الـــــبـــــروفيل المـــــسروق واللعبة الخبيثة ,,,,,,,

السلام عليكم ورحمة الله وبركاتة ،،،،

الموضوع خطير جداااااااا جداااااااااا ياجماعة بجد ,,,,

الموضوع بدأ انى لقيت حد معلق عندى فى مدونتى ... وانا بفرح بتعليق وتواصل كل واحد لانة كلة خير وفى صالح الموضوع ونصرة للدين ... بس الى حصل كانت لعبة خبيثة وتعليقات ملحدة ولازم اكشفها ليكوا ولكل المتابعين وكل المدونيين الى بيحافظوا على الدين وعلى الرسول صلى الله علية وسلم ...

تفاصيل اللعبة الخبيثة : -

اولا الناس دى بتستغل البروفيل بتاع المدونين الى بيحافظوا على الدين وبينشروا كل ماهو مفيد وفى مصلحة الاسلام والمسلمين والى بيعملوا حملات جميلة لاطفالنا وللمستشفيات وحملات التبرع لكل محتاج ولكل ماهو خير ونصرة للدين ... واللعبة بتبدأ انهم بينشئوا مدونة بيحطوا عليها صور اباحية وصور لاترضى الله ولا الرسول صلى الله علية وسلم وبعد كدة بياخدوا الصورة بتاعة المدون ويعملوا ملف تعريفى او (بروفيل ) طبق الاصل لبروفيل المدون بحيث لما يدخل يعلق فى اى مدونة يكون هو الشخص دة ... ولما تدخل على ملفة او بروفيلة وتدخل بعد كدة على مدونتة تلاقى مدونة تانية خالص بصورة قبيحة ومخالفة ... وبالتالى لو شخص مايعرفش الانسان دة هيرد الاساء ة بالاساءة وهيدخل ويشتم على مدونة الشخص الاصلية لو علق عندة مرة تانية ويكون الشخص الحقيقى .... يبقى عملوا حاجتين الاولى انهم شوهوا مدونة الانسان الكويس دة الى حريص على دينة ورضاة الله ورسولة والحاجة التانية انهم خلوا المسلمين يشتموا فى بعض والمدونين ميكنش عندهم ثقة فى بعض ........ يااااااااااة فعلا لعبة خبيثة وافكار شيطانية بس الحمد الله المسلمين مترابطين وفهمين كل الالعاب دى والافكار الشيطانية .... وانا قولت لازم اكتب الموضوع دة وبسرعة ولازم ننشرة ياجماعة قبل ماكل مسلم يشتم فى اخوة المسلم .......

*** اما عن الى عملوا العملة دى فالحمد الله اسلامنا ودينا العظيم حثنا على عدم رد الاساءة بالاساءة لان الرسول العظيم الكريم الحليم علمنا كدة وفى حديثة قال : - قال رسول الله صلى الله علية وسلم " ليس المؤمن بالطعان ولا باللعان ولا بالفاحش ولابالبذئ " ...

صدقت يارسول الله فيما قولت وفداك ابى وامى ونفسى قبلكما ياحبيبى يارسول الله ...... وكل الى هنقولة للناس دى

" حسبى الله ونعم الوكيل "

"وفوضنا امركما الى الله " .

تحديث فى 1 / 11 / 09 :- طريقة جديدة ياجماعة خلوا بالكوا شفتها وتتبعتها وقولت لازم اقولكوا علشان تعرفوها وتاخدوا بالكوا .... من ان واحد من الاشخاص الى انتحل شخصيتة الشخص دة الى اتكلمنا علية والله يهدية اللهم امين والمسلمين ... بدأ يدخل المدونات وينبة الناس ان واحد منتحل شخصيتة وصورتة والبروفيل بتاعة وحط لينك مدونتة الاصلية .... فتخيلوا عمل اية بقى المنتحل المتتبع للمدونين دة راح واخد كل كلامة ودخل بالبروفيل المزور وبدأ يحط الكلام دة على المدونات بحيث الناس تدخل على البروفيل ويأكد الكلام السئ والظن السوء على المدون المحترم دة .... فياريت ياجماعة نخلى بالنا من كل الاساليب دى وربنا يحميكوا من كل سوء اللهم امين .... وان شاء الله اى جديد ربنا ينور بصيرتنا ونكشفة بأذن الله لنصرة الاسلام والمسلمين اللهم امين .

