الاثنين، 11 يناير، 2010

هل انت من هواةةةة الفضائح ؟؟؟ ادخل وشوف ,,,,


السلام عليكم ورحمة الله وبركاتة ,,,,,

اخباركوا اية ياجماعة .... ربنا يعزكوا ويكرمكوا جميعااااااا اللهم امين والمسلمين .... ويتقبل منكم ومنا والمسلمين صالح الاعمال ... ويبعد عنكم كل سوء وتفوزوا بالجنة بأذن الله .... قولوااااااااا امين امين امين يارب العالمين ...

ومعاية اليوم ان شاء الله قصة جميلة ومؤثرة تعالوااااااا نعرفها مع بعض ان شاء الله ::::::

وانا بسمع اذاعة القرأن فشدتنى قصة جميلة قالها شيخ فى الاذاعة وسبحان الله بفتح فى اليوم التانى لقيت نفس القصة وفعلا من حلاوة القصة سمعتها لتانى مرة وهقولقوا عليها علشان اعرف رأيكوا فيها وهل هى تستحق ام لا :---

القصة ان شيخ مسجد حكا لهذا الشيخ انة رأى رؤيا ان الرسول صلى الله علية وسلم اتى الية ويمسك شخص هو يعرفة معرفة جيدة وقال لة ان الشخص دة هيبقى فى منزلة وخير عظيم وبعد ماستيقظ الشيخ ذهب للرجل دة وهو عارفة زى ماقولت معرفة جيدة وقالة انت بتعمل عمل خير او بتصلى كتير او اى بتنام مثلا وقلبك صافى من كل البشر المهم قعد يقرر الراجل علشان يعرف منة اية الاعمال الى بيعملها وصلتة للمنزلة دى وبعد ساعات طويلة والحاح قالة انا هقوللك على السر قالة اتفضل علشان بعد كدة هقولك البشرى الى هتسر قلبك وبدء يحكى الشخص دة انة لما تزوج وبعد خمس شهور لقى زوجتة حامل فى تسع شهور وطبعا كان لية الحق فى كل حاجة ممكن اعملها مثلا (اطلقها او أنهرها او أسرحها بالمعروف) ولكن تغاضيت عن دة كلة وسترت عليها عملا بقولنا رسولنا العظيم الكريم سيدنا محمد صلى الله علية وسلم :-عن ابن عباس مرفوعا : { من ستر عورة أخيه المسلم ، ستر الله عورته يوم القيامة ، ومن كشف عورة أخيه المسلم كشف الله عورته حتى يفضحه في بيته }رواه ابن ماجه .
ولما قرب موعد ولا دتها احضرت لها من يولدها وبعد كدة اخذ المولود وذهبت بة الى المسجد عند صلاة الفجر وقال لما شفتك دخلت تأذن للصلاة انا وضعت المولود داخل المسجد فى ركن من اركان المسجد ولما اقمت الصلاة وصلينا بدء الولد بالصراخ وجرينا جميعا نقول (رضيع بالمسجد رضيع بالمسجد رضيع بالمسجد) وكلنا رددنا (لاحول ولاقوة الا بالله )اين قلب ابوة وامة الذى رموة هذة الرمية ومامنى ان قولت يااجماعة (انا سأكفل هذا الطفل واشهدوا على ذلك) انا سأكفلة وكل من فى المسجد شكرونى واخذتة الى امة كى تقر عينها بة وبعد ان كانت امراة غير صالحة لو فضحتها فى اول الامر اصبحت فى نظر الناس تساعدنى على كفالة الطفل وكل من فى المنطقة يحترمونها ويقدرون معروفها وتلكهى القصة كاملة ياشيخنا .... فأنهمر الشيخ فى البكاء (وقال بارك الله فيك.... بارك الى فيك )وقال لة بعد ذلك البشرى التى عوضتة وفرحتة فرحا شديد ومن ترك شئ لله عوضة الله خيرا منة فعلا والله ياجماعة سبحان الله ... لان الرجل دة ستر زوجتة فربنا عوضة وفرحة وبارك لة فى حيااااااااتة وبعد موتة بأذن الله .وبذكركوا ياجماعة ان من رأى النبى صلى الله علية وسلم فقد رئاة فعلا كما فى الحديث الجميل دة :---1
حدثنا وكيع بن الجراح عن سفيان عن أبي إسحاق عن أبي الأحوص عن عبد الله ، وسفيان عن أبي صالح عن أبي هريرة قال : قال رسول الله صلى الله عليه وسلم : من رآني في المنام فقد رآني ، إن الشيطان لا يتمثل في صورتي .

