

هناك 14 تعليقًا:

nana يقول...

السلام عليكم ورحمة اله وبركاته
ياريت كل المسلمين تقتنع به الكلام ده اللى بيحصل فعلا انهم مش حاسين انه ماتش حاسين انها حرب ربنا يارب يستر لحد ما المتش اللى جاى يعدى على خير فعلا اللى بيحصل فى الجزائر كتير يارب اهدى جميع المسلمين اللهم ما امين وثبتك الله وجعل كل كلمه تنقلها او تكتبها فى ميزان حسانتك واحنا فى النهايه مسلمين هى بس حاكيه المتش واكيد مش هنهون على بعض اللهم ما اهدى جميع السلمين امين

موناليزا يقول...

فعلا للاعلام دور كبير ليس فيما آلت إليه الأمور فى الفترة الاخيرة وحسب بل فى ثقافة الشعوب والإنتماء أيضا

غير معرف يقول...

اللهم صلى وسلم وبارك على سيدنا محمد وعلى اله وصحبه اجمعييييين

لا اله الا الله سيدنا محمد رسول الله

ياريت الكل يقتنع بالكلام دا
وربنا مع الكل

كلمات من نور يقول...

طهر فؤادك

لما يعملوا جروب ويقولوا : يلا نصوم يوم الخميس كلنا بنية فوز المنتخب المصري...

ولما يكتبوا في جروب يلا نصلي الفجر كلنا جماعة يوم السبت بنية فوز المنتخب المصري ....


معقول هان علينا فروض ربنا قوي كده؟ معقول مالكم لا ترجون لله وقارا؟

اللهم إني أشكو إليك ضعف قوتي وقلة حيلتي وهواننا على الناس

مرايتى يقول...

السلام عليكم ورحمةالله وبركاته
ربنا يكرمك يارب
ويارب الكل يسمعك تسوى دموع ام تكلم قناة الحياه امبارح تقولهم انا عاوزه ابنى بلا كوره بلا زفت رجعوا لى ابنى وبنوته صغيره اتكلمت تقول انا زنبى ايه انا عاوزه اطمن على بابا
تسوى ايه لو حتى حد اخد الكاس حيفيد الناس دى بايه؟
حيرجع الى حيموتوا ولايتصابوا
لازم يفكروا ويعقلوا حتى الاشاعات قبل ما الكل يندم
جزاك الله خيرا على هذا الفهم

Nashwa يقول...

السلام عليكم ورحمة الله وبركاته
انا بصراحة مش عارفة ايه اللي بيحصل ده الرياضة مكسب وخسارة ومهما حصل مش المفروض بلدين عربين يخسروا علاقات سنين بينهم عشان ماتش كورة والتعصب الغريب والزايد عن الحدود اللى نتيجته مش هاتكون غير خسارة فادحة للطرفين قتل وتخريب والموضوع مش مستاهل اصلا علينا بالهدوء جمعيا مصريين وجزائريين ايا من يكون المتأهل فى الاخر هو بلد عربي وده كفاية سواء كانت مصر أو الجزائر وربنا يهدي نفوس الجميع ان شاء الله

طهر فؤادك يقول...

السلام عليكم ورحمة الله وبركاتة

جزاكم الله خيرا والمسلمين يااخواتى واحبتى فى الله وربنا يكرمكوا يارب والمسلمين على فهمكوا المتزن للموضوع للموضوع وربنا يكتر من امثالكم ان شاء الله ولو كل واحد فكر بالمنطق دة كنا اتغيرنا للاحسن كتير بس دى ارادة الله وكل الى بيجيبة ربنا خير الحمد الله ...

والله صعب علية جدااا كمان واحد بيشتكى وبيعيط بعد الماتش ان عربيتة اتكسرت بعد ماطلع من المبارة علشان كانوا حاطين برة الاستاد شاشات عرض عملاقة والناس بعد المبارة كسروا عربيتة وعربيات ناس كتير جدا غيرة من الفرحة والى صعب علية فى الموضوع اكتر انة من زوى الاحتياجات الخاصة وعربية مصصمة لكدة وقال انا مش معاية فلوس اشترى عربية تانية فبصراحة صعب علية جدا وقولت حرام تتخرب حاجات الناس بالشكل دة حرام حرام والله المستعان ان شاء الله ويهدى شباب المسلمين اللهم امين الى مايحبة اله ويرضاة قولوا امين امين امين يارب العالمين

ريمان يقول...

السلام عليكم


موضوع فى الجون زى ما بيقولوا


المهم انهم يقتنعوا

ده انا حسيت انه مش ماتش حسيت انه حرب دينينه واخلاقيه


بجد مش عارفه ليه موقف الجزائر ده من المصريين حاجه بجد غريبه جدا


امال بقى فين ثقافه الروح الرياضيه


مش عارفه ربنا يرحمها


شكرا بجد على موضوعك الجميل ده وربنا يصلح الحال لاحسن حال باذن الله

كلمات من نور يقول...

جاء في البروتوكول الثالث عشر من برتوكولات حكماء صهيون ما نصّه: " ولكي تبقى الجماهير في ضلال لا تدري ما وراءها وما أمامها ولا ما يراد بها، فإنّنا سنعمل على زيادة صرف أذهانها بإنشاء وسائل المباهج والمسلِّيات والألعاب الفكاهيّة وضروب أشكال الرّيـاضـة واللّهو … ثمّ نجعل الصّحف تدعو إلى مبـاريـات فـنــيـة وريـاضيـّة ".[ " بروتوكولات حكماء صهيون "

المجاهد الصغير يقول...

السلام عليكم
معظم المدونين الان بيتكلمو عن الكوره والمطش ومصر والجزائر ونسينا ان اليوم اول يوم من ذى الحجه وافتكرنا اكيد ان فى مطش مصر والجزائر فى السودان هو ده غردهم وهدفهم لهونا بالموضا والاغانى والاعلام والمطش وفى الاخر اليهود بيشمتو فينا للاننا هيفين
حسبنا الله ونعم الوكيل
وفقك الله
لا تنسونا ولا تنسو اقصنا من دعائكم

الزنارى يقول...

أقول لك تعليق قلتة فى الكثير من المدونات التى تتحدث عن هذا الأمر
يظن المصريين أن الجزائريين مخطئين و العكس صحيح
فليسامح كلا مننا الاخر و كفانا شجار
أحييك على الموضوع
أحمد الزنارى

Mahmoud Ahmed يقول...

لعل الناس تتعظ ان شاء الله
جزاك الله كل خير

اقصوصه يقول...

فعلا كلامك صحيح

تدوينه في وقتها :)

سعيد بكر يقول...

جزاك الله خيراً على هذا الطرح، فقد تعدى الأمر كونه مباراة كرة قدم.