الأحد، 18 أكتوبر 2009

صــــححــــى حـــجابك تســـعدى بحياتك ,,,,,,,



السلام عليكم ورحمة الله وبركاتة ,,,
اخباركم اية يااصدقائى واحبتى فى الله ... اولا بقول ربنا يكرمكوا يارب والمسلمين على كل ماتقدموة دائما من خير ومشاركتكم فى كل حملة او جروب او مدونة تساعد الشباب الى الطريق الصح ... وجزاكم الله خيرا ان شاء الله وجعلة فى ميزان حسناتكم والمسلمين اجمعين اللهم امين .

اما عن موضوع اليوم وهو موضوع " صححى حجابك " فالموضوع فعلا شدنى ولقيتة مهم جدا اننا نتكلم فية كلنا وناقش بعض ونفكر لانة فعلا مهم و ربنا يكرمنا جميعا ونوصل الى مايرضى الله ورسولة سيدنا محمد صلى الله علية وسلم .


- وهنتناقش فية من وجة نظر اننا عاوزين نرضى ربنا بأذن الله ونكمل الى بدأناة لان كتير من البنات بدأت الحمد الله واتحجبت بس للاسف الججاب فية شوية ملاحظات وانا جايب فيديو للداعية الجميل الحبيب مصطفى حسنى ومعاة خمس بنات (مانيكان طبعا ) بيوضح عليهم ازاى تصححى حجابك وتكون خطوة بأذن الله لكمال الحجاب وطبعا الكمال لله وحدة بس ان شاء الله الفيديو دة يوضح ازاى تصححى حجابك علشان ترضى الله ورسولة بأذن الله تعالى واليكم الفديو وبعد كدة نتكلم عن الحجاب والستر بوجة عام :--

وبعد ماشاهدنا الفيديو وبيوضح فية كل شئ وجزاة الله خيرا على التوضيح هنشوف صور لحملة رائعة وبرضوا بتحث على "تصحيح الحجاب واليكم الصور :-



**** وتعالوا نعرف مع بعض لية اسلامنا العظيم الكريم فرض الحجاب ولية امر المسلمات بأرتدائة ؟؟؟؟ هنعرف حالا م بعض ..

جاء الإسلام مكملاً لمكارم الأخلاق منادياً بالبُعد عن كل ما يثير الغرائز ويحرك الشهوات وذلك من أجل إصلاح البشرية والسمو بها عن مرحلة البهيمية والفوضى إلى مراتب مرتفعة من العفة والطهارة. قال عليه الصلاة والسلام: "إنما بُعثت لأتمم مكارم الأخلاق". ولأن الشهوات والغرائز الطبيعية جزء أساسي من تكوين الإنسان فقد سعى الإسلام لضبطها وتوجيهها التوجيه الصحيح فشرع الزواج قناة وحيدة لإشباع الغرائز والشهوات وإنشاء الأسرة التي هي النواة الرئيسية للمجتمع الإسلامي. ولأن النفس أمارة بالسوء فقد حرَّم الإسلام كل ما يمكن أن يؤدي إلى إثارة غرائز الإنسان أو تهييج شهواته، لذا جاء الأمر الرباني للمسلمين بأن يغضوا من أبصارهم وأمر المسلمات بارتداء الحجاب يحفظن به أنفسهن وحرَّم عليهن التبرج والسفور ومخالطة الرجال غير المحارم، قال تعالى (وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاء بُعُولَتِهِنَّ أَوْ أَبْنَائِهِنَّ أَوْ أَبْنَاء بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُوْلِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاء وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ).

ولأن أمر الحجاب في الإسلام عظيم فقد جاء الأمر الرباني للنبي الكريم عليه الصلاة والسلام بأن يأمر أزواجه وبناته قبل نساء المؤمنين بارتداء الحجاب، قال تعالى: (يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ وَكَانَ اللَّهُ غَفُورًا رَّحِيمًا). فإذا كان الأمر بالحجاب قد بدأ بأزواج النبي (صلى الله عليه وسلم) وهن العفيفات الشريفات الطاهرات فكيف ببقية نساء المؤمنين وخاصة في هذا الزمان الذي انتشرت فيه الفتن وصار فيه الدين غريباً؟ من أجل ذلك توعَّد الله عز وجل المتبرجات المظهرات لزينتهن لغير أزواجهن بالعذاب الأليم يوم القيامة قال صلى الله عليه وسلم في وصف أهل النار (صنفان من أهل النار لم أرهما، قوم معهم سياط كأذناب البقر يضربون بها الناس، ونساء كاسيات عاريات مائلات مميلات، رؤوسهن كأسنمة البخت المائلة لا يدخلن الجنة ولا يجدن ريحها وإن ريحها ليوجد من مسيرة كذا وكذا).