اية رأيكوا فى القصة والستر على الناس ياجماعة وياريت نطبق دة فى حياتنا وان شاء الله هنلاقى الخير بأذن الله تعالى ...

وسؤال بقى لهواة التشهير والفضائح ونشر الصور على النت وفضح البنات والاسر والعائلات اية رأيك فى مفهوم الستر ... وياترى غيرت رأيك ورجعت نفسك بعد الى قرأتة ؟؟؟؟؟؟؟؟


هناك 23 تعليقًا:

nana يقول...

السلام عليكم ورحمه الله وبركاته
سيدى الفاضل حقا ما رويت شىء اكثر من الرائع ولكن كل انسان او بمعنى اصح رجل فكر لحظة انى ممكن زوجته تكون كده لا يقبل هذا هو شىء مهين لكرامته وصعب بعض الشىءفمنهم لا يقدر ان من المكن تكون هى توبه بالنسبه للزوجهاما بالنسبه لاصحاب الفضائح فهو مرضاو عاده تعودا عليها
فى النهايه يالت كل مسلم يقتدى بهذه القصه الرائعه
واللهم ما استر بنات المسلمين جميعا فى الارض وفى السماء اللهم امين اهدى جميع المسلمين فى الارض وجزاك الله خيرا عنا والمسلمين

ليس فقيرا من يحب يقول...

السلام عليكم

ربنا يباركلك يارب ويجازيك كل خير

قصه رائعه ومؤثرة يا استاذنا

اللهم استرنا فوق الارض وتحت العرض ويوم

العرض عليك

إبتسامة ملاك يقول...

اللهم استرنا فوق الارض وتحت العرض ويوم


بجد عجبنى كلامك ونقلك للقصه بطريقه جميله

ربنا يبعد عنا الشيطان ويبعد عنا ولاد الحرام اللى بيأذو الناس
ربنا يهديهم

تحياتى ليك يا قمر

ومتشكرة ليك دعائك ليا فى مرضى
دمت بكل خير

ريمان يقول...

السلام عليكم

تسلم اديك والله بجد

شكرا ع الموضوع الجميل ده

يا ريت بجد كل الشباب يشوفوا الموضوع ده


تحياتى لحضرتك

كلمات من نور يقول...

اللهم استرنا فوق الأرض واسترنا تحت الأرض واسترنا يوم العرض...حقا إن من ستر مؤمنا فله رضا الله في الدنيا والآخرة ....وماذا عنكم يا أصحاب الفضائح؟

أهديكم هذا المقال للكاتب مشعل السديري..بعنوان إليكم هذه يا أصحاب الفضائح..

http://www.aawsat.com/leader.asp?section=3&issueno=10917&article=491249

مدونتى إسمها مرايتى يقول...

السلام عليكم ورحمة الله وبركاته

جزاك الله خيرا على القصه ربنا يكرمك يارب وينفع بيك

اللهم إسترنا فوق الأرض وتحت الأرض ويوم العرض عليك
اللهم أتم علينا سترك وعافيتك علينا فى الدنيا والأخره

موناليزا يقول...

بتكلم مين يافندم
ده فيه ناس هوايتها قذف المحصنات!!

طهر فؤادك يقول...

السلام عليكم ورحمة الله وبركاتة

ربنا يكرمكوا يارب والمسلمين ... ويبعد عنكم كل سوء وكل شباب المسلمين اللهم امين .... واسترنا ياكريم فوق الارض وتحت الارض ويوم العرض اللهم امين والمسلمين .

