الأربعاء، 9 ديسمبر 2009

شاركونى ياأحبائى فى حملة " اكفلة وهيدخلك الجنة " ,,,


السلام عليكم ورحمة الله وبركاتة ,,,
اخباركوا اية ياجماعة الخير والحب والمودة والرحمة .... وربنا ييكرمكوا يارب دايما بطاعة الله ورسولة سيدنا محمد صلى الله علية وسلم ... الموضوع اليوم ان شاء الله عن حملة ان شاء الله تنطلق على خير من المدونة هنا وان شاء الله كعادتكم فى المساعدة فى كل شئ خير وربنا يكرمكوا على دة دايما ويثبتكوا اللهم امين ان شاء الله هتسعدونى فى الحملة دى بأذن الله تعالى ... وان شاء الله نثتثمر نجاح الحملة الى فاتت وهى حملة " مدونتك هتنقذ طفلك " الى كانت عن مستشفى 57357 (مستشفى سرطان الاطفال ) وماشاء الله الحملة دى لقت نجاح الحمد الله وبفضل الله كبير وانتشرت بمساعدتكوا على كل المدونات وكمان اللجو بقى منور فى مدوناتكوا وصدقة جارية بأذن الله تعالى وان شاء الله يكون فى ميزان حسناتكوا اللهم امين والمسلمين .... ومن منطلق نجاح الحملة دى ان شاء الله ربنا يكرمنا فى الحملة الجديدة بأذن الله ويكون ليها اثر طيب بأذن الله ونحاول نعمم الفكرة وان شاء الله تكون خطوة فى مساعدة غيرنا ان شاء الله من المحتاجين للمساعدة وهم فئة الفاقدين الاهل " اليتماء " ومعلش اعذرونى لو اللغة مش مساعدانى شوية فأن شاء الله تتغاضوا لو فية تقصير وربنا يتقبل اعمالنا ان شاء الله ويتجاوز عن تقصيرنا بأذن الله ....

فكرة الحملة فى ايجاز يااحبائى واخوانى واخواتى فى الله :---

الفكرة بسيطة اننا هنحاول نساعد ان شاء الله كل يتيم بأذن الله تقع علية عينا بأذن الله وعلى فكرة دى مش مبالغة ولا حاجة يعنى مش شرط بأموال بس ... علشان فكرة الاموال دى ان شاء الله هتكون فى خطوة تانية فى الحملة بأذن الله لكن اول حاجة هنبدأ فيها ان شاء الله هتكون بلمسة وفاء وحب وحنية وعطف ورقة ... يعنى بمعنى مش شرط تشترك فى جمعية او دار ايتام علشان تعمل دة لكن لو حد جنبك فى الشارع او العمارة او فى الطريق ... علشان دة مش كلامى والله ياجماعة دة كلام سيد الخلق اجمعين سيدنا محمد صلى الله علية وسلم وهنعرف ازاى حالا :---عن أبي الدرداء رضي الله عنه أنه أتى النبي صلى الله عليه وسلم رجل يشتكي قسوة قلبه فقال له : " أتحب أن يلين قلبك وتدرك حاجتك؟ ارحم اليتيم ، وامسح رأسه وأطعمه من طعامك يلن قلبك وتدرك حاجتك" . أخرجه الطبراني وصححه الألباني، إلى غير ذلك من الأحاديث الواردة في فضل كفالة اليتيم والإحسان إليه ...

- وتانى خطوة ان شاء الله ياجماعة نحاول نشوف دار ايتام او يتيم نكفلة وفية دور كتيرة جدا وانا معاية موقع لدار الارمان وهو :-http://www.dar-alorman.com/ ......والجمعية دى ليها نشاطات كتيرة ومنها كفالة يتيم ولو حد عندة دار جنبة للايتام يتوكل على الله ويبدأ منها وربنا هيجزية خير ان شاء الله وفير بأذن الله تعالى لقول رسولنا العظيم سيدنا محمد صلى الله علية وسلم :-في الصحيحين من حديث أبي هريرة رضي الله عنه أن رسول الله صلى الله عليه وسلم قال: " الساعي على الأرملة والمسكين كالمجاهد في سبيل الله" ، وأحسبه قال : "كالقائم الذي لا يفتر وكالصائم الذي لا يفطر". والغالب في اليتيم أن يكون مسكيناً .