ايـــــــــــمـــــــــيــــــلات محيرااااااااااااااااااااااااانى ؟؟؟

السلام عليكم ورحمة الله وبركاتة ,,,,

اخباركوا اية يااصدقائى واحبائى فى الله .... الموضوع بتاع النهاردة مجرد استفسار صغير وعاوز رد علية الله يكرمكوا يارب جميعا والمسلمين .... اصل الموضوع كتر وزاد عن حدة بشكل غريب ومش عارف الغرض منة اية وقولت ممكن يكون عندكوا اجابات عن استفسارى فياترى هتجوبونى ولا هفضل فى حيرة على طول ... واليكم الموضوع الى شغلنى ومحيرنى :----

بدأت في الاونة الاخيرة تظهر ايميلات عن انفلوانزا الخنازير

وفي غالب هذه الايميلات نجد فتاوى
وفي غالب هذه الايميلات نصائح للناس لتجنب اماكن العبادات التي فيها ازدحام
هناك ايميلات عن تجنب الذهاب الى العمرة والحج او
وهناك ايميلات تحث على عدم السلام على الاشخاص بعد كل صلاة ...

وايضا عدم الذهاب الى صلاة الجمعة والجماعة والاكتفاء بالصلاة في البيوت حتى لا تنتقل العدوى.....

ولم اجد اي ايميل ؟؟؟؟؟
لم اجد ايميل يطالب من الدول ايقاف العمل في هيئات الهجرة والجوازات التي تكتظ باالاف المألفة من الناس

لم اجد ايميل يطالب بايقاف العمل في هيئات المرور وتجديد الرخصة
لم اجد ايميل يطالب بوقف السفر بين البلدان لان الطيارة عامل من عوامل انتشار الفيروس .....

وكذلك الانتقال بين البلدان يساهم بدرجة كبيرة في انتقاله
لم اجد من يطالب بمنع الافراح

لم اجد من يطالب بمنع الحفلات الليلية في الفنادق والمطاعم


لم اجد من يطالب في الدول الغربية بايقاف الحفلات الصاخبة للفنانين

ولم اجد ! من يطالب باغلاق المولات ومراكز التسوق لانها مراكز تجمع اعداد كبيرة وبشكل مزدحم

ولم اجد من يوقف الدراسة في المدارس والجامعات الاجنبية المنتشرة في البلدان الاسلامية وهى الاساس فى انتشار البلاء .....
لم اجد من يوقف الدوري الاوروبي والمصرى والخليجى والعربى والملاعب تكتظ بالمتفرجين

ودور السينما لم يتخذ معها اجراء ولم اجد حتى فتوى

لم اجد
لم اجد
لم اجد
لم اجد
وانما وجدت المطالبة بماهو يبعد عن الدين وشعائر الاسلام فقط
فياترى وصلت الرسالة ؟؟؟؟؟؟؟؟

صــــححــــى حـــجابك تســـعدى بحياتك ,,,,,,,

السلام عليكم ورحمة الله وبركاتة ,,,

اخباركم اية يااصدقائى واحبتى فى الله ... اولا بقول ربنا يكرمكوا يارب والمسلمين على كل ماتقدموة دائما من خير ومشاركتكم فى كل حملة او جروب او مدونة تساعد الشباب الى الطريق الصح ... وجزاكم الله خيرا ان شاء الله وجعلة فى ميزان حسناتكم والمسلمين اجمعين اللهم امين .

اما عن موضوع اليوم وهو موضوع " صححى حجابك " فالموضوع فعلا شدنى ولقيتة مهم جدا اننا نتكلم فية كلنا وناقش بعض ونفكر لانة فعلا مهم و ربنا يكرمنا جميعا ونوصل الى مايرضى الله ورسولة سيدنا محمد صلى الله علية وسلم .

