الأربعاء، 14 أكتوبر 2009

يوم من غــــــــ (facebook)ــير مش هنموت ,,,,,,,,,,,,



الموضوع مهم جدا جدا جدا جدا جدا
ياجماعة كفاية إهانة للإسلام والمسلمين من قبل الغرب ... بجد حرام علينا اللى بيحصل دا واحنا :) .......
الإسلام بيتهان أمام أعيننا ........
وإحنا مش بنعمل حاجة ............
أنا موضوعى عن شئ مش هتخسر فية حاجة لكن فى طرف آخر هيخسر
وهومقاطعة الفيس بوك يوم 24أكتوبر
كفاهم إهانة للإسلام والمسلمين.............................
تم تحديد يوم 24 أكتوبر من اجل توقيف الغرب عند حدودهم من أجل رسولنا الكريم المبعوث الينا بالحق ثم يسب على ايدى الكفرة ومن اجل ديننا الحنيف الذى يستهتر بيه ومن اجل القران الكريم الذى يستهزء بصفحاته محدش يقول انا غيرى مقاطع ادخل انا ؟ هو انا هفرق ؟ اه هتفرق عارف ليه ؟عشان لو كل واحد قال زيك يبقى مش مقاطعة ياريت نكون ايجابين يا جماعة ونقف وقفة رجالة..... اعمل اى حاجة اليوم دة تصفح موقع دينى جميل وليكن موقع رسول الله مثلا لانة مسلى ومفيد جدا....او اتسلى فى حاجة تنفعك او تنفع بلدك... او اعتبر النت فصل عن مصر كلها والوطن العربى زى ما حصل قبل كده ... اواعتبر ماتش المنتخب وانت مش فاضى للنت .. بالله عليكو اليوم ده لازم العالم كلو يشهد بيه .... ومش كتير على الرسول وعلى الاسلام وعلى القرأن يوم واحد نقاطع فيه الفيس بوك؟
شكرا ليكو يا مسلمين..............

تعرفوا اليوم دة ممكن يخسرهم كام (توضيح بس للناس الى بتقول يوم واحد هيفيد بأية ودة مش هيأثر فيهم )1
الناس اللى دارسة سوفت وير هتفهم كلامى كويس او حتى مش دارسة هتفهم برضوا لان الموضوع مش محتاج فلسفة ... لان كل ضغطة من الموس فى موقع الفيس بوك وكل صفحة بنقلبها دى فلوس داخلة للموقع وكل زيارة انت بتعملها للموقع دة فلوس داخلة للموقع لان لازم الفيس بوك يزود عدد الزيارات اليومية اللى بتسجلها شركة ميكروسوفت ومن خلالها بيبقى زوار الموقع كتير وبالتالى يطلب اكتر واكتر فى ثمن الاعلانات وده غير عقد المساحة اللى بتمنحها شركة ميكروسوفت زيادة مع كل زائر جديد يعنى لو اليوم ده قاطع الموقع مليون واحد من الناس اللى بتدخل كل يوم و الناس اللى من الوارد ان فى اى يوم ميدخلوش لاى ظروف الموقع هيخسر نسبة كبيرة وبالتالى هيبقى اليوم ده خسارة كبيرة جدا جداهيبحثو عن الاسباب وهيعرفو اننا بنطالب مسح الجروبات اللى بتسب المسلمين وعلى فكرة فى اكتر من الف موقع اسلامى عاملين نفس الدعوة للمقاطعة يعنى مش هنا بس ولا احنا لوحدنا اللى هنعمل دة .وكما قال حبيبنا المصطفى رَسُولَ اللَّهِ صَلَّى اللَّهُ عَلَيْهِ وَسَلَّمَ : " مَنْ رَأَى مُنْكَرًا فَلْيُغَيِّرْهُ بِيَدِهِ ، فَإِنْ لَمْ يَسْتَطِعْ فَبِلِسَانِهِ ، فَإِنْ لَمْ يَسْتَطِعْ فَبِقَلْبِهِ ، وَذَلِكَ أَضْعَفُ الإِيمَانِ "
يا جماعه عايزين كلنا نقاطع الفيس بوك يوم 24 اكتوبر عشان متجاهلين مشاعر كل المسلمين و كل شويه يطلع جروب يشتم في الدين و ناس تعمل مقارنة بين سيدنا محمد و حجات اقل ما يقال عنها انها تافهة و اخرها جروب كتابه القرآن على ورق مناديل التوليت.........و عملنا حملة عشان ادارة الفيس تقفل الجروب و وصل الريبورت ل33000 و مشلوش الجروب بردو و احنا لو عملنا حاجه بتسيء لليهود بيشلوها على طول........ بليز يا جماعه عيزين نتحرك و نعمل حاجة لدينا نقدر ان احنا نعملها و معتقدتش انكم متقدروش انكو تدخلو الفيس لمدة يوم واحد !!
دا كلام منقول من جروب المقاطعة وجروبات تانية هتشارك فى الحملة دى والمقاطعة وعلى فكرة مش جروب واحد دا مليون جروب بالله عليكوا الموضوع منتشر وعاوزين ناخد الاجر الله يكرمكوا سوا ومش عاوز يقف علينا فقط انا عاوز اى شخص مشترك فى اى موقع يعمل إقتباس للموضوع دة وينقلة على الموقع دة والله مش هتخسر حاجة مش فى حاجة بإيدينا نعملها إلا كدا..
اللهم قد بلغت اللهم فاشهد (شارك تأجر بأذن الله ),,,,,