وفي البخاري عن سهل بن سعد رضي الله عنه أن رسول الله صلى الله عليه وسلم قال: " أنا وكافل اليتيم في الجنة هكذا " وأشار بأصبعيه السبابة والوسطى وأي منزلةٍ أفضل من ذلك ؟ ،


- وثالث خطوة ان شاء الله نشر الموضوع دة فى المنتديات والمدونات ولو حد عندة لوجو يحطة مع لينكات لجمعيات ودور ايتام علشان يعم الخير ان شاء الله وياترى فية خير اكتر من دخولنا الجنة بأذن الله ....
يلا ياجماعة ابدأوا وتوكلوا على الله عاوزين الخير يعم بأذن الله .........

وهقولكوا قصة تنافس جميلة وحاجة والله العظيم عظيمة جدا وقصة ان شاء الله هتبينلكوا كفالة اليتيم قد اية عظيمة وحرص الصالحين والانبياء على التنافس فيها وعلى خيرها لانهم عارفين ان نتيجتها الجنة بأذن الله تعالى والفوز بيها والقصة هى" كفالة مريم "
أثار ميلاد مريم بنت عمران مشكلة صغيرة في بداية الأمر.. كان عمران قد مات قبل ولادة مريم.. وأراد علماء ذلك الزمان وشيوخه أن يربوا مريم.. كل واحد يتسابق لنيل هذا الشرف.. أن يربي ابنة شيخهم الجليل العالم وصاحب صلاتهم وإمامهم فيها.قال زكريا: أكفلها أنا.. هي قريبتي.. زوجتي هي خالتها.. وأنا نبي هذه الأمة وأولاكم بها.وقال العلماء والشيوخ: ولماذا لا يكفلها أحدنا..؟ لا نستطيع أن نتركك تحصل على هذا الفضل بغير اشتراكنا فيه.ثم اتفقوا على إجراء قرعة. أي واحد يكسب القرعة هو الذي يكفل مريم، ويربيها، ويكون له شرف خدمتها، حتى تكبر هي وهي تخدم المسجد وتتفرغ لعبادة الله، وأجريت القرعة.. وضعت مريم وهي مولودة على الأرض، ووضعت إلى جوارها أقلام الذين يرغبون في كفالتها، وأحضروا طفلا صغيرا، فأخرج قلم زكريا..قال زكريا: حكم الله لي بأن أكفلها.قال العلماء والشيوخ: لا.. القرعة ثلاث مرات.وراحوا يفكرون في القرعة الثانية.. حفر كل واحد اسمه على قلم خشبي، وقالوا: نلقي بأقلامنا في النهر.. من سار قلمه ضد التيار وحده فهو الغالب.وألقوا أقلامهم في النهر، فسارت أقلامهم جميعا مع التيار ما عدا قلم زكريا.. سار وحده ضد التيار.. وظن زكريا أنهم سيقتنعون، لكنهم أصروا على أن تكون القرعة ثلاث مرات. قالوا: نلقي أقلامنا في النهر.. القلم الذي يسير مع التيار وحده يأخذ مريم. وألقوا أقلامهم فسارت جميعا ضد التيار ما عدا قلم زكريا.
وسلموا لزكريا، وأعطوه مريم ليكفلها..

يلا ياجماعة نتوكل على الله ونبدأ فى نشر الخير دة وبأذن الله تعالى يعم وربنا كريم وحليم وربنا يجزيكوا خير بأذن الله على نشر الموضوع ويثبتكوا على طاعة الله وحسن عبادتة اللهم امين والمسلمين .
تحديث فى 13 / 12 :- السلام عليكم ورحمة الله وبركاتة : كما تعودنا منكم وتفاعلكم الايجابى مع حملات المدونة وبارك الله فيكم جميعا وجزاكم الله خيرا .... تم عمل جروب على الفيس بوك (وشكر خاص لاختنا الصغيرة جنة الله صاحبة مدونة قطرات ندى ) كماعودتنا من الحملة السابقة وتفاعلها الايجابى تم انشاء جروب "اكفلة وهيدخلك الجنة " والدعوة عامة لنشر الجروب وساعدونا بارك الله فيكم على نشرة والاشتراك فية وهو :-- http://www.facebook.com/group.php?v=info&gid=200367833817

هناك 24 تعليقًا:

غير معرف يقول...