- وهنتناقش فية من وجة نظر اننا عاوزين نرضى ربنا بأذن الله ونكمل الى بدأناة لان كتير من البنات بدأت الحمد الله واتحجبت بس للاسف الججاب فية شوية ملاحظات وانا جايب فيديو للداعية الجميل الحبيب مصطفى حسنى ومعاة خمس بنات (مانيكان طبعا ) بيوضح عليهم ازاى تصححى حجابك وتكون خطوة بأذن الله لكمال الحجاب وطبعا الكمال لله وحدة بس ان شاء الله الفيديو دة يوضح ازاى تصححى حجابك علشان ترضى الله ورسولة بأذن الله تعالى واليكم الفديو وبعد كدة نتكلم عن الحجاب والستر بوجة عام :--

وبعد ماشاهدنا الفيديو وبيوضح فية كل شئ وجزاة الله خيرا على التوضيح هنشوف صور لحملة رائعة وبرضوا بتحث على "تصحيح الحجاب واليكم الصور :-

**** وتعالوا نعرف مع بعض لية اسلامنا العظيم الكريم فرض الحجاب ولية امر المسلمات بأرتدائة ؟؟؟؟ هنعرف حالا م بعض ..

جاء الإسلام مكملاً لمكارم الأخلاق منادياً بالبُعد عن كل ما يثير الغرائز ويحرك الشهوات وذلك من أجل إصلاح البشرية والسمو بها عن مرحلة البهيمية والفوضى إلى مراتب مرتفعة من العفة والطهارة. قال عليه الصلاة والسلام: "إنما بُعثت لأتمم مكارم الأخلاق". ولأن الشهوات والغرائز الطبيعية جزء أساسي من تكوين الإنسان فقد سعى الإسلام لضبطها وتوجيهها التوجيه الصحيح فشرع الزواج قناة وحيدة لإشباع الغرائز والشهوات وإنشاء الأسرة التي هي النواة الرئيسية للمجتمع الإسلامي. ولأن النفس أمارة بالسوء فقد حرَّم الإسلام كل ما يمكن أن يؤدي إلى إثارة غرائز الإنسان أو تهييج شهواته، لذا جاء الأمر الرباني للمسلمين بأن يغضوا من أبصارهم وأمر المسلمات بارتداء الحجاب يحفظن به أنفسهن وحرَّم عليهن التبرج والسفور ومخالطة الرجال غير المحارم، قال تعالى (وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاء بُعُولَتِهِنَّ أَوْ أَبْنَائِهِنَّ أَوْ أَبْنَاء بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُوْلِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاء وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ).

ولأن أمر الحجاب في الإسلام عظيم فقد جاء الأمر الرباني للنبي الكريم عليه الصلاة والسلام بأن يأمر أزواجه وبناته قبل نساء المؤمنين بارتداء الحجاب، قال تعالى: (يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ وَكَانَ اللَّهُ غَفُورًا رَّحِيمًا). فإذا كان الأمر بالحجاب قد بدأ بأزواج النبي (صلى الله عليه وسلم) وهن العفيفات الشريفات الطاهرات فكيف ببقية نساء المؤمنين وخاصة في هذا الزمان الذي انتشرت فيه الفتن وصار فيه الدين غريباً؟ من أجل ذلك توعَّد الله عز وجل المتبرجات المظهرات لزينتهن لغير أزواجهن بالعذاب الأليم يوم القيامة قال صلى الله عليه وسلم في وصف أهل النار (صنفان من أهل النار لم أرهما، قوم معهم سياط كأذناب البقر يضربون بها الناس، ونساء كاسيات عاريات مائلات مميلات، رؤوسهن كأسنمة البخت المائلة لا يدخلن الجنة ولا يجدن ريحها وإن ريحها ليوجد من مسيرة كذا وكذا).