- وجزاكم الله خيرا على ردودكم الجميلة الواعية ودعونا نردد جميعا مقولة سيدنا ابو بكر رضى الله عنة وارضاة :-وكان أبو بكر رضى الله عنة إذا مدح قال( اللهم أنت أعلم مني بنفسي وأنا أعلم بنفسي منهم، اللهم اجعلني خيرا مما يظنون واغفر لي ما لا يعلمون ولا تؤاخذني بما يقولون).

Nashwa يقول...

السلام عليكم ورحمة الله وبركاته
ماشاء الله كل موضوع افضل واقوى من اللي قبله
بس المشكلة بقى مين اللي يقرا ويسمع ويفهم ويتعظ بالفعل احنا بقينا فى عصر الناس تسد اذنها عن سماع النصائح خصوصا التى تتعلق بالاخلاق والقيم فى دينا احنا عيزين نكون اكثر ايجابية وتاثيرا وفائدة تعود على الامة الاسلامية كلهاباذن الله
تقبل الله منا جميعا صالح اعمالنا وجزاك الله خيرا

حول العالم يقول...

السلام عليكم
أشكر لك طيب زيارتك
وأتمنى دوام التواصل
أما عن الموضوع والقصة
فما شاء الله قصة بها كل
العبر والعظا فقال رسول
الله صلى الله عليه وسلم:-
"ومن ستر مسلماً ستره الله
فى الدنيا والآخرة والله فى
عون العبد ما دام العبد
فى عون أخيه"
صدق رسول الله
صلى الله عليه وسلم
وربنا يستر هذا الشيخ
كما ستر على زوجته وييسر
الله له أمره فى الدنيا
والآخرة والذى أشد إعجابى
رؤية الرجل فى المنام بأن
الرسول صلى الله عليه وسلم
عرف الرجل أن هذا الشيخ
له منزلة عالية
اللهم استرنا فوق الارض
وتحت العرض ويوم العرض عليك
ومن وجهة نظرى أن مفهوم الستر
هو أن يستر المسلم أخاه يستره
ويدله على الصحيح
وكما قلت
قال أبي صالح عن أبي هريرة
قال رسول الله صلى الله عليه
وسلم : من رآني في المنام فقد
رآني ، إن الشيطان لا يتمثل
في صورتي
صدق رسول الله
صلى الله عليه وسلم
خالص تقديرى
ورابط المدونة كالأتى :-
http://halaem.blogspot.com/

نهر الحب يقول...

اللهم صلى وسلم وبارك على سيدنا محمد
جميلة اوى القصة وسترنا الله ونساء وبنات المؤمنين فى الدنيا والاخرة
وعفا عنا
تحياتى لك ولما تحاولى ارساخة

الشموع السوداء يقول...

القصة مؤثره جدا ويا ريت فعلا كلنا نعمل بيها ونحاول نستر بدل ما نفضح بعض ربنا يقدرك ويقدرنا على فعل الخيرات وترك المنكرات
وتحياتي لهذه المدونة الجميلة

إبتسامة ملاك يقول...

السلام عليكم

ربنا يبارك فيك ويعزك

لو موجود
تعالى عندى عشان انا عملت موضوع اليتيم
وان شاء الله اختى ريمان هتعمله انهاردا هى كمان

منتظراك عندى ان شاء الله تعالى
مودتى
ايناس

إبتسامة ملاك يقول...

http://wwwab0-3ali.blogspot.com/

دا لينك تفاعل معايا ونقل الموضوع

اتمنا انك تزورة

جزاك الله وايانا كل الخير

غير معرف يقول...

السلام عليكم

يا رب تعليقى يوصل

والله انا بقالى تلات تربع ساعه بحاول ادخل على مدونه حضرتك وفين وفين اما فتحت

النت عندى بقاله كتير اوى مش كويس

بطىء جدا لدرجه انى بفتح مدونتى بالعافيه

: واما بيبقى كويس ما بصدق افتح مدونتى وارد على التعليقات بتاعتى ومفيش خمس دقايق الاقيه بقى بطىء تانى

والله النهارده الصبح انا وايناس متفقين اننا هنزل بوست الحمله النهارده قولتلتها تنزله هى الاول وبعدين هنقله منها

ولحد الوقتى مش عارفه انزله بسبب النت

حبيت بس اعرفك انى والله مش مطنشه ولا اى حاجه

بس ظروف النت عندى وحشه جدا
ريمان _مدونه ملائكيه

مدحت محمد يقول...