طهر فؤادك
بارك الله فيك على ماتقدمه من خير للايتام
جزاك الله خيرا وجعله فى ميزان حسناتك اللهم امين

Noora يقول...

جزاك الله خيرا انت دائما سباق الى الخير اسأل الله العلي العظيم ان يجعله خالص لوجهه وان يتقبل منك صالح الاعمال

المجاهد الصغير يقول...

السلام عليكم
جزاكم الله خيرا
جعله الله فى ميزان حسناتكم
وفقكم الله لما يحبه ويرضاه

موناليزا يقول...

جعلكم الله مثالا دائما لفعل الخير والحث عليه

GiGi world يقول...

سلام عليكم
مبدئيا جزاك الله خيرا كثيرا وجعل دائما كل ماتقدمونه فى ميزانكم



لكن ليا نقد بسيط ياريت ماتحددش اسامى جمعيات مشهوره ماشاء الله بيبقى الروق عندهم واسع وربنا يكتر الخير
لكن فى جمعيات تانهي واماكن تانيه اكثر فقرا




زي بالظبط موضوع مستشفى سرطان الاطفال فرق رهيب بينهم وبين مركز الاورام القومى اللى فى الشارع اللى وراهم



بالتالى خلينا دايما نبص للى محتاج اكتر ويكفى عليهم اعلاناتهم خلينا احنا نعمل اعلانا ت لاماكن تانيه ونزود الخر فى مناطق تانيه لانه مشممكن يكون اماكن معدومه واماكن بتقدم جاتوهات ونسكافيه فى كافيتيريات المستشفى


اعذرنى وسامحنى اذا كان التعليق فى شئ ازعجك

كلمات من نور يقول...

جزاك الله خيرا يا بني ورزقك الجنة إلى جوار رسول الله صلى الله عليه وسلم.

رحلتنا في الحياة يقول...

السلام عليكم ورحمة الله وبركاته
جزاك الله خيرا وربنا يجعله دايما فى ميزان حسناتك ماشاء الله كل حملة اجمل من اللى قبلها
ان شاء الله اكيد هحاول اعمل بوست فى المدونة عن الموضوع خلال اليومين اللى جايين
جزاك الله خيرا مرة تانية

مرايتى يقول...

جزاك الله خيرا
ربنا يعينا ويجعله فى ميزان حسناتك

ريمان يقول...

احنا بفضل الله والحمد لله فى اسرتنا متعودين نزورهم دايما ونساعدهم

هما واطفال اللى فى دار الايواء

جزاك الله خيرا اخى

ربنا يجعله فى ميزان حسناتك

عمرو جويلى يقول...

السلام عليكم
ربنا يبارك فيك على إختياراتك
لموضوعات ومشاكل موجودة داخل
مجتمعناوبفكرة بسيطة تحاول أن تبصرنا
لهذه القضايا ومشارك معك بمشيئة الله
خالص تقديرى

طهر فؤادك يقول...

السلام عليكم ورحمة الله وبركاتة ,,,

جزاكم الله خيرا والمسلمين جميعااا ووفقكم الله الى مايحبة ويرضااة وثبتكم الله وثبتكم الله وثبتكم الله على طاعتة وحسن عبادتة امين يارب العالمين ...

- وربنا يكرمكوا يارب على تعليقاتكوا الجميلة الى انا ممتن ليها جدا جدا جدا وفى نفس الوقت انا اقل من الى انتوا بتقولوة دة اولا ... وثانيا انا فاتح التعليقات على الموضوع لاى اقتراح او خطة عمل جديدة او نقد وانا عارف انكم احبتى فى الله علشان كدة الثناء كان اكتر ودة اشكركم علية لكن ان شاء الله الى عاوزة بأذن الله ... اننا نتعاون مع بعض لنشر الموضوع وتفعيلة بأذن الله ودة الى هيسعدنى اكتر من الثناء والشكر لان دة واجب علية وعلى كل مسلم وربنا يجزيكوا خير يارب والمسلمين ويجعل عملنا خالص لوجة الله ويبعد عنة اى شبة من النفاق والرياء اللهم امين ...