التبرج هو إظهار المرأة زينتها لغير محارمها وهو من الأمور المحرمة في الإسلام لأن المقصود منه هو إثارة شهوات الرجال من غير الأزواج وإحداث الفتنة في المجتمع. أما الحجاب فهو نقيض التبرج ويُقصد به الستر والإخفاء ومنه حاجب العين الذي يمنع عنها الغبار والأتربة وأشعة الشمس وحاجب الملوك أو الرؤساء والذي يمنع عنهم الدخلاء والمتطفلين والمتسكعين. وتقتضي فطرة الإنسان العفة والطهارة ولذلك نجد أن إبليس اللعين عندما أغوى آدم عليه السلام وزوجه بالأكل من الشجرة المحرمة وتم له ما أراد، سقطت عنهما ثيابهما وبدت لهما عورتاهما فأخذا يلتقطان من أوراق الشجر ليخفياهما وذلك التصرف الطبيعي والتلقائي الذي قاما به من دون أن يأمرهما به أحد يدل على أن الأصل في الفطرة البشرية العفة والطهارة وإخفاء العورات. قال سبحانه وتعالى: (فَدَلاَّهُمَا بِغُرُورٍ فَلَمَّا ذَاقَا الشَّجَرَةَ بَدَتْ لَهُمَا سَوْءَاتُهُمَا وَطَفِقَا يَخْصِفَانِ عَلَيْهِمَا مِن وَرَقِ الْجَنَّةِ وَنَادَاهُمَا رَبُّهُمَا أَلَمْ أَنْهَكُمَا عَن تِلْكُمَا الشَّجَرَةِ وَأَقُل لَّكُمَا إِنَّ الشَّيْطَآنَ لَكُمَا عَدُوٌّ مُّبِينٌ).

كانت النساء قبل الإسلام وفي عهد الجاهلية يتبرجن ويلبسن الملابس الخفيفة ويمشين في الأسواق ويعرضن أنفسهن على الرجال، لذلك جاء الأمر من عند الله لنساء المسلمين بارتداء الحجاب، قال تعالى: (وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الْأُولَى وَأَقِمْنَ الصَّلَاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ إِنَّمَا يُرِيدُ اللَّهُ لِيُذْهِبَ عَنكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا).

أما في العصر الحديث فقد تفننت النساء في ابتداع أساليب جديدة من التبرج والسفور وصارت المصانع الغربية تمد بلاد المسلمين بالملابس الضيقة الشفافة التي تكشف أكثر مما تستر، وتزيد من مفاتن النساء. وغمرت هذه المصانع أسواق المسلمين بأنواع كثيرة من المساحيق والطلاء والعطور المثيرة للشهوات وأنواع شتى ومتباينة من الأحذية التي تجعل النساء يتمايلن في مشيتهن ويبالغن في التغنج والدلال..

بعد ماستعرضنا الحمد الله جوانب متعددة هسأل سؤال ياترى استفدنا من الموضوع ؟؟ ... ياترى كل واحدة هتسأل نفسها انا حجابى صح ولا لا ؟؟؟؟ ... والموضوع متروك ليكم وبأذن الله النتيجة ان شاء الله مرضية وفى صالح العفة الوطهارة والستر بأذن الله وانا واثق من كدة وفى صالح مرضاة الله ورسولة سيدنا محمد صلى الله علية وسلم .

يوم من غــــــــ (facebook)ــير مش هنموت ,,,,,,,,,,,,

الموضوع مهم جدا جدا جدا جدا جدا

ياجماعة كفاية إهانة للإسلام والمسلمين من قبل الغرب ... بجد حرام علينا اللى بيحصل دا واحنا :) .......
الإسلام بيتهان أمام أعيننا ........
وإحنا مش بنعمل حاجة ............
أنا موضوعى عن شئ مش هتخسر فية حاجة لكن فى طرف آخر هيخسر وهومقاطعة الفيس بوك يوم 24أكتوبر
كفاهم إهانة للإسلام والمسلمين.............................