التبرج هو إظهار المرأة زينتها لغير محارمها وهو من الأمور المحرمة في الإسلام لأن المقصود منه هو إثارة شهوات الرجال من غير الأزواج وإحداث الفتنة في المجتمع. أما الحجاب فهو نقيض التبرج ويُقصد به الستر والإخفاء ومنه حاجب العين الذي يمنع عنها الغبار والأتربة وأشعة الشمس وحاجب الملوك أو الرؤساء والذي يمنع عنهم الدخلاء والمتطفلين والمتسكعين. وتقتضي فطرة الإنسان العفة والطهارة ولذلك نجد أن إبليس اللعين عندما أغوى آدم عليه السلام وزوجه بالأكل من الشجرة المحرمة وتم له ما أراد، سقطت عنهما ثيابهما وبدت لهما عورتاهما فأخذا يلتقطان من أوراق الشجر ليخفياهما وذلك التصرف الطبيعي والتلقائي الذي قاما به من دون أن يأمرهما به أحد يدل على أن الأصل في الفطرة البشرية العفة والطهارة وإخفاء العورات. قال سبحانه وتعالى: (فَدَلاَّهُمَا بِغُرُورٍ فَلَمَّا ذَاقَا الشَّجَرَةَ بَدَتْ لَهُمَا سَوْءَاتُهُمَا وَطَفِقَا يَخْصِفَانِ عَلَيْهِمَا مِن وَرَقِ الْجَنَّةِ وَنَادَاهُمَا رَبُّهُمَا أَلَمْ أَنْهَكُمَا عَن تِلْكُمَا الشَّجَرَةِ وَأَقُل لَّكُمَا إِنَّ الشَّيْطَآنَ لَكُمَا عَدُوٌّ مُّبِينٌ).

كانت النساء قبل الإسلام وفي عهد الجاهلية يتبرجن ويلبسن الملابس الخفيفة ويمشين في الأسواق ويعرضن أنفسهن على الرجال، لذلك جاء الأمر من عند الله لنساء المسلمين بارتداء الحجاب، قال تعالى: (وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الْأُولَى وَأَقِمْنَ الصَّلَاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ إِنَّمَا يُرِيدُ اللَّهُ لِيُذْهِبَ عَنكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا).

أما في العصر الحديث فقد تفننت النساء في ابتداع أساليب جديدة من التبرج والسفور وصارت المصانع الغربية تمد بلاد المسلمين بالملابس الضيقة الشفافة التي تكشف أكثر مما تستر، وتزيد من مفاتن النساء. وغمرت هذه المصانع أسواق المسلمين بأنواع كثيرة من المساحيق والطلاء والعطور المثيرة للشهوات وأنواع شتى ومتباينة من الأحذية التي تجعل النساء يتمايلن في مشيتهن ويبالغن في التغنج والدلال..

بعد ماستعرضنا الحمد الله جوانب متعددة هسأل سؤال ياترى استفدنا من الموضوع ؟؟ ... ياترى كل واحدة هتسأل نفسها انا حجابى صح ولا لا ؟؟؟؟ ... والموضوع متروك ليكم وبأذن الله النتيجة ان شاء الله مرضية وفى صالح العفة الوطهارة والستر بأذن الله وانا واثق من كدة وفى صالح مرضاة الله ورسولة سيدنا محمد صلى الله علية وسلم .

هناك 39 تعليقًا:

غير معرف يقول...

طلب انسانى
بليز بلاش تكتب تعليق تحطه عند كل الناس
يااما تقول انك ماقراتش الموضوع وتقول نوضوع هايل ولكل الناس تكتب رايك يهمنى
قول ان حضرتك اسف هبقى ىاقرا الموضوع بس ياريت تشاركنا او نشاركينى لكن ماتمدحش موضوع لن اقراه

طهر فؤادك يقول...