-- اما عن اختى جيجى وملحوظتها ونقدها فأنا بحترمة جدااا جدااا وربنا يجزيكى خير علية بس حابب اوضح انى قايل فى الموضوع مش شرط جمعية بعنها او دار واى واحد جنبة دار للايتام او طفل فى عمارتة او فى الشارع او فى اى حتة يتيم يقدملة كل الى يقدر علية ومش بالفلوس بس لكن بالعطف والحنية ورقة القلب ودى البداية والخطوة الاهم ويلية الاهم وربنا يكرمكوا جميعا يارب على تفاعلكم بالموضوع وان شاء الله يكون فى ميزان حسناتم بأذن الله .

سمسم/سما يقول...

السلام عليكم
ربنا يجزيكم كل خير
ان شاء الله بيجي يوم وبقدر فيه اكفل يتيم
تحياتي

Qatarat Nada يقول...

الله الله الله الله الله الله عليك
ياااااااااااااااااااااااااااااارب يجعله في ميزان حسناتك يااااااااااااارب
بجد حملة رااااااااااااااائعة
وانا مشاركة معاكم
وزى ما وعدت حضرتك
الجروب في اقرب وقت ممكن حيكون جاهز
ربنا يتقبل منك ياااااارب




**********************
بعتذر عن الانقطاع وعدم المتابعة
بس والله الدراسة والثانوية
لسة في سنة اولى وكدة امال في تانية وتالتة حيبقى ايه النظام
ربنا يستر
المهم
تابعونا وتابعوا الجديد على
http://kataratnada.blogspot.com
او
http://wafa2stories.blogspot.com
واستنوا الجديد
وماتنسوش تدعولى الله يكرمكم

Qatarat Nada يقول...

تم بحمد الله انهاء الجروووب وبعد معاناة
لان النت بطئ جدا وانا يادوب اقوم اخلص اللى ورايا لانى نازلة وادخلة خباثة
^_^
ههههههههههه
مبروك الجروب
واى تعديل عليه رجاء قولى
وباذن الله حعدل زى ما حبيت حضرتك بالظبط
يلا دلوقتي سلام والقاكم في حملة جديدة علشان مشغولة جدااا

Qatarat Nada يقول...

اه صحيح نسيت احط رابط الجروب
http://www.facebook.com/group.php?gid=200367833817
وللعلم
بعد ما نقلت البوست من هنا
وخلال اربع دقائق
اصبح عدد المشاركون 4
يعني كمان ساعة كدة ولا حاجة
يكون الجروب انتشر في انحاء الموقع
وازداد عدد المتابعين
والفضل يرجع لربنا طبعا ثم لمنشئ الحملة
اللى هو حضرتك
ربنا يجعله في ميزان حسناتك
واى طلب تانى انا في الخدمة

Pink Dreams يقول...

بارك الله فيك

ربنا يجعله فى ميزان حسناتك يا رب

بيطرية ومش بايدى يقول...

اولا السلام عليكم ورحمة الله وبركاته
ثانيا انا مكسوفة جدا من نفسى ومن حضرتك لانى لسه ماحطتش جروب مدونتك هتنقذ طفلك
بس بالله عليك انقذنى وقولى الطريقة ازاى لانى فعلا حاولت معرفتش
وقعدت خبطت كتير فى البلوجر عشان اوصل وبرده معرفتش
انت عامل حاجات كتير فى مدونتك ناشاء الله يعنى زى المواقع دى والصور المتحركة وغيره بس انا تقدر تقول ابيض فى الحاجات دى

الله يكرمك ويزيدك من نعيمه
ويجازيك عنا كل خييييييييييير
ويجازى ندى الامورة والله البنوتة دى ان شاء الله هتطلع حاجة فى المجتمع يارب يبارك فيها وفى حضرتك

الله يرضى عليك

غير معرف يقول...