تم تحديد يوم 24 أكتوبر من اجل توقيف الغرب عند حدودهم من أجل رسولنا الكريم المبعوث الينا بالحق ثم يسب على ايدى الكفرة ومن اجل ديننا الحنيف الذى يستهتر بيه ومن اجل القران الكريم الذى يستهزء بصفحاته محدش يقول انا غيرى مقاطع ادخل انا ؟ هو انا هفرق ؟ اه هتفرق عارف ليه ؟عشان لو كل واحد قال زيك يبقى مش مقاطعة ياريت نكون ايجابين يا جماعة ونقف وقفة رجالة..... اعمل اى حاجة اليوم دة تصفح موقع دينى جميل وليكن موقع رسول الله مثلا لانة مسلى ومفيد جدا....او اتسلى فى حاجة تنفعك او تنفع بلدك... او اعتبر النت فصل عن مصر كلها والوطن العربى زى ما حصل قبل كده ... اواعتبر ماتش المنتخب وانت مش فاضى للنت .. بالله عليكو اليوم ده لازم العالم كلو يشهد بيه .... ومش كتير على الرسول وعلى الاسلام وعلى القرأن يوم واحد نقاطع فيه الفيس بوك؟
شكرا ليكو يا مسلمين..............

تعرفوا اليوم دة ممكن يخسرهم كام (توضيح بس للناس الى بتقول يوم واحد هيفيد بأية ودة مش هيأثر فيهم )1

الناس اللى دارسة سوفت وير هتفهم كلامى كويس او حتى مش دارسة هتفهم برضوا لان الموضوع مش محتاج فلسفة ... لان كل ضغطة من الموس فى موقع الفيس بوك وكل صفحة بنقلبها دى فلوس داخلة للموقع وكل زيارة انت بتعملها للموقع دة فلوس داخلة للموقع لان لازم الفيس بوك يزود عدد الزيارات اليومية اللى بتسجلها شركة ميكروسوفت ومن خلالها بيبقى زوار الموقع كتير وبالتالى يطلب اكتر واكتر فى ثمن الاعلانات وده غير عقد المساحة اللى بتمنحها شركة ميكروسوفت زيادة مع كل زائر جديد يعنى لو اليوم ده قاطع الموقع مليون واحد من الناس اللى بتدخل كل يوم و الناس اللى من الوارد ان فى اى يوم ميدخلوش لاى ظروف الموقع هيخسر نسبة كبيرة وبالتالى هيبقى اليوم ده خسارة كبيرة جدا جداهيبحثو عن الاسباب وهيعرفو اننا بنطالب مسح الجروبات اللى بتسب المسلمين وعلى فكرة فى اكتر من الف موقع اسلامى عاملين نفس الدعوة للمقاطعة يعنى مش هنا بس ولا احنا لوحدنا اللى هنعمل دة .وكما قال حبيبنا المصطفى رَسُولَ اللَّهِ صَلَّى اللَّهُ عَلَيْهِ وَسَلَّمَ : " مَنْ رَأَى مُنْكَرًا فَلْيُغَيِّرْهُ بِيَدِهِ ، فَإِنْ لَمْ يَسْتَطِعْ فَبِلِسَانِهِ ، فَإِنْ لَمْ يَسْتَطِعْ فَبِقَلْبِهِ ، وَذَلِكَ أَضْعَفُ الإِيمَانِ "

يا جماعه عايزين كلنا نقاطع الفيس بوك يوم 24 اكتوبر عشان متجاهلين مشاعر كل المسلمين و كل شويه يطلع جروب يشتم في الدين و ناس تعمل مقارنة بين سيدنا محمد و حجات اقل ما يقال عنها انها تافهة و اخرها جروب كتابه القرآن على ورق مناديل التوليت.........و عملنا حملة عشان ادارة الفيس تقفل الجروب و وصل الريبورت ل33000 و مشلوش الجروب بردو و احنا لو عملنا حاجه بتسيء لليهود بيشلوها على طول........ بليز يا جماعه عيزين نتحرك و نعمل حاجة لدينا نقدر ان احنا نعملها و معتقدتش انكم متقدروش انكو تدخلو الفيس لمدة يوم واحد !!

دا كلام منقول من جروب المقاطعة وجروبات تانية هتشارك فى الحملة دى والمقاطعة وعلى فكرة مش جروب واحد دا مليون جروب بالله عليكوا الموضوع منتشر وعاوزين ناخد الاجر الله يكرمكوا سوا ومش عاوز يقف علينا فقط انا عاوز اى شخص مشترك فى اى موقع يعمل إقتباس للموضوع دة وينقلة على الموقع دة والله مش هتخسر حاجة مش فى حاجة بإيدينا نعملها إلا كدا..

