الأحد، 14 نوفمبر، 2010

قل كل عام وانتم بخير ..... ولا تقل كل سنة وانت طيب ,,,,,

السلام عليكم ورحمة الله وبركاتة ,,,

كل عام وانت بخير .... كل عام وانت بخير .... كل عام وانتم بخير ...
انا مش هطول عليكم علشان بكرة العيد بقى ان شاء الله و كل عام وانتم بخير وطيبين وسعداء اللهم امين .... بس احب اقولكم حاجة سمعتها فى اذاعة القرأن الكريم وعجبتنى جداا وكتير منا فعلا وانا اولهم بنقع فى الغلط دة وربنا يكرمنا جميعا ونصححة بأذن الله وهو الفرق بين العام والسنة ....(فالسنة حول سئ والعام حول حسن ) ..

فالسنة : هي الحول لكن يكون حولا في نقص من الثمرات وجفاف وضيق في العيش ..... فالقران يقول :
(وقال تعالى: (وَلَقَدْ أَخَذْنَا آلَ فِرْعَونَ بِالسِّنِينَ وَنَقْصٍ مِّن الثَّمَرَاتِ لَعَلَّهُمْ يَذَّكَّرُونَ (130) )
وقال في اية اخري علي لسان سيدنا يوسف :
( قال تزرعون سبع سنين دأبا فما حصدتم فذروه في سنبله إلا قليلا مما تأكلون ( 47 ) ثم يأتي من بعد ذلك سبع شداد يأكلن ما قدمتم لهن إلا قليلا مما تحصنون ( 48 ) ثم يأتي من بعد ذلك عام فيه يغاث الناس وفيه يعصرون ( 49 ) )
فواضح ان الله استخدم كلمة سنة للتدليل علي السوء والقحط
واستخدم كلمة العام للتدليل علي الغوث والنجدة والرخاء كما في قوله :
( ثم ياتي من بعد ذلك عام فيه يغاث الناس وفيه يعصرون )
وكلا من العام والسنة يسمي بالحول .


*** وفى حاجة كمان قبل ماأنسى بما اننا فى يوم عرفة وان شاء الله والدعاء مستجاب بأذن الله فلاتنسونا من دعائكم وربنا يتقبل منا ومنكم صالح الاعمال وكمان افطار صائم ان شاء الله لان اجرة هنعرف مع بعض دلوقتى وياريت لو قدرنا كلنا نعمل دة بأذن الله تعالى :-عَنْ زَيْدِ بْنِ خَالِدٍ الْجُهَنِيِّ رَضِيَ الله عَنْهُ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "مَنْ فَطَّرَ صَائِمًا كَانَ لَهُ مِثْلُ أَجْرِهِ غَيْرَ أَنَّهُ لَا يَنْقُصُ مِنْ أَجْرِ الصَّائِمِ شَيْئًا". فمن فَطَّرَ قوما في يوم عرفة فله عن كل صائم كفارة سنتين غير أجر الصيام،: أخرجه أحمد (4/114 ، رقم 17074) ، والدارمي (2/14 ، رقم 1702) ، والترمذي (3/171 ، رقم 807) وقال : حسن صحيح . وابن ماجه (1/555 ، رقم 17416) ، وابن حبان (8/216 ، رقم 3429) ، والبيهقي فى شعب الإيمان (3/480 ، رقم 4121).

وفى اخر كلامى بقولكم كل سنة... لا لا لا لأ لأ ... قصدى كل عاام وانتم بخير علشان احنا عرفنا الحمد الله دلوقتى الفرق بين السنة والعام وان شاء الله مش نتلخبط تانى .... واشوفكم على خير بعد العيد بأذن الله تعالى ...

هناك 8 تعليقات:

sun of free dom يقول...

كل عام وانتى بخير


سلمت يمناكى

موناليزا يقول...

رغم انى عارفة الفرق بس اوقات كتير بنسى بحكم أن "كل سنة" لغة دارجة عندنا كلنا

بس عموما وبما انك فكرتنا

كل عام وأنت بخير

Qatarat Nada يقول...

كل عام وانت بخير اخى الفاضل
عيد سعيد عليك يارب
وعذرا عن الانقطاع ^^

كلمات من نور يقول...

أهل مصر بس اللي بيقول كل سنة ههههههههه عيدك مبارك يا محمد

ربي يجعل ايامك كلها أعياد

مرايتى يقول...

كل عام وأنت بخير

صحيح هى حاجه بقت دارجه على ألسنة الجميع بس أنا أول مره أعرف جزاك الله خيرا

وكل عام والأمه الإسلاميه بخير

هدى زكريا يقول...

السلام عليكم.... كل عام وأنت بخير وعيد سعيد عليك وعلى المسلمين جميعاً وجزاك الله خيراً على المعلومة الجميلة التي تعد جديدة علي...

nana يقول...

السلام عليكم ورحمه الله وبركاته
كل عام وانت والامه الاسلاميه جميعا بخير وجزاك الله خير على هذه المعلومه الجميله
وبارك الله فيك

قول ياااارب يقول...

كل عام وانت بخييير
بجد كانت المدونه وموضوعاتها وحشتنى لان بجد لازم بخرج منها مستفاده بشىء
جزاك الله كل خير