اسمعوا أيها الملحدون
تقول الإحصائيات أن أعلى نسبة للانتحار على الإطلاق كانت بين الملحدين لطالما تغنى الملحدون بإلحادهم وأفكارهم وحريتهم التي يتميزون بها عن غيرهم من المؤمنين! وطالما أتحفونا بسيل من كذبهم غير المنطقية يدَّعون فيها أنهم عقلانيون ويتعاملون مع الأمور بواقعية، وأنهم أكثر سعادة من غيرهم من المؤمنين الذين حكموا على أنفسهم بالانقياد للدين، وحرموا أنفسهم من ملذات الحياة!!
ولكن يأتي الواقع والعلم ليكذب هؤلاء ويفضح كذبهم وأنهم مجرد أدوات للشيطان يستخدمها في حربه مع المؤمنين التي سيخسرها بلا شك، وأن هؤلاء الملحدين اتخذوا الشيطان ولياً لهم من دون الله، ليكونوا شركاء له في نار جهنم يوم القيامة.
ومن عظمة القرآن أنه لم يهمل الحديث عن هؤلاء بل وصفهم وصفاً يليق بهم، يقول تعالى:
(اللَّهُ وَلِيُّ الَّذِينَ آَمَنُوا يُخْرِجُهُمْ مِنَ الظُّلُمَاتِ إِلَى النُّورِ وَالَّذِينَ كَفَرُوا أَوْلِيَاؤُهُمُ الطَّاغُوتُ يُخْرِجُونَهُمْ مِنَ النُّورِ إِلَى الظُّلُمَاتِ أُولَئِكَ أَصْحَابُ النَّارِ هُمْ فِيهَا خَالِدُونَ)
فماذا نرجو من إنسان أخرجه الشيطان من النور إلى الظلمات؟ إنه مثل إنسان ميت يائس لا حياة فيه ولا استجابة لديه، وهذا ما أثبتته الدراسات العلمية الجديدة!
الأبحاث العلمية تثبت أن الملحدين أكثر الناس يأساً!
ففي دراسة حديثة تبين أن الملحدين هم أكثر الناس يأساً وإحباطاً وتفككاً وتعاسة!!! ولذلك فقد وجدوا أن أعلى نسبة للانتحار على الإطلاق كانت بين الملحدين واللادينيين، أي الذين لا ينتسبون لأي دين، بل يعيشون بلا هدف وبلا إيمان.
فقد أكدت الدراسات العلمية المتعلقة بالانتحار أن أكبر نسبة للانتحار كانت في الدول الأكثر إلحاداً وعلى رأسها السويد التي تتمتع بأعلى نسبة للإلحاد. أما الدانمرك فكانت ثالث دولة في العالم من حيث نسبة الإلحاد حيث تصل نسبة الملحدين (واللادينيين) إلى 80 %، وليس غريباً أن تصدر منها الرسوم التي تستهزئ بنبي الرحمة صلى الله عليه وسلم.
تؤكد الدراسات العلمية على أن للتعاليم الدينية دور كبير في خفض نسبة الانتحار، وأن هذه التعاليم أقوى ما يمكن في الإسلام! ربما ندرك يا إخوتي لماذا حذر نبي الرحمة صلى الله عليه وسلم من الانتحار في قوله: (من قتل نفسه بحديدة فحديدته في يده يتوجأ بها في بطنه في نار جهنم خالدًا مخلدًا فيها أبدًا، ومن شرب سمًا فقتل نفسه، فهو يتحساه في نار جهنم خالدًا مخلدًا فيها أبدًا، ومن تردى من جبل فقتل نفسه، فهو يتردى في نار جهنم خالدًا مخلدًا فيها أبداً) [رواه البخاري ومسلم]. إنه أخطر تحذير على الإطلاق عرفته البشرية!! فهل هذا النبي يدعو للقتل والإرهاب؟ أم أنه حافظ على حياة أمته وأتباعه بهذا الحديث الشريف؟ ومن إعجاز هذا الحديث أنه شمل الحالات الأساسية التي تشكل أكثر من 90 % من حالات الانتحار.
فلو تأملنا إحصائيات الأمم المتحدة نلاحظ أن معظم نسب الانتحار يكون بمسدس أو سكين، وهو ما أشار إليه الحديث بكلمة (من قتل نفسه بحديدة)، السبب الثاني هو تجرع سم أو استنشاق غاز أو أخذ حبوب مخدرة، أي طريقة كيميائية وهو ما أشار إليه الحديث بقوله: (ومن شرب سمًا)، والسبب الثالث هو القفز من على جسر أو من أعلى بناء أي أن يرمي نفسه من مكان مرتفع وهو ما أشار إليه الحديث بقوله (ومن تردى من جبل)، انظروا كيف أن النبي صلى الله عليه وسلم لم يغفل عن مثل هذه الظاهرة فوضع العلاج المناسب والقوي لها مسبقاً!!
تؤكد هذه الدراسة العلمية أن أعلى نسبة للانتحار كانت بين الملحدين، ثم البوذيين ثم المسيحيين ثم الهندوس وأخيراً المسلمين الذين كانت نسبة الانتحار بينهم تقترب من الصفر. انظروا معي إلى العمود الذي يمثل نسبة الانتحار لدى الملحدين وهو أعلى نسبة لديهم، وتأملوا معي العمود الذي يمثل نسبة الانتحار بين المسلمين وهو أقل نسبة على الإطلاق، هل توحي لك هذه الحقيقة العلمية بشيء!!
خطوات علاج الانتحار كما يراها العلماء اليوم
تؤكد الدراسة على أن نسبة الانتحار زادت كثيراً في الخمسين سنة الماضية، وأكدت دراسات أخرى على أن الدول التي تضع قوانين صارمة تعاقب فيها من يحاول أن يقتل نفسه أو من يساعده على ذلك، هذه الدول كانت نسبة الانتحار فيها أقل، أما الدول التي لا تضع قوانين صارمة تعاقب من يحاول الانتحار مثل السويد والدانمرك بحجة 'حرية التعبير' فكانت تتمتع بأعلى نسبة انتحار.
من هنا تؤكد الدراسات على أنه من الضروري لعلاج ظاهرة الانتحار لابد من التحذير منها ووضع عقوبة رادعة لها. إذاً هناك ثلاث خطوات تنصح بها الدراسة لعلاج هذه الظاهرة التي تقول فيها الأمم المتحدة أن عام 2020 سيكون عدد المنتحرين مليون ونصف، وأن 15-30 مليون شخص سيحاولون الانتحار في عام واحد فقط، أي بمعدل جريمة انتحار واحدة كل 20 ثانية، وبمعدل محاولة انتحار كل ثانية أو ثانيتين!! وهذا عدد ضخم جداً وغير مسبوق