اللهم قد بلغت اللهم فاشهد (شارك تأجر بأذن الله ),,,,,

مش هنسيبك مش هنسيبك .... ياأقصى مش هنسيبك ,,,,,

السلام عليكم ورحمة الله وبركاتة ,,,,,

اخباركوا اية ياشباب واحبائى فى الله جميعا .... يارب تكونوا بصحة وعافية وحب واخوة فى الله وعز وفخر اننا مسلمين وموحدين بالله ....

وبعد الحمد الله مااتعونا فى حملتنا الجميلة الخيرة " مدونتك هتنقذ طفلك " والى ماشاء الله لقت اقبال جميل منكم وحب للخير ودة المتوقع من شعبنا الجميل الطيب الحنون وربنا يتقل منكم يارب صالح الاعمال .... ان شاء الله نشارك مع بعض فى حملة عظيمة و مهمة جدا بالنسبة لكل مسلم لان الحملة دى بتتكلم عن جزء غالى علية فى الجسد العربى وجزء مفقود من وطنا العربى الى جميعا بندور علية فى كل وقت وعلى نصرتة وان شاء الله انا عندى امل فى الله اننا فى يوم من الايام هنتحد وهنرجع الجزء دة وهو " مسجدنا الاقصى العظيم " علشنا احنا بنحبة ومش هنسيبة بأذن الله تعالى وحاسس ان كل واحد بيقرأ الكلمات والعبارات دى بيردد فى نفسة العبارة دة " مش هنسيبك مش هنسيبك ... ياأقصى مش هنسيبك " لانة حتة مننا كلنا كمسلمين وكفاية ان حبيبنا ومعلمنا ومعلم البشرية جمعاء وقدوتنا العظيمة سيدنا محمد صلى الله علية وسلم بيحبة فواجب على كل مسلم انة يحط المسجد الاقصى العظيم دة فى عنية ويجاهد بكل مالة وقوتة فى نصرتة ويرتحل الية كما قال رسولنا العظيم :-عن أبي هريرة قال: رسول الله صلى الله عليه وسلم" لا تشد الرحال إلا إلى ثلاثة مساجد ‏‏: المسجد الحرام، ومسجد الرسول صلى الله عليه وسلم، ومسجد الأقصى " رواه البخاري ‏ومسلم.‏..

- وكمان يااحبائى فى الله من عظمة المسجد الاقصى ان الصلاة فية بكام ياترى عارفين ... ماشاء الله حاسس اننا كلنا جوبنا ... فعلا يااحبائى فى الله فضل الصلاة فية بخمسمائة صلاة كما قال حبيبنا سيدنا محمد صلى الله علية سلم :- فروى البزار والطبراني من حديث أبي الدرداء رفعه:" ‏الصلاة في المسجد الحرام بمائة ألف صلاة، والصلاة في مسجدي بألف صلاة، والصلاة بيت ‏المقدس بخمسمائة صلاة " قال البزار: إسناده حسن، ..... ماشاء الله فأحنا عاوزين فضل اية اكتر من كدة وحب اية اكتر من كدة علشان ننصر المسجد العظيم المنتهك من الصهاينة ازلهم الله قولوا امين امين امين يارب العالمين ...

- وبما اننا أتعودنا نكون ايجابيين بفضل الله من حملتنا الى فاتت .... ان شاء الله وبأذنة تعالى هنكون فى الحملة دى برضوا ايجابيين واكثر ايجابية كمان وهننصر المسجد الاقصى بأييدينا او بلسانا او بغضب فى القلب ودة اضعف الايمان ...كما قال حبيبنا المصطفى رَسُولَ اللَّهِ صَلَّى اللَّهُ عَلَيْهِ وَسَلَّمَ : " مَنْ رَأَى مُنْكَرًا فَلْيُغَيِّرْهُ بِيَدِهِ ، فَإِنْ لَمْ يَسْتَطِعْ فَبِلِسَانِهِ ، فَإِنْ لَمْ يَسْتَطِعْ فَبِقَلْبِهِ ، وَذَلِكَ أَضْعَفُ الإِيمَانِ " .... واحنا ان شاء الله فى الحملة دى هنعمل كدة بأذنك يارب... هنغير المنكر الى شيفينة من قبل اليهود المغتصبين للمسجد الاقصى بكل الوسائل دى ان شاء الله والى قادر على اى وسيلة من الوسائل دى يعملها وان شاء الله تكون فى ميزان حسناتة بأذن الله تعالى وهنبدأ بشعار الحملة والى هو موجود فية صورة الشيخ القرضاوى وهنعممها على المدونات كلها ان شاء الله وربنا يكرم ونكون ايجابيين فى نصرة مسجدنا الغالى بأذن الله .