السلام عليكم ورحمة الله وبركاتة ,,,
اولا ربنا يكرمك على الملاحظة دى وجزاكك او جزاكى الله خيرا عليها.. بس فعلا انا بقرأ المواضيع وفعلا بتعجبنى علشان كدة بكتب موضوع كويس او ماشاء الله علية وانا بدخل مدونات ومش بيعجبنى الموضوع او الاسلوب ومش بعلق وانا لو علقت على الموضوع بالاستحسان ببقى فعلا قريتة وعجبنى .. اما عن الصيغة والتعليق موحد نظر لشغلى وظروفة ودة فعلا خارج عن ارادتى وببقى نفسى فعلا كل واحد يستفاد من موضوعى وانا لو مش بحب مدوناتكوا مش هدعوكوا لمواضيعى .. وجزاك او جزاكى الله خيرا مرة تانية ..

أميرة يقول...

الله يا محمد

ربنا يفتح عليك .. الفيديو حلو جدااااااا .. ممكن تشغله باه وتعلي صوته اد ما تقدر .. لعل وعسي حد يسمع!!

ربنا ييسرلنا جميعا ويرزقنا العفة والعفاف والغني

♥نبع الغرام♥♪≈ يقول...

السلام عليكم
اخبارك ايه يارب تكون بخير
بالنسبه لموضوع الفيس بوك انا هعمله بس قبلها بيومين كده ان شاء الله عشان التذكير والتبيه

معلهش ماشى

اروح بقا اشوف الموضوع وارجع تانى

♥نبع الغرام♥♪≈ يقول...

ليس الحجاب الذي نعنيه مجرد ستر لبدن المرأة .. إن الحجاب عنوان تلك المجموعة من الأحكام الاجتماعية المتعلقة بوضع المرأة في النظام الإسلامي ، والتي شرعها الله سبحانه وتعالى لتكون الحصن الحصين الذي يحمي المرأة ، والسياج الواقي الذي يعصم المجتمع من الافتتان بها ، والإطار المنضبط الذي تؤدي المرأة من خلاله وظيفة صناعة الأجيال ، وصياغة مستقبل الأمة وبالتالي المساهمة في نصر الإسلام والتمكين له .
ربنا يكرمك خير

موناليزا يقول...

ربنا يكرمك والفيديو خادم الموضوع ببساطة شديدة
وادعوك لاضافة هذا الرابط ففيه أيضا ما يخدم الموضوع
http://sabahlalah.blogspot.com/2009/10/blog-post_07.html

فشكووول يقول...

السلام عليكم ورحمة الله وبركاته

تحياتى

من غير الواحد ما يلف ولا يدور .. الاسلام شأنه شأن جميع الاديان يحض على الفضيله ومكارم الاخلاق .. وبصراحه المرأه السافره تشد الرجل على اقل تقدير الى اعمال عقله حولها وتشده الى التفكير فى اشياء لا ترضى الله ورسوله

والحجاب عفه وطهاره وهو فضل والنقاب زياده فى الفضل فمن اراد الفضل فبهما ومن لم يريد هو حر هو وخازن النار.

♥نبع الغرام♥♪≈ يقول...

إن الله يغار ، وغيرة الله أن يأتي المؤمن ما حرم الله



والله ... الناس طيبة أوى وبفطرتها متدينة
والله لو عرفنا نوصل لهم .. باذن الله هنساعدهم ونغيرهم ونتغير معاهم
والله بنات كتير منهم ميعرفوش اذا كان كدا صح ولا غلط .. هما فتًّحوا عنيهم على كدا وميعرفوش ان كدا صح ولا غلط
والله دا ذنبنا لان اللى عارف مش قادر ينصح ويدعوا إلى سبيل الله



كان فى حملات عن الحجاب كام ذكرت الاعوام السابقة .. اكيد هنستفيد منها
بس الأكيد إننا لازم نقدر نطور ونبتكر
الاسلوب اللى كان ينفع العام الماضى .. مش هينفع هذا العام


لازم يكون فى أفكار جديدة

♥نبع الغرام♥♪≈ يقول...

انا بتمنى تفعيل هذه الحملة او حتى دمجها مع أى حملة أخرى ...
لان اللى بيحصل فى الجامعة حرام بجد ... ربنا هيسألنا والله على هذا التقصير
مش فى الجامعة بس ... فى كل مكان والله
بجد الواحد خايف ومش متصور الحجاب ممكن يتحرف اكتر من كدا ايه
والمشكلة حتى إن الاشكال العجيبة لحجاب هذا العصر أصبحت تجارة
يعنى السوق كله بيغرق باشكال غريبة للحجاب .. حتى المحجبة والله مش بتعرف تجد الحجاب الشرعى المناسب لها
على فكرة نسبة كبييييييرة اوى من البنات فى الجامعة محجبة .. لكن بجد حجاب ( لا تعلـــــــيق )

حرام والله .. لازم يكون فى دور أكبر من كدا بجد

♥نبع الغرام♥♪≈ يقول...