ربنا اللى بيفضح

واللى بيفضح بيتفضح

دنيا واخرة

رئيس التحرير يقول...

السلام عليكم ورحمه الله وبركاته...
إن لله سبحانه وتعالي تسعه وتسعون اسما ...
منها ...الستار ...كيف تكون بنا صفه من صفات الله ...هذا والله لهو الفوز العظيم
ان تكون ساتراً للعورات .
ومن يستور عورات نفسه يستر الله عليه .
فما بالنا بمن يستر عورات الناس.
بارك الله فيك اخي الكريم
وجزيل الشكر لك علي زيارتك الرقيقه
و يبقي الود والتواصل

حياتى نغم يقول...

السلام عليكم ورحمة الله وبركاته

جزاك الله عنا خيراً ونفع بك .

قصه جميلة فى انسانيتها ورقيها تأثرت بها كثيراً سبحان الله على أخلاق هذا الرجل رضى الله عنه آمين .

ورزقنا وإياكم هذه المنزلة آمين .

المجاهد الصغير يقول...

السلام عليكم
جزاكم الله خيرا
وفقكم الله لما يحبه ويرضاه
ولكن العنوان مش بيدل على القصه دى؟؟
وفقكم الله

غير معرف يقول...

السلام عليكم ورحمة الله وبركاتة

قصة جميلة

من ستر مسلما سترة الله

وربنا يستر المسلمين

وممكن اسئل حضرتك سؤال وبالله عليك تجاوبنى علية

اللى يشوف الرسول وكان لابس جلابية بيضاءوفيها جيب من فوق ذى الجلابيات بتاعت دلوقتى وشاف ملامحة من غير مايشوف لحيتة وبنفس الاوصاف اللى اتوصف بيها

يبقا كدة شافة وهو متأكد انه شافة ومتأكد انه الرسول صلى الله علية وسلم

وربنا يجازيك كل خير

طهر فؤادك يقول...

السلام عليكم ورحمة الله وبركاتة ,,,

جزاكم الله خيرا كثيرا ووفيرا اللهم امين والمسلمين ووففقكم الله الى مايحبة ويرضاة يااحبائى فى الله ....

- وردا على اختى فى الله (مدونة المجاهد الصغير ) فبحترم وجه نظرك جدا بس احب ابين وجة نظرى فى العنوان وانى بقول لهواة الفضائح يشوفوا جزاة الستر ومنزلتة وربنا ان شاء الله يتوب عليهم ويرجعوا الى الطريق الصحيح بأذن الله تعالى وربنا يغفر لهم ماتقبل من ذنبهم وماتاخر بأذن الله والمسلمين اجمعين اللهم امين ...


- اما ردا عن سؤال (غير المعرف ) وهو :- (اللى يشوف الرسول وكان لابس جلابية بيضاءوفيها جيب من فوق ذى الجلابيات بتاعت دلوقتى وشاف ملامحة من غير مايشوف لحيتة وبنفس الاوصاف اللى اتوصف بيهايبقا كدة شافة وهو متأكد انه شافة ومتأكد انه الرسول صلى الله علية وسلم) ...