- وفى نهاية كلامى هختم بقصيدة قراتها وعجبتنى لغسان عيسى وبتعبر عن الحب للاقصى وان شاء الله ربنا يتقبل منكم ومنا والمسلمين صالح الاعمال ومعانا ان شاء الله فى كل الحملات لنصرة كل ماهو غالى علينا ان شاء الله وياريت نوحد الدعاء كلنا قبل مانقرأ القصدة دى ونقول :-

" اللهم انصر اخواننا فى فلسطين وفى كل ارض مغتصبة من اراضى المسلمين اللهم امين ....

اللهم قوي إيماننا ووحد كلمتنا وانصرنا على أعدائك أعداء الدين.....

اللهم شتت شمل اعداء المسلمين واجعل الدائرة عليهم اللهم امين ...

اللهم اخسف بهم الارض وارنا فيهم عجائب قدرتك ياجبار اللهم امين امين امين ...

وصلى اللهم على سيدنا محمد والة وصحبة وسلم ........

واليكم القصدة :-

يا مسجدي المحزون ، في ذكرى ضياعك أرسل لك هذه الرسالة ،

بعدما ضمنتها اللواعج والخواطر .والآمال والآلام.

والأنين والحنين .فأنا لم أنسك .

وهل يحق لمثلي أن ينسى مثلك.فأنت أنت الوحيد.وأنت أنت الفريد.

وأنت بعد أخويك لنا عيد.

أنا يا مسجدي الحبيب من خضّب ترابك جبيني ومن كان شوقي إليك دوماً وحنيني

وكنت ملء سمعي وعيوني لا تلمني إن سكبت اليوم الدموع

وانطوت مني على الشوق الضلوع وأصبحت أذوي كما تذوي الشموع .

لطالما حملت زوجتي وأطفالي إليك يسرحون ويمرحون في دروبك وعلى مصاطبك وساحاتك

ولطالما حملت طالباتي إليك يؤدين الصلوات ويسمعن المحاضراتثم يرجعن إلى مسكنهن فرحات مسرورات لله

در تلك الليالي الغاليات ليالي الصيام والطاعات ليالي الإفطار الجماعية والركعات الطويلات الرائعات لله

در تلك الجمعات الفراء وتلك الليلة الزهراء ليلة القدر والخير السّناءفيها الألوف المؤلفة والصفوف المرصوصة

والأكف المرفوعة الضارعة تسأل المولى أن يحميك وأن يدفع الأذى عنك وعن محبيك في نواحيك كانت لي ذكريات

وصلوات ودعوات وفي أرجائك كانت قصص وحكايات وأحداث جسام داميات .