مهما قالوا عن حجابى.............ما يهمنيش
نور فى قلبى راضية ربى............انا عايزة اعيش

♥نبع الغرام♥♪≈ يقول...

مممممممممم

طولت عليك معلهش

اصل الموضوع محتاج نقلش وكلام كبير قووى

عامة
جزاك الله عنا كل الخير وبج استمتعت بالفيديو
جعل الله كل حرف بميزان حسانتك اخى محمد

تقبل مرورى

ايناس

Nashwa يقول...

السلام عليكم ورحمة الله وبركاته
بارك الله فيك وجزاك كل خير وجعل كل ما تقوم به دائما فى ميزان حسناتك
الفتن كثرت ومقاومتها بقيت صعبة اوى سواء للبنات او الشباب ولكن لعل التوضيح بهذه الاساليب الجميلة للاخطاء التى نركتبها ونحن لا ندرك خطورتها تساعد فى تغيير شيء ما واود ان اقول لكل بنت وفتاة اننا لسنا سلع للعرض وان علينا الحفاظ على انفسنا وحجابنا الذى هو سترناوعفتنا حتى نرضى الله ويغفر لناويرحمنا
اللهم توب علينا انك انت التواب الرحيم .

GiGi world يقول...

جزاك الله خيرا
ربنا يكرمك ويعزك
بس ممكن المواضيع تبقى اصغر شويه ده هيخلى الناس تقرا اكتر وتتفاعل معاك اكتر
ربنا يبارك فى عمرك يارب

سفيرة المحبه يقول...

السلام عليكم ورحمة الله وبركاته
جزاك الله خيرا وموضوع في وقته

عاشق الجنة من الإخوان صلى على النبى يقول...

هنعلق نقول ايه
موضوع جميل زي كل اللي المواضيع اللي قبله
جزاكم الله خيراً
في انتظار زيارتكم لمدونتي
صلي علي النبي

كلمات من نور يقول...

لا يوجد لدي تعليق على موضوعك الطيب سوى نشيد أحمد بوخاطر

http://www.epda3.net/iv/clip-391.html

أكثروا من عتابي وهو نشيد عن الحجاب

من يعش في الهداية لن يمل للغواية

ربي ثبت فؤادي و امحو عني الخطايا

آمين آمين آمين

سمسم/سما يقول...

السلام عليكم
ربنا يهدينا جميعا
يا رب
ويهدي كل بنات وشباب المسلمين
للطريق الصحيح
بدينا ككل
من كل جوانبه بما فيه الحجاب
لان الحجاب وشكلو غالبا بيدل على
فهم البنت لدينها
وجزاكم الله كل خير

طهر فؤادك يقول...

السلام عليكم ورحمة الله وبركاتة ,,,
وجزاكم الله خيرا والمسلمين جميعا يارب ... وربنا يتقبل منكم ومنا صالح الاعمال اللهم امين والمسلمين ... وان شاء الله كل ملاحظة او كلمة او لينك ان شاء الله هحاول اشوفة ان شاء الله لو ربنا قدرنى بأذن الله تعالى ... وربنا يكرمكوا يارب على حبكوا للموضوع وتفاعلكوا معاة ... وربنا يارب يثبتكوا على طاعتة وحسن عبادتة اللهم امين والمسلمين .

nana يقول...

السلام عليكم ورحمه الله وبركاته
جزاك الله خير ا عن نشر موضوع الحجاب فى زمن حقا كثرت فيه الفتن
وتبرج وسفور كثير من فتيات المسلمين وفهمهم فهم خاطى للحجاب والموضع هادف وطريقه شرحه جميله جدا والفيديو كمان لشاب زى الداعيه مصطفى حسنى بسط الموضوع اكثر وربنا يارب يكرمك ويجعله لك فى ميزان حسانتك وجعلنا واياك من اهل الجنه اللهم ما امين وستر جميع بنات المسلمين

بيطرية ومش بايدى يقول...