غير معرف يقول...

السلام عليكم

هدف رائع وسامي

اسأل الله ان تصل لأكبر عدد من المواقع والناس

واسأل الله لك التوفيق في كل تفاصيل حياتك والمسلمين

ليس فقيرا من يحب يقول...

السلام عليكم

ربنا يجازيك خير ويبارك فيك

ويكرمك ويجعل جهدك فى ميزان حسناتك

اللهم امين

Remas يقول...

حمد لله على السلامة

وحج مبرور وذنب مغفور باذن الله تعالى

اما عن موضوع الحملة فجزاك الله كل خير بجد

وانت فعلا قلت نقطة مهمة جدا انهم محتاجين مش بس مال او كساء وطعام ولكنهم يحتاجون ايضا لحنان وعطف ومشاركة

ان شاء الله انا معكم وهاحاول اعمل بوست تنويه عن الحملة في اقرب وقت

جزاك الله كل خير

فدا الاسلام. يقول...

مشاء الله حملة جميلة اوى ربنا يجعل هذا العمل فى ميزان حسناتك يارب ويجعلك بجوار النبى العدنان بالجنة...

ريمان يقول...

السلام عليكم ورحمه الله وبركاته

من عيونى والله

ان شاء الله هنزل بوست للحمله

nana يقول...

السلام علكم ورحمه الله وبركاته
جزاك الله خيرا عن هذه الحمله وجعله ان شاء الرحمن فى ميزان حسانتك