شكر واجب لمن شاركونا فى انجاح حملتنا "مدونتك هتنقذ طفلك" ,,,,

السلام عليكم ورحمة الله وبركاتة ,,,

ابدأ كلامى الطيب للطيبين الى ربنا يباركلهم يارب فى صحتهم وعافيتهم وخيرهم اللهم امين والمسلمين ... وأبدأ واقول هذا الحديث الجميل :-عن أبي هريرة رضي الله عنه مرفوعا { لا يشكر الله من لا يشكر الناس } إسناد صحيح رواه أحمد وأبو داود والترمذي قال في النهاية : معناه أن الله تعالى لا يقبل شكر العبد على إحسانه إليه إذا كان العبد لا يشكر إحسان الناس ويكفر أمرهم ; لاتصال أحد الأمرين بالآخر ، وقيل معناه : أن من كان عادته وطبعه كفران نعمة الناس وترك شكره لهم كان من عادته كفر نعمة الله عز وجل وترك الشكر له ، وقيل معناه أن من لا يشكر الناس كان كمن لا يشكر الله عز وجل وأن شكره كما تقول لا يحبني من لا يحبك أي : أن محبتك مقرونة بمحبتي فمن أحبني يحبك ، ومن لا يحبك فكأنه لم يحبني . أن الله سبحانه لا يقبل شكر العبد على إحسانه إليه إذا كان العبد لا يشكر إحسان الناس ويكفر معروفهم. اهـوهذا الحديث فيه ذم لمن لم يشكر الناس على إحسانهم، وفيه أيضا الحث على شكر الناس على إحسانهم.وشكر الناس على إحسانهم يكون بالثناء عليهم، وبالكلمة الطيبة وبالدعاء لهم ....

***** بعد الحديث الجميل دة وفهم معانية العظيمة الجليلة ... احب اشكر كل من ساهم معنا فى انجاح حملتنا " مدونتك هتنقذ طفلك " ومش تتصورا مدى فرحتى لنجاح الحملة وتفاعلكم مع الحملة وفكرتها البسيطة وفى نفس الوقت ان شاء الله تدر خير وفير وعظيم على اطفالنا فى مسشتفى "57357 " وان شاء الله اللوجو ولينك التبرع مستمر على مدوناتكوا وصدقة جارية بأذن الله واحب ابشركم ان عدد المدونات ماشاء الله فى ازدياد بفضل نشركم الجماعى للحملة وتفاصيلها ... وان شاء الله الحملة مستمرة وكل واحد تأخر لظروف خارجة عن ارادتة بنقولة ان الخير مستمر ان شاء الله وممكن تلحق وتنشر علشان الحملة مستمرة بأذن الله تعالى ومش هتتوقف طول مافية ناس زيكوا خيرين وربنا يتقبل منكم ومنا والمسلمين صالح الاعمال اللهم امين امين امين .

- واحب ابشركم ايضا ان عدد المشاركين فى حملتنا على الفيس بوك فى تزايد ايضا بفضل الله ونشركم وموجود لينك الدخول على الحملة فى مدونتى على اليمين او لمن يحب ان يشاركنا الحملة وياريت كل واحد عندة صديق وممشتركش فى الحملة يقولة يشترك فى الجروب وان شاء الله يكون فى ميزان حسناتة .

- وربنا يكرمكوا يارب وكل طفل فى المستشفى وصلة خيركوا ومساهمتكم فى وصول المتبرع الية وهو فى بيتة بيدعلكوا وعلى فكرة مش تفتكروا وجود اللوجو واللينك حاجة قليلة... لاطبعا بالعكس... بحب اطمنكوا انة صدقة جارية اولا ان شاء الله وتانى حاجة ان لو وصلنا ان شاء الله لكل مدونات مصر بس وعددها فوق المليون مدونة ولو اتبرع كل واحد بالوسيلة بتاعة التليفون بس وكل واحد ولو دقيقة يبقى لمينا بعون الله وفضلة حوالى اتنين مليون جنية واتر طبعا ودى وسيلة واحدة بس وتخيلوا بقى باقى الوسائل وان شاء الله ربنا كريم ومعين وربنا يتقبل منكم ومنا والمسلمين صالح الاعمال اللهم امين ....

- واحب ابشركم ايضا فى اخر كلامى ان الى انتوا عملتوة من علامات تقبل شهر رمضان العظيم الجميل ان شاء الله لان من علامات قبول عملك في رمضان استمرارك على الطاعة بعده.. والحسنة تتبعها الحسنة والسيئة تجر السيئة وربنا يبعدنا عن السيئات جميعا والمسلمين اللهم امين .

وربنا يتقبل منا ومنك والمسلمين صالح الاعمال ويثبتنا على طاعتة وحسن عبادتة اللهم امين .

(ياريت اعرف ردود فعل الناس فى مدوناتكوا عامل ازاى ومتفاعل مع الحملة ولا لا ... وربنا يجزيكوا خير اللهم امين والمسلمين ؟)