يا رقيب يارب تكون بتسجل دلوقتى كل دعواتى وتأمن ورايا لعل ربنا يستجيب
يااااااااااااااارب
بارك فى ا/محمد واكرمه وارزقه من حيث لا يحتسب وارزقه بالزوجة الصالحة والذرية الاصلح واجعل جميع اعماله فى ميزان حسناته اللهم ثقل موازينه بوم القيامة وسهل عليه مرور الصراط وارزقه الخلود ف الجنة مع حبيبه اللى متسمى على اسمه
اللهم آآآآآآمين


بالنوسبة للموضوع
انا ولله الحمد وبفضله تعالى لابسة الخمار
وقبل حتى ما البسه كان لبسى فضفاض وواسع بفضله برده وطبعا بوجود تعليمات والدىً الكرام
بس انت عارف حاجة والله العظيم المشكلة مش ف انهم يعرفوا المشكلة ف البجاحة لانهم عارفين وبيستنكروا ويستكبروا

طب اقولك على موقف حصل معايا انا وصحبتى
كنا ماشيين ف وسط البلد عندنا ف الزقزوقة ولقينا قدمنا بنت برده عاملة زى اول مانيكان ف الفيديو
لا والادهى ان شعرها كانت عاملها لزوم العيد بقى وكده ونازل من تحت الترحة وباين فقعدت اقول لصاحبتى تيجى نكلمها ونقولها يمكن مش واخدة بالها
جينا نقولها مامتها ردت علينا طب وانتم مالكم هى اللى منزلاه كده ده انا اتخضيت افتكرت فى حاجة تانية

يا الله على الامهات هو فى حاجة تخض اكتر من اللى بنتك فيه
لا واستنى طب هى كان رد فعلها ايه
انا مش محجبة اصلا وربنا يهدينى وابقى زيكو كده
قال ايه ربنا هيديها وهى لابسة اللبس ده
ربنا بجد يهديها هو العالم بحالها

حسبنا الله ونعم الوكيل

معلش طولت عليك

بس فعلا ز ما نوسة قالت الموضوع لازم كلام كتير له

Pink Dreams يقول...

فعلا فى بنات كتير لبسه حجاب بس ولا كانها لابساه حطه مكياج كامل ومبينه نص شعرها

ربنا يهدى الجميع

موضوع الحمله جميل وهادف

جزاك الله كل خير

المجاهد الصغير يقول...

السلام عليكم
اللهم لا تزغ قلوبنا بعد اذ هديتنا وهب لنا من لدنك رحمه انك انت الوهاب
وفقك الله لما يحبه ويرضاه

طهر فؤادك يقول...

السلام عليكم ورحمة الله وبركاتة ,,

جزاكم الله خيرا والمسلمين ... وربنا يثبتكوا على طاعتة وحسن عبادتة اللهم امين والمسلمين ... ويارب نوحد الدعاء كلنا ياجماعة ونقول :-
اللهم اهدى بنات المسلمين ووفقكهم الى ماتحبة وترضاة اللهم امين ... وابعد عنهم فتن الدنيا واهدهم الى صراطك المستقيم ياكريم ياحليم ... وتقبل توبتهم وارزقهم توبة خالصة الى وجهك الكريم امين امين امين يارب العالمين .
- وربنا يكرمكوا يارب على تفاعلكم و حبكم لدينكم واتباعكم لسنة الحبيب المصطفى صلى الله علية وسلم .
اخوكم فى الله

ريمان يقول...

السلاام عليكم



بسم الله ما شاء الله


موضوع هايل


وحمله جت فى وقتها


وجميل البوست من حيث المواضوع والصور كمان موضحه ومعبره


ربنا يهدى جميع المسلمات للحجاب الصحيح


ربنا يجعل الموضوع فى ميزان حسناتك يا رب

عمرو جويلى يقول...

السلام عليكم
فيديو جميل
بارك الله فى حضرتك على كل خير
تقدمه لنا
وجزاك الله خيراً
جعله الله فى ميزان حسناتك
خالص تقديرى

خواطر شاب يقول...

مدونة متميزة
اللهم ارزق صاحبها الاخلاص

-_- يقول...

اولا جزاك الله خيرا
ثانيا
ارجوووووووووووووووكم كفاية كلام على الحجاب اكتر من اللازم و كأننا جعلناه ركنا من اركان الاسلام

يا اخي لماذا لا نتكلم عن الصلاة او الصوم التطوعي او الاخلاق الحميدة ..

مجرد رأي

الفراشه الحائره يقول...