هناك 22 تعليقًا:

nana يقول...

السلام عليكم ورحمه الله وبركاتهاخى الكريم الفاضل فى الله
اولا جزاك الله خيرا على الحملات السابقه والحمد لله انها لاقت نجاح عظيم وان شاء الله كمان موضع مقاطعه الفايس بوك هينجح باذن الله احنا مسلمين ولازم نساند بعض فى الحق عالشان نبقى فعلا زى البنيان المرصوص يشد بعضه بعض
يعنى نبقى ايد وحده ان شاء الله
وربنا يوفقك انت وجميع المسلمين لما يحب ويرضاه

Noora يقول...

صراحة انا ضد المقاطعه
مع اني مابدخل الفيس بوك الا مره كل شهرين موقع ممل ومابيهمني
لكن ممكن نعمل شي احسن من المقاطعه او ممكن تقاطعوا وبعد المقاطعه
نعمل قروبات باللغات الاجنبيه توضح معنى الاسلام وتدعوا له وتدافع عنه لكن ماتكون بالعربي
وشكرا لمبادراتك الطيبه

Abdullah Saeed يقول...

ليش دائما نتعامل بسلبية ؟!!

مالهدف من المقاطعة ولماذا ؟
ماللذي فعله الفيسبوك حتى نقاطعه ؟؟

أماكان م نالأفضل إنشاء مجموعات و الأجتهاد في إعداد مقالات تعريفية بمحمد صلى الله عليه وسلم !

للمعلومية دخولي شبه نادر للفيسبوك حتى لا يقال أني مغرم به ولا استطيع الإبتعاد عنه .. لكن أما آن لنابوقفة و التفكير بعقلانية ؟!!

Nashwa يقول...

اشكرك جدا على سرعة الاستجابةو المساعدة ومساندة الحملة من مدونتك بارك الله فيك وجزاك كل خير واتمنى من الله ان نجد الاستجابة بالفعل لحملتنا

------ يقول...

اكيد كلنا مع حضرتك

بارك الله فيك واعز الاسلام بك

ان شاء الله هنعملها حملة بإذن الله

yasmina يقول...

السلام عليكم
جزاك الله كل الخير بجد والله
ويجعله فى ميزان حسنات حضرتك
اللهم امين


اى نعم انا مش مشتركة اساسا فى الفيس توك دة
بس اختى مشتركة
وهخليها تقرا البوست وتشترك كمان
وهى مش هتمانع خالص بجد


وربنا يجعله فى ميزان حسناتنا
ودايما متجمعين فى الخير يارب

تحياتى
واحب احيى حضرتك على المواضيع المهمة دى حقيقى
سلام

طهر فؤادك يقول...

السلام عليكم ورحمة الله وبركاتة ,,,,
جزاكم الله خيرا والمسلمين ... وبارك الله فيكم لكل من يؤيد او يعارض المقاطعة لان علمنا اسلامنا الجميل العظيم ورسولنا الكريم اننا نحترم كل الاراء ... بس احب اوضح حاجة صغيرة ان المقاطعة سلاح وسلاح مهم كمان مع نشر مواضيع على الفيس بوك لاننا بالفعل الحمد الله ناشرين وكمان لو حد قرأ الموضوع بتمعن اننا راسلنا الادارة علشان تمسح الاشياء المسيئة لكن للاسف مش استجابت مع العلم انها بتمسح حاجات مسيئة لنا س تانية فليكن حتى بالمثل .... وعلشان كدة فكرة المقاطعة جت من كدة وبجانب طبعا الوسائل التانية وهى نشر مواضيع عن الرسول صلى الله علية وسلم ومااكثرها على الفيس وبوك وجروبات كتيرة كمان الحمد الله رب العالمين ...
- وربنا ان شاء الله يثبتنا على طاعتة وحسن عبادتة ان شاء الله والمسلمين اجمعين

اسماء واحلام فى وجدانى يقول...