اولا جزاة الله خيرا على الثقة دى وسؤالى فى النقطة دى وانا بصراحة غير اهل ليها بالدجة الكافية بس انا اجتهدت وجبت الاجابة الحمد الله رب العالمين وهى من موقع متميز ماشاء الله وموثوق فية وفية علماء ماشاء الله ثقات وكمان ردا على فتوى لنفس السؤال والاجابة هى :--

فقد ثبت أن النبي صلى الله عليه وسلم قال: من رآني في المنام فقد رآني، فإن الشيطان لا يتمثل بي.
وفي رواية: فقد رأى الحق. وفي رواية: من رآني في النوم فقد رآني، فإنه لا ينبغي للشيطان أن يتشبه بي. رواه مسلم.
قال الحافظ ابن حجر: فيه إشارة إلى أن الله تعالى وإن أمكنه "الشيطان" من التصور في أي صورة أراد، فإنه لم يمكنه من التصور في صورة النبي صلى الله عليه وسلم. وقد ذهب إلى هذا جماعة قالوا في الحديث: إن محل ذلك إذا رآه الرائي على صورته التي كان عليه، ومنهم من ضيق الفرض في ذلك حتى قال لا بد أن يراه على صورته التي قبض عليها حتى يعتبر الشعرات البيض التي لم تبلغ عشرين شعرة، وقال الحافظ: والصواب التعميم من جميع حالاته بشرط أن تكون صورته الحقيقة في وقت ما سواء كان في شبابه أو رجوليته أو كهوليته أو آخر عمره، وقد يكون لما خالف ذلك تعبير ما يتعلق بالرائي. كذا في الفتح. انتهى تحفة الأحوذي 6/548.
وذكر القرافي في الفروق: أن رؤيته عليه الصلاة والسلام إنما تصح لأحد رجلين:
أحدهما: صحابي رآه فعلم صفته فانطبع في نفسه مثاله، فإذا رآه جزم بأنه رأى مثاله المعصوم من الشيطان، فينتفي عنه اللبس والشك في رؤيته.
وثانيهما: رجل تكرر عليه سماع صفاته المنقولة في الكتب حتى انطبعت في نفسه صفته عليه الصلاة والسلام، ومثاله المعصوم، كما حصل ذلك لمن رآه، فإذا رآه جزم بأنه رأى مثاله كما يجزم به من رآه، فينتفي عنه اللبس والشك في رؤيته، وأما غير هذين فلا يحل له الجزم بل يجوز أن يكون رآه بمثاله، ويحتمل أن يكون من تخييل الشيطان، ولا يفيد قول المرئي لمن رآه أنا رسول الله، ولا قول من يحضر معه هذا رسول الله، لأن الشيطان يكذب لنفسه ويكذب لغيره، فلا يحصل الجزم، وهذا وإن كان صريحاً في أنه لا بد من رؤية مثاله المخصوص لا ينافي ما تقرر في التعبير أن الرائي يراه عليه الصلاة والسلام شيخاً وشاباً وأسود وذاهب العينين وذاهب اليدين، وعلى أنواع شتى من المثل التي ليست مثاله عليه الصلاة والسلام، لأن هذه الصفات صفات الرائين وأحوالهم تظهر فيه عليه الصلاة والسلام وهو المرآة لهم، ..... إلى أن قال القرفي: وإذا صح له المثال وانضبط، فالسواد يدل على ظلم الرائي، والعمى يدل على عدم إيمانه لأنه إدراك ذاهب، وقطع اليد يدل على أنه يمنع من ظهور الشريعة ونفوذ أوامرها، فإن اليد يعبر بها عن القدرة، وكونه أمرد يدل على الإستهزاء به، فإن الشاب يحتقر، وكونه شيخاً يدل على تعظيم النبوة لأن الشيخ يعظم، وغير ذلك من الصفات الدالة على الأحكام المختلفة. انتهى الفروق/4.
والله أعلم.

طهر فؤادك يقول...

السلام عليكم ورحمة الله وبركاتة

نسسيت معلش اكتب مصدر الفتوى واللينك للامانة :-

http://www.islamweb.net/ver2/fatwa/ShowFatwa.php?Option=FatwaId&lang=A&Id=23970

أم مالك يقول...

الابن الفاضل محمد
جاية اسلم واطمن عليك
واشكرك على سؤالك الدائم ودعواتك
جزاك الله عنى كل خير
ربنا يكرمك على نقل هذه القصة لتكون
عبرة فى زمن الفضائح والقذف والتشهير
اللهم استرنا يارب العالمين
ودعواتك يامحمد
تحياتى