دردشة مش اكتر تدوينه جديده على مدونتى يا رب تعجبكم http://frasha7a2ra.blogspot.com/

ليس فقيرا من يحب يقول...

السلام عليكم

موضوع هادف وجميل

ربنا يكرمك يارب

ويجعل جهدك فى ميزان حسناتك ويهدى

شباب المسلمين امين يارب

تقبل تحياتى

فى حفظ الله

صبرني يارب يقول...

والله يا زقازيقى انا الى يحمنى على رقابيهم وباديهاتهم وبانكوراتهم الى بيلبسوها على الحجاب كنت ولعت فيهم بصراحه

والحقيقه انا باستغرب من كم الاستهبال ده

لكن احنا الى علمنا العيال ياخدوا القشور والمظهر
والاسامي

المهم الاسم

اسمها لابسه ايشارب

مش مهم هى لابسه ايه ولا هى قلبها ايه

تمثليات الشعب ده عاملها وعايش فيها

تمام يا فندم الحمله

طهر فؤادك يقول...

السلام عليكم ورحمة الله وبركاتة ,,,
بارك الله فيكم جميعا .... وربنا يتقبل منكم والمسلمين صالح الاعمال اللهم امين .. وان شاء الله تكون الرسالة وصلت بأذن الله تعالى ... واحنا عاوزين نتعامل بالحسنى مش بقطع الرقاب او التوليع فيهم "ياصبرنى " او اى حاجة من دى علشان دينا دين التسامح والموعظة الحسنة ... فأن شاء الله بالكلمة الطيبة هنوصل بأذن الله تعالى ..

هديـــل الـروح يقول...

السلام عليكم ورحمة الله وبركاته ،،
أولا وقبل كل شئ أعتذر كثيرا لتقصيرى فى متابعة مشروعاتكم الفتره الماضيه بجد مكانش معتش بلاقى وقت كافى للدخول على النت أيام الدارسه فأعتذر عن تقصير أو أى تقصير قادم بسبب تلك الظروف ،،
ثانيا :جزاكم الله خيرا على الحملات اللى قمتم بيها مؤخرا ولم أشارك فيها وجعلها الله فى ميزان حسناتكم ،بالنسبه لنصرة الأقصى سأحاول بإذن الله التفكير ببعض الموضوعات لنشرها وكنت قد أعددت لذلك من قبل ،وموضوع المقاطعه يوم 24 فأنا حاطه فى دماغى الموضوع من زمان وبإذن الله مش هنسى وهدعو صديقاتى للموضوع ،،
ربنا يكرمكم ويسعدكم دايما

اقصوصه يقول...

تدوينه مفيده :)

انا العبد يقول...

جزاك الله خيرا اخى العزيز
اعزك الله
اللهم اهدى نساء المسلمين يارب

طيـــ الجنه ــــور يقول...

جزاك الله كل خير

اللهم اهدى كل نساء المسلمين

حمله هادفه

اتمنى دوام التواصل

طوبه فضه وطوبه دهب يقول...

ربنا يكرمك ويجعله يارب فى ميزان حسناتك ويبارك لك فى جهدك ووقتك وفكرك اللى بتوجهه بشكل سليم

GiGi world يقول...

http://meraity.blogspot.com/2009/10/blog-post_25.html

دكـــــتور جدا يقول...

السلام عليكم

فعلا أخي الكريم زي ما قولت

الحجاب فرض

ولازم ننفذ الفرض زي ما ربنا قال ولا نتحايل عليه

مش نبقى عاملين زي بعض بني اسرائيل

تحياتي أخي الكريم على موضوعك القيم

ربنا يجزيك خير

طهر فؤادك يقول...

السلام عليكم ورحمة الله وبركاتة ,,,

الحمد الله رب العالمين ان التعليقات معظمها مبشرة بالخير وفى نصرة الحجاب وربنا يتقبل منكم ومنا والمسلمين صالح الاعمال ... وان شاء الله نقول للاخوات غير المحجبات انتوا اخواتنا وفيكوا خير ان شاء الله وربنا يكرم وتكملوا الفريضة دى علشان تصانوا فى الدنيا والاخرة ان شاء الله وربنا معاكم ان شاء الله وينصركوا على نفسكم بأذن الله وتكون الغلبة للدين ونصرة الحق اللهم امين وكنا هندعلكوا باذن الله وربنا يتقبل امين امين امين يارب العالمين .