اكيد اى انسان بدور على عمل الخير وانا عن نفسى مشترك فى الفيس بوك بس لو دخلت بادخل كل فترة كبيرة اوى يعنى ممكن فى الشهر مرة ويمكن اتنين مش اكتر تقريبا لكن كان فى من فترة بوست للدكتورة سول باتمنا انك تقراه وتقولى رايك فيه وده رابط الموضوع


http://voice00of00mine.blogspot.com/2009/10/blog-post.html

راجية الرحمه يقول...

ربنا ينصر الاسلام و المسلمين
وبأذن الله هبلغ كل البنات اللى اعرفها واللى بيدخلو فيس بوك
وان شاء الله اليوم ينجح ويتحقق فيه الهدف المراد
دعواتى ليكم بالتوفيق

غير معرف يقول...

اوكى معاكم
ان شاءالله

محمد عبدالرحمن شحاته يقول...

اللهم صلي على سيدنا محمد البشير النذير ... رسول الله للعالمين ... والمبعوث بالحق والنور المبين
جزيتي خيراً على كلماتك
تقبلي مروري

*البت المشمشية *حلوة بس شقية * يقول...

البوست نزلتو عندى

اسماء واحلام فى وجدانى يقول...

ان شاء الله فى اليوم ده مش هادخل الفيس بوك مع انى مش بادخله كتير

غير معرف يقول...

انا من المقاطعين باذن الله

بس تفتكر المقاطعه دى هتجيب نتيجه ؟

حنين

♥نبع الغرام♥♪≈ يقول...

السلام عليكم

ازيك اخبارك ايه ربنا يكرمك خير يارب ويبارك فيك
اكيد اى شىء فية خير كلنا نشارك فيه
ربنا يعنا على اى شىء للصالح امين يارب العالمين
انا فعلا مشتركه على الفيس بوك
بس فين وفين لما بفكر ادخله
وأوعدك ان شاء الله مش هدخل ووعد الحر دين عليه
وكمان انا هاخد الموضوع عندى ان شاء الله تعالى بعد اذنك طبعآ
وهنشرة
ممكن بكرة او بعده ان شاء الله
ربنا يعنيك على فعل الخير
وجزاك الله كل الخير اخى الفاضل
مودتى
ايناس

موناليزا يقول...

ربح البيع:)
وجدتنى أقول هذه الجملة التى قالها الرسول صلى الله عليه وسلم بعد قراءتى للموضوع:)
بارك الله فيك وفى صاحب الفكرة وفى من يعمل على نشرها

Pink Dreams يقول...

ان شاء الله هشارك فى الحمله دى وانشرها

واكيد طبعا بردو هقاطع الفيس بوك فى اليوم دا

جزاك الله كل خير

تحياتى

حياتى نغم يقول...

السلام عليكم ورحمة الله وبركاته/
وفقكم الله فكرة طيبة .
أنا مقاطعاه على طول لا وقت عندى إلا للمدونات .

طوبه فضه وطوبه دهب يقول...

ربنا يكرمك ويجعله فى ميزان حسناتك اللهم امين فكره اكثر من رائعه ونحن معك

مرايتى يقول...

ربنا يكرمك حضرتك وان شاء الله معاكم
مع انى اصلا مش مهتمه بيه وبدخله نادرا
تقبل الله منكم صالح الاعمال

غير معرف يقول...

علي رأيك إحنا هنموت لو قطعنا
وبعدين دا هو موقع اصلا يتوة وتافه جدا
وانا باقترح مقاطعته نهائيا

طهر فؤادك يقول...

السلام عليكم ورحمة الله وبركاتة ,,,
ربنا يكرمكوا يارب والمسللمين ... وجزاكم الله خير الدنيا والاخرة بأذن الله .. وربنا يتقبل منكم ومنا صالح الاعمال اللهم امين ... لكل من أيد المقاطعة او عارضها لاننا فى الاخر بشر وكل واحد لية وجة نظر لازم تحترم .. فربنا يتقبل لو كنا فى مصيبين ويغفر لنا ان شاء الله لو كنا مخطئين اللهم امين امين امين يارب العالمين ..